Khalsanews

ਮੇਰੀ ਦੋਸਤ ਸੂਚੀ ਵਿੱਚ ਖਾਸ ਆਦਮੀਆਂ ਨੂੰ ਜ਼ਰੂਰੀ ਬੇਨਤੀ 🙏
-: ਪ੍ਰਭਦੀਪ ਸਿੰਘ ਟਾਈਗਰ ਜਥਾ ਯੂ.ਕੇ.

ਜਿੱਥੇ ਹਰ ਕੌਮ ਵਿੱਚ ਸ਼ੇਰੇ-ਏ-ਕੌਮ, ਫ਼ਖ਼ਰ-ਏ-ਕੌਮ, ਬਾਬਾ-ਏ-ਕੌਮ, ਮਾਣ-ਏ-ਕੌਮ ਅਤਿਆਦਿਕ ਖੂਬੀਆਂ ਵਾਲੀਆਂ ਸਖਸ਼ੀਅਤਾਂ ਪਾਈਆਂ ਜਾਂਦੀਆਂ ਹਨ, ਉੱਥੇ ਇਸਦੇ ਬਿਲਕੁੱਲ ਉੱਲਟ ਕੁੱਝ ਐਸੀਆਂ ਜਿਨਸਾਂ ਭੀ ਹਰ ਕੌਮ ਵਿੱਚ ਪਾਈਆਂ ਜਾਂਦੀਆਂ ਹਨ, ਜੋ ਕਿ ਸੁਭਾਅ ਕਰਕੇ ਉੱਤੇ ਬਿਆਨ ਕੀਤੀਆਂ ਹੋਈਆਂ ਖੂਬੀਆਂ ਨੂੰ ਜਬਰ ਜਿਨਾਹੀਂ ਅੱਖ ਨਾਲ ਵੇਖਦੀਆਂ ਹੋਈਆਂ "ਚਵਲ਼-ਏ-ਕੌਮ" ਹੋਣ ਵਿੱਚ ਮਾਣ ਜਾਂ ਅਪਮਾਨ ਹਾਸਿਲ ਕਰਦੀਆਂ ਹਨ।

ਚਵਲ਼-ਏ-ਕੌਮ ਦੇ ਇਸ ਅਪਮਾਨ ਨੂੰ ਹਾਸਿਲ ਕਰ ਚੁੱਕੀ ਇਹ ਜਿਨਸ, ਨਿਊਜੀਲੈਂਡ ਦੀਆਂ ਖੂਬਸੂਰਤ ਵਾਦੀਆਂ ਵਿੱਚ ਰਹਿੰਦੀ ਹੋਈ ਭੀ ਸੜਿਆਂਦ ਖਿਲਾਰਦੀ ਹੋਈ ਆਪਣੇ 2012 ਵਿੱਚ ਭਾਈ ਧੂੰਦੇ ਸੰਬੰਧੀ ਲਏ ਗਏ ਫੈਸਲੇ ਦੇ ਸਵਾਲੀਆ ਚਿੰਨ੍ਹ ਤੋਂ ਮੁਕਤੀ ਪ੍ਰਾਪਤ ਕਰਨ ਲਈ, ਗੁਰੂ ਦੁਆਰਾ ਕੀਤੇ ਗਏ ਫੈਸਲਿਆਂ 'ਤੇ ਹੀ ਦੂਰਦਰਸ਼ਤਾ ਦੀ ਕਮੀ ਹੋਣ ਦਾ ਸਵਾਲੀਆ ਚਿੰਨ੍ਹ ਲਾ ਰਹੀ ਹੈ।

ਪਰ ਨਾਲ ਹੀ ਕੁੱਝ ਕੁ ਐਸੇ ਹੋਰ ਬਿਮਾਰਾਂ ਤੋਂ ਭੀ ਸਦਕੇ ਜਾਣ ਨੂੰ ਜੀਅ ਕਰਦਾ ਹੈ, ਜੋ ਇਹ ਕਹਿ ਰਹੇ ਹਨ ਕਿ ਭਾਈ ਇਹ "ਅੱਪਗ੍ਰੇਡ" ਗੱਲਾਂ ਆਮ ਆਦਮੀ ਦੀ ਸਮਝ ਵਿੱਚ ਨਹੀਂ ਆ ਸਕਦੀਆਂ। ਇਸ ਲਈ ਮੈਂ ਇੱਕ ਗੱਲ ਸਪਸੱਟ ਕਰ ਦੇਣਾ ਚਾਹੁੰਦਾ ਹਾਂ ਕਿ ਮੈਂ ਬਿਲਕੁਲ ਆਮ ਆਦਮੀ ਹਾਂ, ਇੱਕ ਐਸਾ ਹੀ ਆਮ ਆਦਮੀ ਜਿਸਦਾ ਆਧਾਰ ਹੀ ਇੱਕ ਦਮੀ ਵਾਲਾ ਹੋਵੇ (ਹਮ ਆਦਮੀ ਹਾਂ ਇਕ ਦਮੀ), ਇੱਕ ਗੁਰੂ ਦਾ ਆਮ ਜਿਹਾ ਸਿੱਖੜਾ।

ਮੇਰੀ ਸਾਰੇ ਉਹਨਾਂ ਖਾਸ ਆਦਮੀਆਂ ਨੂੰ ਜੋ ਕਿ ਗੁਰੂ ਦੇ ਭੀ ਗੁਰੂ ਬਣ ਚੁੱਕੇ ਹਨ, ਜੋ ਗੁਰੂ ਨੂੰ ਗੁਰਬਾਣੀ ਨਾਲੋਂ ਵੱਖਰਾ ਸਮਝਦੇ ਹੋਏ, ਗੁਰੂ ਨੂੰ ਭੁੱਲੜ ਸਮਝਦੇ ਹਨ, ਗੁਰੂ ਨੂੰ ਅਸਪਸੱਟਤਾ ਦੇ ਆਧਾਰ 'ਤੇ ਫੈਸਲੇ ਲੈਣ ਵਾਲਾ ਇੱਕ ਸਧਾਰਨ ਜਿਹਾ ਵਿਅਕਤੀ ਸਮਝਦੇ ਹੋਣ, ਉਹਨਾਂ ਨੂੰ ਜ਼ਰੂਰੀ ਬੇਨਤੀ ਹੈ ਕਿ ਉਹ ਇਸ ਆਮ ਆਦਮੀ ਦੀ ਫੇਸਬੁੱਕ ਦੀ ਦੋਸਤ ਸੂਚੀ ਵਿੱਚੋਂ ਆਪ ਹੀ ਸਤਿਕਾਰ ਸਾਹਿਤ ਬਾਹਰ ਚਲੇ ਜਾਣ।

ਇਹ ਬੇਨਤੀ ਮੈਂ ਪੂਰੀ ਹੋਸ਼ੋ ਹਵਾਸ ਵਿੱਚ ਕਰ ਰਿਹਾਂ ਹਾਂ, ਇਸਨੂੰ ਕੋਈ ਭੀ ਖਾਸ ਆਦਮੀ ਇਸ ਤਰ੍ਹਾਂ ਨਾ ਲਵੇ ਕਿ ਮੈਨੂੰ ਇੰਝ ਲੱਗਾ, ਅਸੀਂ ਇੰਝ ਸੋਚਦੇ ਸੀ, ਹੋ ਸਕਦਾ ਸੀ ਇੰਝ ਹੁੰਦਾ ਅਤਿਆਦਿ।

ਧੰਨਵਾਦ ਸਾਹਿਤ
ਆਮ ਆਦਮੀ


	ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।

	ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।


Disclaimer: Khalsanews.org does not necessarily endorse the views and opinions voiced in the news। articles। audios । videos or any other contents published on www.khalsanews.org and cannot be held responsible for their views. Read full details....