Khalsanews

ਸੋਚ ਕਿਸ ਦੀ... ਗੁਰੂ ਜਾਂ ਦੇਹਾਂ ਦੀ ?
-: ਫੇਸਬੁੱਕ 'ਚੋਂ
(ਜਿਸ ਕਿਸੇ ਵੀਰ ਭੈਣ ਨੇ ਇਹ ਪੋਸਟ ਫੇਸਬੁੱਕ 'ਤੇ ਪਾਈ ਹੈ, ਉਹ ਆਪਣਾ ਨਾਮ ਜ਼ਰੂਰ ਭੇਜੇ, ਇਹ ਸਾਨੂੰ ਕਿਸੇ ਨੇ ਭੇਜੀ ਹੈ, ਬਿਨਾਂ ਨਾਮ ਤੋਂ - ਸੰਪਾਦਕ ਖ਼ਾਲਸਾ ਨਿਊਜ਼)

ਜਦੋਂ ਕਸ਼ਮੀਰੀ ਪਾਂਡੇ ਦੀ ਹੋਂਦ ਨੂੰ ਖਤਰਾ ਪਿਆ, ਤਾਂ ਉਹ ਅਨੰਦਪੁਰ ਗੁਰੂ ਦੀ ਸ਼ਰਨ ਵਿੱਚ ਆਇਆ... ਨਾ ਸਿਰਫ ਪਾਂਡੇ ਦੀ ਹੋਂਦ ਬਚ ਗਈ, ਸਗੋਂ ਪਾਂਡਾ ਅੱਜ ਹਾਕਮ ਹੈ... ਤੇ ਅੱਜ ਸਿੱਖ ਦੀ ਹੋਂਦ ਖਤਰੇ ਵਿੱਚ ਹੈ, ਤਾਂ ਸਿੱਖ ਗੁਰੂ ਨੂੰ ਛੱਡ ਕੇ, ਦੇਹਾਂ ਦਾ ਆਸਰਾ ਭਾਲਦਾ...

ਹਰ ਦੂਏ ਦਿਨ ਸਿੱਖ ਆਪਣੀ ਟੇਕ ਬਦਲ ਲੈਂਦਾ ਹੈ... ਬਾਜਾਂ ਵਾਲਿਆ ਬਾਜ਼ ਨੂੰ ਭੇਜ ਮੁੜਕੇ... ਭਿੰਡਰਾਂਵਾਲਿਆ ਇੱਕ ਵਾਰ ਫਿਰ ਆਉਣਾ ਪਊ... ਰਾਜੋਆਣਾ ਜਿੰਦਾ ਸ਼ਹੀਦ ਜਿਹਨੇ ਲਈ ਕੌਮ ਖਰੀਦ... ਕੋਈ ਭੁੱਖ ਹੜਤਾਲ ਦਾ ਡਰਾਮ ਕਰਦਾ, ਤਾਂ ਸਿੱਖ ਪੰਜਿਆਂ ਭਾਰ ਹੋ ਕੇ ਨਾਹਰੇ ਮਾਰਦਾ... ਗੁਰਬਖਸ਼ ਸਿਆਂ ਤੇਰੀ ਸੋਚ 'ਤੇ ਪਹਿਰਾ ਦਿਆਂਗੇ ਠੋਕ ਕੇ... ਤੇ ਜੇ ਇਸ ਹਿਸਾਬ ਨਾਲ ਚਲਦੇ ਰਹੇ, ਤਾਂ ਉਹ ਦਿਨ ਦੂਰ ਨਹੀਂ, ਜਦੋਂ ਸਿੱਖ 33 ਕਰੋੜ ਦੀ ਗਿਣਤੀ ਨੂੰ ਵੀ ਪਿੱਛੇ ਛੱਡ ਜਾਣਗੇ...

ਭੈਣੋ ਤੇ ਭਰਾਵੋ ! ਇਨ੍ਹਾਂ ਦੇਹਾਂ ਦੀ ਸੋਚ ਤੋਂ ਬ੍ਰਾਹਮਣੀ ਬਿਪਰ ਨੂੰ ਕੋਈ ਖਤਰਾ ਨਹੀਂ, ਇਨ੍ਹਾਂ ਦੇਹਧਾਰੀਆਂ ਦੇ ਪਿਛੇ ਲੱਗ, ਅਸੀਂ ਜਾਣੇ ਅਨਜਾਣੇ ਨਾਨਕ ਦੀ ਸੋਚ ਨਾਲੋਂ ਟੁੱਟਦੇ ਜਾ ਰਹੇ ਹਾਂ, ਅਤੇ ਦਿਨ ਬਾ ਦਿਨ ਗੁਲਾਮੀ ਦੀ ਦਲਦਲ ਵਿੱਚ ਧੱਸਦੇ ਜਾ ਰਹੇ ਹਾਂ... ਬਸ ਫੋਕੀ ਆਜ਼ਾਦੀ ਆਜ਼ਾਦੀ ਰਟੀ ਜਾ ਰਹੇ ਹਾਂ, ਪਰ ਮਾਨਸਿਕ ਤੌਰ 'ਤੇ ਇਨ੍ਹਾਂ ਦੇਹਧਾਰੀ ਸਾਧਾਂ ਸੰਤਾਂ ਦੇ ਗੁਲਾਮ ਬਣਕੇ ਰਹਿ ਗਏ ਹਾਂ... ਅਸੀਂ ਇਹ ਵੀ ਸਮਝਣ ਤੋਂ ਅਸਮਰਥ ਹੋ ਗਏ ਹਾਂ ਕਿ ਆਜ਼ਾਦੀ ਤਾਂ ਇੱਕ ਪਾਸੇ ਰਹੀ, ਅੱਜ ਸਾਡੀ ਹੋਂਦ ਵੀ ਖਤਰੇ ਵਿੱਚ ਪੈ ਗਈ ਹੈ...

ਭਰਾਵੋ ! ਜੇ ਆਪ ਨਹੀਂ ਤਾਂ ਪਾਂਡੇ ਤੋਂ ਹੀ ਕੁਛ ਸਿੱਖ ਲਈਏ... ਨਿੱਕਲੀਏ ਇਨ੍ਹਾਂ ਰੰਗ ਬਰੰਗੀਆਂ ਸੋਚਾਂ ਦੀ ਗੁਲਾਮੀ ਤੋਂ ਬਾਹਰ... ਟੇਕ ਰੱਖੀਏ ਸੱਚੇ ਗੁਰੂ ਦੀ... ਤੇ ਉਸ ਦਿਨ ਸਾਡੀ ਹੋਂਦ ਨੂੰ ਕੋਈ ਖਤਰਾ ਨਹੀਂ ਹੋਵੇਗਾ, ਜਿਦਣ ਅਸੀਂ ਆਪਣਾ ਮਨਿ ਮੁਖਿ ਇੱਕ ਕਰਕੇ ਇਹ ਕਹਾਂਗੇ... ਨਾਨਕਾ ! ਤੇਰੀ ਸੋਚ 'ਤੇ ਪਹਿਰਾ ਦਿਆਂਗੇ ਠੋਕ ਕੇ !!!


	ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।

ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।


Disclaimer: Khalsanews.org does not necessarily endorse the views and opinions voiced in the news। articles। audios । videos or any other contents published on www.khalsanews.org and cannot be held responsible for their views. Read full details....