Share on Facebook

Main News Page

ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਚਿਹਰੇ ਪਛਾਣ ਕੇ ਹੀ ਏਕਤਾ ਕਰੋ,
ਤਾਂਕਿ ਰੋਜ਼ ਰੋਜ਼ ਨਵੇਂ ਸਿਆਸੀ ਅਤੇ ਦੌਲਤ, ਸ਼ੋਹਰਤ ਦੇ ਲਾਲਚੀ ਗੰਗੂਆਂ ਕੋਲੋਂ ਧੋਖੇ ਨਾ ਖਾਓ
!

-: ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ

10 Dec 2017
ਅੱਜ ਸਿੱਖੀ ਦੇ ਭਵਿੱਖ ਲਈ ਫਿਕਰਮੰਦ ਲੋਕਾਂ ਦੀਆਂ ਹਰ ਪਾਸਿਓਂ ਤਰ੍ਹਾਂ ਤਰ੍ਹਾਂ ਦੀਆਂ ਆਵਾਜ਼ਾਂ ਆ ਰਹੀਆਂ ਹਨ। ਆਰ.ਐਸ.ਐਸ., ਬਾਦਲ, ਬੀ.ਜੇ.ਪੀ., ਕਾਂਗਰਸ ਵਾਲਾ ਕੰਡਾ ਕੱਢ ਕੇ ਰਾਹ ਸਾਫ ਕਰੋ, ਪੰਥ ਪ੍ਰਸਤ ਲੋਕ ਆਪਸੀ ਏਕਤਾ ਕਰਕੇ, ਇੱਕ ਝੰਡੇ ਥੱਲੇ ਇਕੱਠੇ ਹੋਣ... ਆਦਿ। ਕੋਈ ਸ਼ੱਕ ਨਹੀਂ ਇਹ ਸੋਚ ਪੰਥ ਦਰਦੀ ਹੋਣ ਦਾ ਸਬੂਤ ਹੈ।

ਪਰ ਸੋਚੋ, ਰਾਹਾਂ ਦੇ ਕੰਡੇ ਕਦੀ ਅੰਧੇਰੇ ਵਿੱਚ ਨਹੀਂ ਚੁਣੇ ਜਾਂਦੇ, ਹਾਂ ਚੁੱਭਦੇ ਜ਼ਰੂਰ ਹਨ। ਏਕਤਾ ਕਦੀ ਅੰਧੇਰੇ ਦੀ ਬੇ-ਪਛਾਣਗੀ ਵਿੱਚ ਨਹੀਂ ਹੋਂਦੀ, ਅੰਧੇਰੇ ਵਿੱਚ ਕਾਫਲੇ ਵਿਛੜਦੇ ਹਨ, ਕਾਫਲੇ ਬਣਦੇ ਨਹੀਂ। ਪਰ ਅਸੀਂ "ਗੁਰਬਾਣੀ ਇਸੁ ਜਗ ਮਹਿ ਚਾਨਣੁ" ਤੋਂ ਮੂੰਹ ਮੋੜ ਕੇ ਬੁੱਝੀਆਂ ਹੋਈਆਂ ਲੈਂਪਾਂ ਦੇ ਸਹਾਰੇ ਕੰਡੇ ਚੁਗਣੇ ਅਤੇ ਏਕਤਾ ਦੇ ਸੁਪਨੇ ਲੈ ਰਹੇ ਹਾਂ ਜੋ ਬਹੁਤ ਪਿਆਰੇ ਲਗਦੇ ਹਨ। ਅੰਧੇਰੇ ਦੀ ਬੇਪਛਾਣ ਏਕਤਾ ਦੇ ਕਾਫਲੇ ਵਿੱਚ ਤਾਂ ਗੰਗੂ ਵਰਗੇ ਸਾਥੀ ਭੀ ਸ਼ਾਮਿਲ ਹੋ ਜਾਂਦੇ ਹਨ, ਜਿਹੜੇ ਸਮੇਂ ਨਾਲ ਪ੍ਰਵਾਰ ਵਿਛੋੜੇ ਅਤੇ ਸ਼ਹੀਦੀਆਂ ਦਾ ਕਰਣ ਬਣਦੇ ਹਨ।

ਇਸ ਲਈ ਵੀਰੋ! ਮੈਂ ਇਹ ਨਹੀਂ ਕਹਿੰਦਾ ਕਿ ਮੇਰੇ ਮਗਰ ਲੱਗੋ, ਕਹਿੰਦਾ ਹਾਂ ਆਓ ਗੁਰਬਾਣੀ ਦੇ ਚਾਨਣ ਵਿੱਚ ਹੀ ਕੰਡੇ ਚੁਗੋ, ਅਤੇ ਗੁਰਬਾਣੀ ਸਿਧਾਂਤ ਦੀ ਰੌਸ਼ਨੀ ਵਿੱਚ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਚਿਹਰੇ ਪਛਾਣ ਕੇ ਹੀ ਏਕਤਾ ਕਰੋ, ਤਾਂਕਿ ਰੋਜ਼ ਰੋਜ਼ ਨਵੇਂ ਸਿਆਸੀ ਅਤੇ ਦੌਲਤ, ਸ਼ੋਹਰਤ ਦੇ ਲਾਲਚੀ ਗੰਗੂਆਂ ਕੋਲੋਂ ਧੋਖੇ ਨਾ ਖਾਓ।

ਅੱਜ ਦੀ ਹਾਲਤ "ਬਾਝੁ ਗੁਰੂ ਅੰਧੇਰੁ ਹੈ ਖਹਿ ਖਹਿ ਮਰਦੇ ਬਹੁ ਬਿਧਿ ਲੋਆ॥"


ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।


ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸ'ਚ ਬੋਲਣ ਅਤੇ ਸ'ਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।



Disclaimer: Khalsanews.org does not necessarily endorse the views and opinions voiced in the news। articles। audios videos or any other contents published on www.khalsanews.org  and cannot be held responsible for their views.  Read full details....

Go to Top