ਅੰਮ੍ਰਿਤਸਰ
(ਪੰਜਆਬ ਨਾਓ ਬਿਉਰੋ), ਅਖੰਡ ਕੀਰਤਨੀ ਜਥੇ ਵਲੋ ਦਸਮ ਗ੍ਰੰਥ ਯਾਤਰਾ ਕਢੇ ਜਾਣ ਅਤੇ ਦਸਮ
ਗ੍ਰੰਥ ਦਾ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਤਰ੍ਹਾਂ ਅਖੰਡ ਪਾਠ ਕਰਵਾਏ ਜਾਣ ਤੇ ਇਤਰਾਜ ਕੀਤਾ
ਹੈ। ਜਥੇ ਦੇ ਮੁਖੀ ਭਾਈ ਬਖਸ਼ੀਸ਼ ਸਿੰਘ ਦੇ ਦਸਤਖਤਾ ਹੇਠ ਜਾਰੀ ਇਕ ਬਿਆਨ ਵਿਚ ਕਿਹਾ ਗਿਆ
ਕਿ ਗੁਰੂ ਗੋਬਿੰਦ ਸਿੰਘ ਜੀ ਨੇ 1708 ਵਿਚ ਗੁਰਤਾਗਦੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ
ਸੋਪੀ ਸੀ।
ਉਨ੍ਹਾਂ ਕਿਹਾ ਕਿ ਦਸਮ ਦੀ ਬਾਣੀ ਪੜਣਾ ਅਲਗ ਗਲ ਹੈ, ਪਰ ਇਸ ਨੂੰ
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਦਰਜਾ ਦੇਣਾ ਗੁਰੂ ਗੋਬਿੰਦ ਸਿੰਘ ਜੀ ਦੇ ਬਚਨਾ ਦੀ
ਉਲੰਘਣਾ ਹੈ। ਪੰਥ ਦੋਖੀਆਂ ਨੂੰ ਸਮੁਚੀ ਸਿੱਖ ਕੌਮ ਦੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਪ੍ਰਤੀ
ਏਕਤਾ, ਨਿਸ਼ਚਤਾ ਬਰਦਾਸ਼ਤ ਨਹੀਂ ਹੋ ਰਹੀ। ਜਿਸ ਕਰਕ। ਉਹ ਕੋਝੀਆਂ ਚਾਲਾਂ ਚਲ ਕੇ ਸਿੱਖ ਪੰਥ
ਨੂੰ ਭਰਮ ਭੁਲੇਖਿਆ ਵਿਚ ਪਾ ਰਹੇ ਹਨ। ਸਿੱਖ ਰਹਿਤ ਮਰਿਯਾਦਾ ਵਿਚ ਸ਼ਪਸ਼ਟ ਲਿਖਿਆ ਹੈ ਕਿ
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਮਾਨ ਕਿਸੇ ਵੀ ਹੋਰ ਗ੍ਰੰਥ ਦਾ ਪ੍ਰਕਾਸ਼ ਜਾਂ ਅਖੰਡ ਪਾਠ
ਨਹੀਂ ਹੋ ਸਕਦਾ।
ਭਾਈ ਬਖਸ਼ੀਸ਼ ਸਿੰਘ ਨੇ ਕਿਹਾ ਕਿ ਪੰਥ ਦੋਖੀ ਲੋਕ ਗੁਰੂ ਕਾਲ ਵਿਚ ਵੀ
ਧੀਰਮਲ, ਰਾਮ ਰਾਏ ਵਰਗੇ ਦੇਹਧਾਰੀ ਗੁਰੂ ਪੈਦਾ ਕਰਕੇ ਸਿੱਖਾਂ ਨੂੰ ਗੁੰਮਰਾਹ ਕਰਦੇ ਰਹੇ।
ਹੁਣਵੀ ਉਹੀ ਸ਼ਕਤੀਆਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਦਸਮ ਗ੍ਰੰਥ ਦਾ ਪ੍ਰਕਾਸ਼ ਅਤੇ
ਅਖੰਡ ਪਾਠ ਕਰਕੇ ਸਿੱਖਾਂ ਨੂੰ ਗੁੰਮਰਾਹ ਕਰ ਰਹੀਆਂ ਹਨ।
ਸ਼੍ਰੋਮਣੀ ਕਮੇਟੀ ਤੇ ਵਰਦਿਆਂ ਭਾਈ ਬਖਸ਼ੀਸ਼ ਸਿੰਘ ਨੇ ਕਿਹਾ ਕਿ ਇਸ
ਮਾਮਲੇ ਤੇਸ਼੍ਰੋਮਣੀ ਕਮੇਟੀ ਦੀ ਮੀਣੀ ਚੁੱਪ ਦੁਖਦਾਈ ਹੈ। ਉਨ੍ਹਾਂ ਕਿਹਾ ਕਿ ਰਾਜਨੀਤਕ
ਪਾਰਟੀਆਂ ਵਲੋ ਵੀ ਆਪਣੇ ਸੋੜੇ ਹਿਤਾ ਲਈ ਤਖ਼ਤਾਂ ਦੇ ਜਥੇਦਾਰਾਂ ਨੂੰ ਵਰਤਣਾ ਕੌਮ ਲਈ
ਮੰਦਭਾਗਾ ਹੈ। ਪੰਥ ਜਥੇਦਾਰਾਂ ਨੂੰ ਕਦੇ ਮੁਆਫ ਨਹੀਂ ਕਰੇਗਾ।