ਵਾਹਿਗੁਰੂ ਜੀ ਕਾ ਖਾਲਸਾ ॥ ਵਾਹਿਗੁਰੂ ਜੀ ਕੀ ਫਤਹਿ ॥
ਗੁਰੂ ਕੇ ਪਿਆਰੇ ਸਿੱਖ ਭੈਣ ਭਾਈ ਤੇ ਸਰਬੱਤ ਨਾਨਕ ਨਾਮ ਲੇਵਾ ਗੁਰੂ ਗਰੰਥ ਸਾਹਿਬ ਜੀ ਨੂੰ
ਸਮਰਪਤ ਗੁਰ-ਸ਼ਬਦ ਦੇ ਸਤਸੰਗੀਓ, ਨਿੱਤ ਗੁਰਬਾਣੀ ਟੀ ਵੀ ਪ੍ਰੋਗਰਾਮ ਵਿੱਚ ਇੱਕ ਧੁਨ ਵੱਜਦੀ
ਆਪ ਭੀ ਸਰਵਣ ਕਰਦੇ ਹੋ ਤੇ ਮੈਂ ਵੀ ।
ਉਹ ਧੁਨਿ ਹੈ "ਚਲੁ ਰੇ ਬੈਕੁੰਠ ਤੁਝਹਿ
ਲੇ ਤਾਰਉ ॥" ਇਹ ਬਾਣੀ ਕਬੀਰ ਜੀ ਦੀ ਹੈ ਤੇ ਗੁਰੂ ਗਰੰਥ ਸਾਹਿਬ ਜੀ ਵਿੱਚ ਦਰਜ
ਵੀ ਹੈ। ਅੱਗੇ ਕਬੀਰ ਜੀ ਦਾ ਹੀ ਸ਼ਬਦ ਹੈ:
ਗਉੜੀ ਕਬੀਰ ਜੀ ॥
ਜੋ ਜਨ ਪਰਮਿਤਿ ਪਰਮਨੁ ਜਾਨਾ ॥ ਬਾਤਨ ਹੀ ਬੈਕੁੰਠ ਸਮਾਨਾ
॥੧॥
ਨਾ ਜਾਨਾ ਬੈਕੁੰਠ ਕਹਾ ਹੀ ॥ ਜਾਨੁ ਜਾਨੁ ਸਭਿ ਕਹਹਿ ਤਹਾ ਹੀ
॥੧॥ ਰਹਾਉ ॥
ਕਹਨ ਕਹਾਵਨ ਨਹ ਪਤੀਅਈ ਹੈ ॥ ਤਉ ਮਨੁ ਮਾਨੈ ਜਾ ਤੇ ਹਉਮੈ ਜਈ
ਹੈ ॥੨॥
ਜਬ ਲਗੁ ਮਨਿ ਬੈਕੁੰਠ ਕੀ ਆਸ ॥ ਤਬ ਲਗੁ ਹੋਇ ਨਹੀ ਚਰਨ ਨਿਵਾਸੁ
॥੩॥
ਕਹੁ ਕਬੀਰ ਇਹ ਕਹੀਐ ਕਾਹਿ ॥ ਸਾਧਸੰਗਤਿ ਬੈਕੁੰਠੈ ਆਹਿ
॥੪॥੧੦॥
ਪੰਚਮ ਪਾਤਸ਼ਾਹ ਗੁਰਵਾਕ ਵਿੱਚ ਕਹਿੰਦੇ ਹਨ "ਤਹਾ ਬੈਕੁੰਠੁ ਜਹ
ਕੀਰਤਨੁ ਤੇਰਾ ਤੂੰ ਆਪੇ ਸਰਧਾ ਲਾਇਹਿ ॥2॥"
ਇਹ PTC ਦੀ Advt. ਇਸਦੇ ਨਾਲ ਹੇਮਕੁੰਟ ਦੇ ਦਰਸ਼ਣ ਕਰਨ ਬਾਰੇ ਕਿਹਾ
ਜਾਂਦਾ ਹੈ। ਕੀ ਬੈਕੁੰਠ ਦਾ ਇਸ ਹੇਮਕੁੰਟ ਨਾਲ ਕੋਈ ਸੰਬੰਧ
ਹੈ? ਜੇ ਨਹੀਂ ਤਾਂ ਭੋਲੀ ਸੰਗਤਿ ਨੂੰ ਗੁੰਮਰਾਹ ਕਿਉਂ ਕੀਤਾ ਜਾ ਰਿਹਾ ਹੈ? SGPC
ਤੇ ਮੌਜੂਦਾ ਕਥਿਤ ਜਥੇਦਾਰ ਤੇ ਪ੍ਰਚਾਰਕ ਸ਼੍ਰੇਣੀ ਇਹਦੇ ਬਾਰੇ ਕੋਈ ਕਿੰਤੂ ਕਿਉਂ ਨਹੀਂ
ਕਰਦੇ?
ਸਿੱਖ ਨੇ ਇਸ ਬੈਕੁੰਠ (ਪ੍ਰਚਾਰੇ ਜਾ ਰਹੇ
ਹੇਮਕੁੰਟ) ਨਾਲ ਕੋਈ ਸਬੰਧ ਰੱਖਣਾ ਹੈ?
ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
