ਲੁਧਿਆਣਾ-
ਚੌਥੇ ਵਿਸ਼ਵ ਕਬੱਡੀ ਕੱਪ ਦੇ ਫਾਈਨਲ ਮੁਕਾਬਲੇ ਤੋਂ ਪਹਿਲਾਂ ਚੱਲ ਰਹੇ ਰੰਗਾਰੰਗ ਪ੍ਰੋਗਰਾਮ
ਵਿਚ ਉਸ ਸਮੇਂ ਹਫੜਾ-ਦਫੜੀ ਮਚ ਗਈ ਜਦੋਂ ਸਟੇਜ ‘ਤੇ ਇਕ ਵਿਅਕਤੀ ਚੜ੍ਹ ਗਿਆ ਅਤੇ ਉਸ ਨੇ
ਸਟੇਜ ‘ਤੇ ਪਰਫੌਰਮ ਕਰ ਰਹੀ ਗਾਇਕਾ ਜਸਪਿੰਦਰ ਨਰੂਲਾ ਦੇ ਹੱਥੋਂ ਮਾਈਕ ਖੋਹ ਕੇ ਬੋਲਣਾ
ਸ਼ੁਰੂ ਕਰ ਦਿੱਤਾ।
ਇਸ ਵਿਅਕਤੀ ਵੀਰ ਗੁਰਪ੍ਰੀਤ ਸਿੰਘ ਗੁਰੀ ਵਲੋਂ ਅਚਾਨਕ ਸਟੇਜ ‘ਤੇ ਚੜ੍ਹ
ਕੇ ਜਸਪਿੰਦਰ ਨਰੂਲਾ ਦੇ ਹੱਥੋਂ ਮਾਈਕ ਖੋਹਣ ਦੀ ਘਟਨਾ ਨਾਲ ਗਾਇਕਾ ਬਿਲਕੁਲ ਘਬਰਾ ਗਈ।
ਸਟੇਜ ਦੇ ਬਾਹਰ ਮੌਜੂਦ ਸਕਿਓਰਿਟੀ ਵਾਲੇ ਜਲਦੀ ਹੀ ਸਟੇਜ ‘ਤੇ ਪਹੁੰਚ ਗਏ ਅਤੇ ਉਸ ਵਿਅਕਤੀ
ਨੂੰ ਕਾਬੂ ਕਰ ਕੇ ਬਾਹਰ ਲੈ ਗਏ।
ਜ਼ਿਕਰਯੋਗ ਹੈ ਕਿ ਸਟੇਜ ‘ਤੇ ਚੜ੍ਹ ਕੇ ਮਾਈਕ ਖੋਹਣ ਵਾਲਾ ਸਿੱਖ ਨੌਜਵਾਨ
ਵੀਰ ਗੁਰਪ੍ਰੀਤ ਸਿੰਘ ਗੁਰੀ ਜੇਲਾਂ ‘ਚ ਸਜ਼ਾ ਕੱਟ ਚੁੱਕੇ ਸਿੱਖ ਨੌਜਵਾਨਾਂ ਦੀ ਰਿਹਾਈ ਦੇ
ਲਈ ਭੁੱਖ ਹੜਤਾਲ ‘ਤੇ ਬੈਠੇ ਭਾਈ ਗੁਰਬਖਸ਼ ਸਿੰਘ ਦਾ ਸਮਰਥਕ ਸੀ। ਉਹ ਸਟੇਜ ‘ਤੇ ਚੜ੍ਹ ਕੇ
ਪੰਜਾਬ ਸਰਕਾਰ ਦੇ ਖਿਲਾਫ ਆਪਣਾ ਰੋਸ ਪ੍ਰਗਟ ਕਰ ਰਿਹਾ ਸੀ ਅਤੇ ਸਰਕਾਰ ਦੇ ਕੰਨਾਂ ਤੱਕ
ਗੁਰਬਖਸ਼ ਸਿੰਘ ਦੀ ਆਵਾਜ਼ ਪਹੁੰਚਾਉਣਾ ਚਾਹੁੰਦਾ ਸੀ। ਸਿਖ ਨੌਜਵਾਨ ਵੀਰ ਗੁਰਪ੍ਰੀਤ ਸਿੰਘ
ਗੁਰੀ ਨੇ ਮਾਈਕ ਖੋਹ ਕੇ ਕਿਹਾ ਕਿ "ਇਕ ਬੰਦਾ ਮੌਤ ਦੇ ਕੰਢੇ
'ਤੇ ਖੜਾ ਹੈ, ਤੁਹਾਨੂੰ ਕਬੱਡੀ ਮੈਚਾਂ ਦੀ ਪਈ ਹੈ..."
ਸਿੱਖ
ਨੌਜਵਾਨ ਵੀਰ ਗੁਰਪ੍ਰੀਤ ਸਿੰਘ ਗੁਰੀ ਵਾਸੀ ਕਿਲਾ ਹਾਂਸ ਜਿਲਾ ਲੁਧਿਆਣਾ, ਜਿਸ ਦਾ ਭਾਈ
ਗੁਰਬਖਸ਼ ਸਿੰਘ ਦੀ ਹਾਲਤ ਨੇ ਅੰਦਰ ਹਲੂਣਿਆ, ਜੋ ਕਿ ਅੱਜ ਲੁਧਿਆਣੇ ਵਿਚ ਚੱਲ ਰਹੇ ਕੱਬਡੀ
ਕੱਪ ਦੇ ਦੌਰਾਨ ਰੋਸ ਪ੍ਰਗਟ ਕਰਨ ਵਾਸਤੇ ਸਟੇਜ 'ਤੇ ਚੜ ਗਿਆ, ਸਿਰਫ ਸਰਕਾਰ ਦੇ ਕੰਨਾਂ
ਤੱਕ ਇਹ ਗੱਲ ਪਹੁੰਚਾਉਣ ਵਾਸਤੇ ਕਿ ਇਕ ਬੰਦਾ ਮੌਤ ਦੇ ਕੰਢੇ 'ਤੇ ਖੜਾ ਹੈ, ਤੁਹਾਨੂੰ
ਕਬੱਡੀ ਮੈਚਾਂ ਦੀ ਪਈ ਹੈ। ਇਸ ਦੇ ਦੋ ਪਰਿਵਾਰਕ ਮੈਬਰ ਪਹਿਲਾਂ ਵੀ ਸੰਘਰਸ਼ ਦੌਰਾਨ ਸ਼ਹੀਦ
ਹੋ ਚੁਕੇ ਹਨ।
ਸੋ, ਸਾਡੀ ਪੰਥ ਦਰਦੀ ਜਥੇਬੰਦੀਆਂ ਨੂੰ ਬੇਨਤੀ ਹੈ ਕਿ ਜਲਦੀ ਤੋਂ ਜਲਦੀ ਇਸ
ਵੀਰ ਦੇ ਪਿਛੇ ਜਾਕੇ, ਇਸ ਦੇ ਕੇਸ ਦੀ ਪੈਰਵੀ ਕੀਤੀ ਜਾਵੇ, ਇਸ ਤੋ ਪਹਿਲਾਂ ਕਿ ਇਸ
ਨੌਜਵਾਨ 'ਤੇ ਝੂਠੇ ਕੇਸ ਪਾਕੇ, ਜੇਲ ਵਿਚ ਸੁੱਟ ਦੇਣ। ਇਹ ਨਾ ਹੋਵੇ ਕਿ ਅਸੀਂ ਹੋਰਾਂ
ਸਿੰਘਾਂ ਨੂੰ ਰਿਆਹ ਕਰਵਾਉਂਦੇ ਕਰਵਾਉਂਦੇ, ਇਸ ਨੌਜਵਾਨ ਦਾ ਵੀ ਨੁਕਸਾਨ ਕਰਵਾ ਬੈਠੀਏ।
ਬੇਨਤੀ ਕਰਤਾ ..ਅਖੌਤੀ ਸੰਤਾਂ ਦੇ ਕੌਤਕ ਟੀਮ
ਨੋਟ: ਸਰਕਾਰ ਅੱਗੇ ਬੇਨਤੀ ਅਤੇ
ਮਸ਼ਵਰਾ ਹੈ, ਕਿ ਜਦੋਂ ਇਨਸਾਫ਼ ਮੰਗਣ ਦੇ ਸਾਰੇ ਰਸਤੇ ਬੰਦ ਹੋ ਜਾਣ, ਫੇਰ ਬੰਦਾ ਕੀ ਨਹੀਂ
ਕਰਦਾ। ਸੋ, ਇਨ੍ਹਾਂ ਸਰਕਾਰਾਂ ਨੂੰ ਜਾਗਣ ਦੀ ਲੋੜ ਹੈ, ਸਿੱਖਾਂ ਵਿਚ ਰੋਸ ਦੀ ਅੱਗ ਸੁਲਗ ਰਹੀ
ਹੈ, ਜੇਕਰ ਯੋਗ ਅਗਵਾਈ ਮਿਲ ਗਈ, ਤਾਂ ਤੁਹਾਨੂੰ ਕਿਸੇ ਨੂੰ ਭਜਣ ਨੂੰ ਰਾਹ ਨਹੀਂ ਲਭਣਾ,
ਸੋ ਸੁਧਰ ਜਾਵੋ, ਸਿੱਖਾਂ ਨੂੰ ਹੋਰ ਨਾ ਸਤਾਓ !!!
ਦੇਖੋ (ਅੱਗ)ਬਾਣੀ (ਜੱਗਬਾਣੀ) ਅਖਬਾਰ
ਦੀ ਬੋਲਬਾਣੀ, ਜੇਕਰ ਸਿੱਖ ਰੋਸ ਪ੍ਰਗਟ ਕਰਨ ਦਾ ਇਨ੍ਹਾਂ ਨੂੰ ਸਿਰ ਫਿਰੇ ਲੱਗਦੇ
ਹਨ। ਇਹ ਬੋਲੀ ਸਰਕਾਰ ਦੇ ਕੰਨਾਂ ਤੱਕ ਗੱਲ ਪਹੁਚਉਣ ਦਾ ਤਰੀਕਾ ਹੈ।
ਹਾਂ, ਇਕ ਗੱਲ ਜਰੂਰ ਹੈ ਤੁਹਾਡੇ ਨਾਣ ਗਾਣੇ ਵਿਚ ਜ਼ਰੂਰ ਵਿਘਨ
ਪੈ ਗਿਆ ਹੈ, ਓਦੋ ਇੱਕ ਮੱਸਾ ਰੰਗੜ ਸੀ, ਹੁਣ ਕਿੰਨੇ ਮੱਸੇ ਰੰਗੜ ਸਟੇਜ 'ਤੇ ਬੈਠੇ ਹਨ।
