Share on Facebook

Main News Page

ਬਾਬਾ ਵਿਸ਼ਕਰਮਾ ਨਾਲ ਮੁਲਾਕਾਤ
-: ਅਗਿਯਾਤ ਲਿਖਾਰੀ (ਜੇ ਕਿਸੇ ਨੂੰ ਇਸ ਲੇਖਕ ਬਾਰੇ ਜਾਣਕਾਰੀ ਹੋਵੇ, ਤਾਂ ਕੁਮੈਂਟ ਵਿੱਚ ਨਾਮ ਲਿੱਖ ਦੇਣਾ ਜੀ।)

ਕੱਲ ਰਾਤ ਮੈਂ ਤੁਰਿਆ ਜਾਂਦਾ ਸੀ, ਮੇਰੇ ਸਾਹਮਣੇ ਇੱਕ ਦੇਵਤਾ ਪਰਗਟ ਹੋਇਆ। ਮੱਕੜੀ ਵਾਂਗ ਕਈ ਬਾਂਹਾਂ ਵੇਖ ਕੇ ਮੈ ਝੱਟ ਹੀ ਸਮਝ ਗਿਆ ਕਿ ਇਹ ਕੋਈ ਹਿੰਦੂਆਂ ਦਾ ਦੇਵਤਾ ਹੋਵੇਗਾ। ਮੈਂ ਹੈਰਾਨ ਹੋਕੇ ਪੁਛਿਆ, "ਬਾਬਾ ਜੀ ਤੁਸੀਂ ਕੌਣ ਹੋ?" ਬਾਬੇ ਨੇ ਕਿਹਾ, "ਮੈਂ ਵਿਸਕਰਮਾਂ ਹਾਂ" ਮੈਂ ਗੁੱਸੇ ਨਾਲ ਕਿਹਾ "ਬਾਬਾ ਦੇਖ ਮੇਰਾ ਤੇਰੇ ਨਾਲ ਪੂਰਨ ਤੌਰ 'ਤੇ ਬਾਈਕਾਟ ਹੈ, ਤੇਰੇ ਕੋਲ ਤਾਂ ਇਨਸਾਫ ਨਾਂ ਦੀ ਕੋਈ ਚੀਜ਼ ਹੀ ਨਹੀਂ। ਸਾਡਾ ਸਾਰਾ ਮੁਲਕ ਤੇਰੀ ਪੂਜਾ ਕਰਦਾ ਹੈ ਤੇ ਤੂੰ ਵਰਦਾਨ ਦੇਨਾ ਹੈਂ ਚਾਈਨਾ, ਜਪਾਨ, ਅਮਰੀਕਾ, ਕਨੇਡਾ ਤੇ ਹੋਰ ਤਕੜੇ ਮੁਲਖਾਂ ਨੂੰ , ਇਹ ਤਾਂ ਕੋਈ ਬੰਦਿਆਂ ਵਾਲੀ ਗੱਲ ਨਾਂ ਹੋਈ"

ਬਾਬਾ ਵਿਸ਼ਕਰਮਾ ਬੋਲਿਆ, "ਵੇ ਪੁੱਤ ! ਮੇਰੇ ਕੋਲ ਉਨ੍ਹਾਂ ਮੁਲਖਾਂ ਨੂੰ ਵਰਦਾਨ ਦੇਣ ਦੀ ਤਾਕਤ ਕਿੱਥੇ ਤੂੰ ਦਿਮਾਗ 'ਤੇ ਜ਼ੋਰ ਪਾ ਕੇ ਸੋਚ, ਮੈਂ ਖੁਦ ਉਸ ਜਮਾਨੇ 'ਚ ਦਿਨ ਕੱਟੇ ਸੀ, ਜਦੋਂ ਅਸੀਂ ਗਧਿਆਂ ਨਾਲ ਸਮਾਨ ਢੋਂਦੇ ਹੁੰਦੇ ਸੀ । ਅੱਜ ਤੁਸੀਂ ਟਰੱਕਾਂ ਦੇ ਮਾਲਕ ਹੋ ਕੇ ਮੈਥੋਂ ਵਰਦਾਨ ਭਾਲਦੇ ਹੋ ? ਜੇ ਮੇਰੇ ਵਿੱਚ ਐਨੀ ਸ਼ਕਤੀ ਹੁੰਦੀ ਤਾਂ ਮੈਂ ਅਪਣੇ ਜਮਾਨੇ 'ਚ ਹੀ ਮਸ਼ੀਨਾਂ ਪੈਦਾ ਕਰ ਲੈਂਦਾ। ਮੈਂ ਬਸ ਤੁਹਾਡੇ ਵਰਗੇ ਕਮਲੇ ਲੋਂਕਾਂ ਦੀ ਅੰਨੀ ਸ਼ਰਧਾ ਦਾ ਮਾਣ ਰੱਖਣ ਖਾਤਰ ਉਨ੍ਹਾਂ ਮੁਲਖਾਂ ਦੀਆਂ ਮਿੱਨਤਾਂ ਤਰਲੇ ਕਰਕੇ ਉਨ੍ਹਾਂ ਦੀ ਰੱਦੀ ਮਸ਼ੀਨਰੀ ਤੁਹਾਨੂੰ ਲੈ ਦਿੰਦਾ ਹਾਂ।

ਤੁਸੀਂ ਕਮਲੇ ਲੋਕ ਏਨੇ 'ਚ ਹੀ ਖੁਸ਼ ਹੋ ਜਾਂਦੇ ਹੋ। ਅਤੇ ਇਕ ਗੱਲ ਹੋਰ ਸੁਣ ਲੈ, ਮੈਨੂੰ ਤਾਂ ਮੇਰੇ ਨਾਲ ਦੇ ਦੇਵਤੇ ਵੀ ਟਿੱਚਰਾਂ ਕਰਦੇ ਨੇ ਕਹਿੰਦੇ ਆਪ ਤਾਂ ਤੂੰ ਪੱਤਿਆਂ ਤੇ ਲਿਖ ਲਿਖ ਟਾਈਮ ਪਾਸ ਕੀਤਾ ਤੇ ਆਹ ਵੇਖ ਅੱਜ ਪ੍ਰੈਸ ਵਾਲੇ ਵੀ ਤੇਰੇ ਨਾਂ ਦੀ ਛੁੱਟੀ ਕਰੀ ਬੈਠੇ ਨੇ" ਬਾਬੇ ਵਿਸ਼ਕਰਮੇ ਨੇ ਆਪਣੇ ਦਿਲ ਦੀ ਗੱਲ ਆਖ ਦਿੱਤੀ।

ਬਾਬਾ ਸ਼ਰਮਸਾਰ ਜਿਹਾ ਹੋਕੇ ਖਿਸਕਣ ਲਗਿਆ ਮੈਂ ਕਿਹਾ "ਬਾਬਾ ਜਾਂਦਾਂ-੨ ਏਹ ਤਾਂ ਦੱਸ ਜਾ ਉਹ ਮੁਲਖ ਕਿਹੜੇ ਦੇਵਤੇ ਦੀ ਪੂਜਾ ਕਰਦੇ ਨੇ? ਅਸੀਂ ਵੀ ਉਸੇ ਨੂੰ ਧਿਆ ਲਿਆ ਕਰਾਂਗੇ" ਬਾਬਾ ਵਿਸ਼ਕਰਮਾ ਬੋਲਿਆ, "ਓ ਕਮਲਿਓ ਲੋਕੋ, ਤੁਹਾਨੂੰ ਪੂਜਾ ਤੋਂ ਬਿਨਾਂ ਕੁਝ ਸੁਝੇ ਤਾਂ ਹੀ ਤੁਸੀਂ ਕਾਮਯਾਬ ਹੋਵੋਂ, ਉਹ ਲੋਕ ਮਿਹਨਤ ਕਰਦੇ ਨੇ, ਉਹ ਨੀ ਕਿਸੇ ਦੇਵਤੇ ਨੂੰ ਮੰਨਦੇ, ਸਗੋਂ ਅਸੀਂ ਦੇਵਤੇ ਉਨ੍ਹਾਂ ਲੋਕਾਂ ਦੀ ਪੂਜਾ ਕਰਦੇ ਹਾਂ।"

ਇਹ ਕਹਿਕੇ ਬਾਬਾ ਵਿਸ਼ਕਰਮਾ ਅਲੋਪ ਹੋ ਗਿਆ।

ਵਿਸਵਕਰਮੇ ਨਾਲ ਸਿੱਖਾ ਦਾ ਕੋਈ ਸੰਬੰਧ ਨਹੀਂ ਹੈ ਜੀ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।


ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।



Disclaimer: Khalsanews.org does not necessarily endorse the views and opinions voiced in the news। articles। audios videos or any other contents published on www.khalsanews.org  and cannot be held responsible for their views.  Read full details....

Go to Top