ਦੁਰ ਫਿੱਟੇ ਮੂੰਹ ਅਜੇਹੇ ਸਿੱਖ ਨੇਤਾਵਾਂ ਦੇ, ਜਿਹਨਾਂ ਨੂੰ ਕੌਮ ਦਾ ਕਦੇ ਦਰਦ ਨਾ ਹੋਇਆ। ਭਾਈ ਗੁਰਬਖ਼ਸ਼ ਸਿੰਘ ਦੇ ਮਨ ਵਿੱਚ ਮਜ਼ਲੂਮ ਸਿੱਖਾਂ ਵਾਸਤੇ ਦਰਦ ਸੀ ਤੇ ਉਹ ਜੇਲਾਂ ਵਿੱਚ ਬੰਦ ਸਿੰਘਾਂ ਨੂੰ ਰਿਹਾ ਕਰਾਉਣ ਵਾਸਤੇ ਭੁੱਖ ਹੜਤਾਲ 'ਤੇ ਬੈਠ ਗਏ। ਪਰ ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰੀ ਅਵਤਾਰ ਚੰਦ { ਸਿੰਘ } ਨੇ ਬੇਵਕੂਫਾਂ ਵਾਲਾ ਬਿਆਨ ਦੇ ਕੇ, ਆਪਣੀ ਅਕਲ ਦਾ ਜਨਾਜ਼ਾ ਕੱਢਵਾਇਆ ਹੈ, ਕਿ ਭਾਈ ਗੁਰਬਖ਼ਸ ਸਿੰਘ ਦਾ ਹੜਤਾਲ ਕਰਨ ਦਾ ਤਰੀਕਾ ਗਲਤ ਹੈ।

ਉਹ ਭਲਿਆ ਮਾਣਸਾ ਤੇਰੇ ਮਨ ਵਿੱਚ ਤੇ ਤੇਰੇ ਆਕਾ ਦੇ ਮਨ ਵਿੱਚ ਪਿਛਲੇ 29 ਸਾਲ ਤੋਂ ਕੋਈ ਦਰਦ ਨਹੀਂ ਆਇਆ, ਕਿ ਪੰਜਾਬ ਦੀ ਜਵਾਨੀ ਜੇਲਾਂ ਵਿੱਚ ਰੁਲ ਗਈ। ਉਹਨਾਂ ਦੇ ਪਰਵਾਰ ਰੋਟੀ ਨੂੰ ਤਰਸ ਰਹੇ ਹਨ। ਬੁੱਢੇ ਮਾਂ ਬਾਪ ਆਪਣੇ ਪੁੱਤਰਾਂ ਦੇ ਮੂੰਹ ਦੇਖਣ ਨੂੰ ਤਰਸ ਗਏ, ਕਈ ਇਲਾਜ਼ ਖੁਣੋ ਰੱਬ ਨੂੰ ਪਿਆਰੇ ਹੋ ਗਏ। ਧਰਮੀ ਫੌਜੀ ਤੇ ਉਹਨਾਂ ਦੇ ਪਰਵਾਰ ਰੁਲ ਗਏ। ਉਹ ਮੂਰਖ ਆਗੂਓ, ਥੋਨੂੰ ਕੁਰਸੀਆਂ ਦਾ ਨਸ਼ਾ ਹੋ ਗਿਆ, ਕੈਮਰੀ ਗੱਡੀਆਂ ਮਿਲ ਗਈਆਂ ਘੁੰਮਣ ਵਾਸਤੇ, ਤੇਲ ਸਿੱਖ ਸੰਗਤਾਂ ਦਾ ਫੂਕਣ ਨੂੰ ਮਿਲ ਗਿਆ। ਤੇਰੇ ਆਕਾ ਨੂੰ ਤੇ ਉਸ ਦੇ ਪਰਵਾਰ ਨੂੰ ਮੁੱਖ ਮੰਤਰੀ ਤੇ ਮੰਤਰੀ ਮੰਡਲ ਦੇ ਵੱਡੇ ਔਹੁਦੇ ਮਿਲ ਗਏ, ਹਵਾਈ ਜ਼ਹਾਜ ਉੱਡਣ ਨੂੰ ਮਿਲ ਗਏ, 13 ਸਾਲ ਮੁੱਖ ਮੰਤਰੀ ਬਣਕੇ ਕਦੇ ਪੀੜਤ ਪਰਵਾਰਾਂ ਦੀ ਕਿਸੇ ਸਾਰ ਨਾ ਲਈ, ਬੁੱਚੜ ਅਫਸਰ ਵੱਡੇ ਔਹੁਦੇ ਦੇ ਦੇ ਨਿਵਾਜ਼ ਦਿੱਤੇ ਗਏ, ਤੇਰੇ ਮੂੰਹ ਵਿੱਚ ਕੌਮ ਦਾ ਲਹੂ ਪੈਣ ਲੱਗ ਪਿਆ ਤੇ ਤੇਨੂੰ ਤੇ ਤੇਰੇ ਆਕਾ ਦਾ ਮਨ { ਦਿਲ } ਇਕ ਵਾਰ ਵੀ ਨਾ ਕੀਤਾ ਕਿ ਲੋਕਾ ਚਾਰੀ ਤੌਰ 'ਤੇ ਹੀ ਕਿਸੇ ਪੀੜਤ ਬਾਰੇ ਕੋਈ ਬਿਆਨ ਦੇ ਦੇਵੇ ।

ਪਰਮਜੀਤ ਸਿੰਘ