Khalsanews

ਬਲਿਊ-ਸਟਾਰ ਆਪਰੇਸ਼ਨ

1984 ਜੂਨ ਵਿਚ ਗੁਰੂ ਅਰਜਨ ਦੇਵ ਪਾਤਸ਼ਾਹ ਜੀ ਦੇ ਸ਼ਹੀਦੀ ਪੁਰਬ ਤੇ ਕੀਰਤਨ ਲਈ ਮੈਂ ਗੁਰਦੁਵਾਰਾ ਮਾਡਲ ਟਾਊਨ ਜਲੰਧਰ ਬਚਨ ਕੀਤਾ ਹੋਇਆ ਸੀ। ਸਮਾਗਮ ਸ਼ੁਰੂ ਹੋਣ ਦੇ ਪਹਿਲੇ ਦਿਨ ਹੀ ਗੁਰਦੁਆਰਾ ਸਾਹਿਬ ਦੇ ਨਜ਼ਦੀਕ ਹੀ ਕਿਸੇ ਹਿੰਦੂ ਨੌਜਵਾਨ ਦਾ ਕਤਲ ਹੋ ਗਿਆ ਅਤੇ ਕਿਸੇ ਨੇ ਇਹ ਭੀ ਆਖ ਦਿਤਾ ਕੇ ਕਾਤਲ ਦੌੜ ਕੇ ਗੁਰਦੁਆਰੇ ਵੜ ਗਿਆ ਅਤੇ ਸੰਗਤ ਵਿਚ ਸ਼ਾਮਲ ਹੋਗਿਆ ਹੈ। ਇਉਂ ਸਮਾਗਮ ਦਾ ਮਹੌਲ ਖਰਾਬ ਹੋ ਗਿਆ ਅਤੇ ਪ੍ਰਬੰਧਕ ਭੀ ਪ੍ਰੇਸ਼ਾਨ ਹੋ ਗਏ, ਸ਼ਾਮ ਦਾ ਸਮਾਗਮ ਕੈਂਸਲ ਕਰ ਦਿਤਾ ਗਿਆ। ਦੂਜੇ ਦਿਨ ਉਸ ਨੌਜਵਾਨ ਦੇ ਸਸਕਾਰ ਸਮੇਂ ਸ਼ਹਿਰ ਦੇ ਹਾਲਾਤ ਹੋਰ ਖਰਾਬ ਹੋਣ ਅਤੇ ਕਰਫਿਊ ਲਗ ਜਾਣ ਦੇ ਆਸਾਰ ਬਣ ਗਏ।
ਸੋ ਪ੍ਰੋਗਰਾਮ ਕੈਂਸਲ ਕਰ ਦਿਤਾ ਗਿਆ ਅਤੇ ਅਸੀਂ ਵਾਪਸ ਘਰ ਜ਼ੀਰਕ ਪੁਰ {ਚੰਡੀਗੜ} ਲਈ ਚਲ ਪਏ। ਸਾਡੇ ਰਾਤ ਵਾਪਸ ਘਰ ਪਹੁਂਚਦਿਆਂ ਤਕ ਸਾਰੇ ਪੰਜਾਬ ਵਿਚ ਕਰਫਿਯੂ ਲਗ ਗਿਆ ਅਤੇ ਸ੍ਰੀ ਅਕਾਲ ਤਖਤ ਸਾਹਿਬ ਤੇ ਹਿੰਦੁਸਤਾਨ ਦੀ ਫੌਜ ਨੇ ਤੋਪਾਂ, ਟੈਂਕਾਂ ਨਾਲ ਹਮਲਾ ਕਰ ਦਿਤਾ। ਸਿੱਖਾਂ ਕੋਲ ਕੇਵਲ ਸਰਕਾਰੀ ਮੀਡੀਏ ਦੀਆਂ ਕੁਛ ਖਬਰਾਂ ਜਾਂ ਅਫਵਾਹਾਂ ਹੀ ਰਹਿ ਗਈਆਂ, ਪਾਕਿਸਤਾਨੀ ਟੀ ਵੀ ਅਤੇ ਰੇਡੀਓ ਦੀ ਫ੍ਰੀਕੁਅੰਸੀ Frequency ਭੀ ਜਾਮ ਕਰ ਦਿਤੀ ਗਈ।
ਹਰ ਪਾਸੇ ਦਹਿਸ਼ਤ ਅਤੇ ਮਾਤਮੀ ਮਾਹੌਲ ਬਣ ਗਿਆ। ਉਸ ਸਮੇਂ ਜਿਹਨਾ ਨੂੰ ਪਤਾ ਸੀ ਉਹਨਾ ਨੂੰ ਬੀ.ਬੀ.ਸੀ ਲੰਡਨ ਦੀਆਂ ਖਬਰਾਂ ਤੋਂ ਕੁਛ ਜਾਨਕਾਰੀ ਮਿਲਦੀ ਰਹੀ, ਜਾਂ ਫਿਰ ਸਰਕਾਰੀ ਮੀਡੀਏ ਰਾਹੀਂ ਸਿੰਘ ਸਾਹਿਬ ਗਿਆਨੀ ਕਿਰਪਾਲ ਸਿੰਘ ਜੀ ਦੇ ਬੋਲ ਸੁਣਾਇ ਗਏ ਕਿ ਕੋਠਾ ਸਾਹਿਬ ਠੀਕ ਠਾਕ ਹੈ। ਇਉਂ ਹੀ ਨਿਹਾਲ ਸਿੰਘ ਜੀ ਹਰੀਆਂ ਵੇਲਾਂ ਵਾਲਿਆਂ ਦੇ ਕੁਛ ਬੋਲ ਸੁਣਾਇ ਗਇ ਜਾਂ ਫਿਰ ਦਿੱਲੀ ਦੇ ਕੁਛ ਸਰਕਾਰੀ ਝੋਲੀ ਚੁੱਕ ਸਿੱਖਾਂ ਜਥੇਦਾਰ ਰਛਪਾਲ ਸਿੰਘ ਪ੍ਰ: ਹਰਬੰਸ ਸਿੰਘ ਆਦਿ ਵਲੋਂ ਅਪਣੇ ਭਾਸ਼ਣਾਂ ਰਾਹੀਂ ਸਰਕਾਰ ਨੂੰ ਨਿਰਦੋਸ਼ ਸਾਬਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਰਹੀ।
ਗਿਆਨੀ ਜ਼ੈਲ ਸਿੰਘ {ਰਾਸ਼ਟਰ ਪਤੀ} ਅਤੇ ਇੰਦਰਾ ਗਾਂਧੀ {ਪ੍ਰਧਾਨ ਮੰਤਰੀ} ਦੀ ਦਰਬਾਰ ਸਾਹਿਬ ਫੇਰੀ ਦਿਖਾਈ ਗਈ, ਪਰ ਇਹ ਕਰਫਿਊ ਦੇ ਦਸ ਦਿਨ ਸਿਖਾਂ ਨੇ ਬੇਬਸੀ ਦੀ ਹਾਲਤ ਵਿਚ ਇਕ ਮਜ਼ਲੂਮ ਕੈਦੀ ਵਾਂਗੂ ਬਿਤਾਇ, ਜੇ ਕਿਤੇ ਗੁਰੂ ਸਥਾਨਾਂ ਦੀ ਬੇਅਦਬੀ ਸੁਣਕੇ ਕਿਸੇ ਪਿੰਡ ਤੋਂ ਜੁੱਰਤ ਨਾਲ ਸਿੱਖ ਸੰਗਤ ਟਰਾਲੀਆਂ ਭਰਕੇ ਦਰਬਾਰ ਸਾਹਿਬ ਦੇ ਦਰਸ਼ਨਾਂ ਲਈ ਤੁਰੀ, ਤਾਂ ਪੰਜਾਬ ਵਿਚ ਸੜਕਾਂ ਤੇ ਹਰਲ ਹਰਲ ਕਰਦੀ ਫਿਰ ਰਹੀ ਮਿਲਟਰੀ ਨੇ ਗੋਲੀਆਂ ਮਾਰਕੇ ਸ਼ਹੀਦ ਕਰ ਦਿੱਤਾ।
ਦਸ ਦਿਨ ਬਾਅਦ ਕਰਫਿਊ ਖੁਲਿਆ ਤਾਂ ਪਹਿਲੇ ਦਿਨ ਚੰਡੀਗੜ 22 ਸੈਕਟਰ ਦੇ ਗੁਰਦੁਆਰੇ ਰੋਸ ਦਿਵਾਨ ਸਜਿਆ, ਹਜ਼ਾਰਾਂ ਸੰਗਤਾਂ ਇਕੱਠੀਆਂ ਹੋਈਆਂ। ਸਭ ਦੇ ਮਨ ਵਿਚ ਜਜ਼ਬੇ ਅਤੇ ਰੋਸ ਦਾ ਭਿਆਨਕ ਤੁਫਾਨ ਸੀ। ਮੈਂ ਭੀ ਅਪਣੇ ਅੰਦਰ ਦੇ ਰੋਸ ਦਾ ਕੀਰਤਨ ਰਾਹੀਂ ਕੀਤਾ ਅਤੇ ਪਹਿਲੇ ਦਿਨ ਮੇਰੇ ਅਤੇ ਉਸ ਵਕਤ ਦੇ 15 ਸੈਕਟਰ ਗੁਰਦੁਆਰੇ ਦੇ ਪ੍ਰਧਾਨ ਦੇ ਖਿਲਾਫ ਕੇਸ ਦਰਜ ਹੋਇਆ।


"ਬੋਲਹਿ ਸਾਚੁ ਮਿਥਿਆ ਨਹੀ ਰਾਈ" ਲੜੀਵਾਰ ਲਿਖਤਾਂ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ

ਵਾਹਿਗੁਰੂ ਜੀ ਕਾ ਖ਼ਾਲਸਾ, ਵਾਹਿਗੁਰੂ ਜੀ ਕੀ ਫ਼ਤਹਿ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜੱਥੇਦਾਰ), ਪਖੰਡੀ ਸਾਧ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ। ਕਿਸੇ ਨੂੰ ਇਹ ਸਾਈਟ ਚੰਗੀ ਨਹੀਂ ਲਗਦੀ, ਸੌਖਾ ਤਰੀਕਾ ਹੈ, ਇਸ ਸਾਈਟ ਨੂੰ ਨਾ ਦੇਖਿਆ ਕਰੋ, Visit ਨਾ ਕਰਿਆ ਕਰੋ, ਅਸੀਂ ਕਿਸੇ ਨੂੰ ਸੱਦਾ ਦੇਣ ਨਹੀਂ ਜਾਂਦੇ। ਨਾ ਤਾਂ ਅਸੀਂ ਇਸ ਸਾਈਟ ਦਾ ਨਾਮ ਬਦਲਣਾ ਹੈ, ਨਾ ਹੀ ਗੁਰਮਤਿ ਦਾ ਰਾਹ ਛਡਣਾ ਹੈ।


Disclaimer: Khalsanews.org does not necessarily endorse the views and opinions voiced in the news, articles, audios, videos or any other contents published on www.khalsanews.org and cannot be held responsible for their views. Read full details...