Share on Facebook

Main News Page

ਲੋਕੋ, ਕੂੜ ਕਲਮਾਂ ਨੇ ਸਿੱਖੀ ਦਾ ਸਿਰ ਕਲਮ ਕਰ ਦਿੱਤਾ
-: ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ

ਕਲਮ ਜਲਉ ਸਣੁ ਮਸਵਾਣੀਐ ਕਾਗਦੁ ਭੀ ਜਲਿ ਜਾਉ
ਲਿਖਣ ਵਾਲਾ ਜਲਿ ਬਲਉ ਜਿਨਿ ਲਿਖਿਆ ਦੂਜਾ ਭਾਉ ॥ ਪੰਨਾ 84

ਸਿਰ ਹੀ ਪਛਾਣ ਹੋਂਦੀ ਹੈ। ਕਾਤਲ ਜਦੋਂ ਮਕਤੂਲ ਦੀ ਪਛਾਣ ਖਤਮ ਕਰਨਾ ਚਾਹੇ ਤਾਂ ਸਿਰ ਲੈ ਜਾਂਦਾ ਹੈ, ਫਿਰ ਧੜ ਦੀ ਕੋਈ ਪਛਾਣ ਨਹੀਂ ਰਹਿੰਦੀ, ਕਾਦਰ ਵਲੋਂ ਚੇਤਨਤਾ ਮੱਤ ਗਿਆਨ ਸਭ ਕੁਛ ਸਿਰ ਵਿੱਚ ਹੀ ਤਾਂ ਰੱਖਿਆ ਗਿਆ ਹੈ, ਜਦੋਂ ਪਾਗਲ ਪਨ ਕਰਕੇ ਮਨੁੱਖ ਦੀ ਚੇਤਨਤਾ ਮੱਤ ਸੂਝ ਨਾ ਰਹੇ, ਤਾਂ ਲੋਗ ਕਹਿੰਦੇ ਨੇ ਇਸਦਾ ਸਿਰ ਫਿਰ ਗਿਆ ਹੈ। ਕਹਿੰਦੇ ਨੇ ਜਦੋਂ ਸ਼ਿਵ ਨੇ ਆਪਣੇ ਪੁਤਰ ਦੇ ਧੜ ਤੇ ਹਾਥੀ ਦਾ ਸਿਰ ਲਾਂ ਦਿੱਤਾ, ਉਸ ਦਿਨ ਤੋਂ ਹਾਥੀ ਦਾ ਸਿਰ ਹੀ ਗਣੇਸ਼ ਦੀ ਪਛਾਣ ਬਣ ਗਈ।

ਮੈਂ ਦੇਖ ਰਿਹਾ ਹਾਂ ਸਦੀਆਂ ਤੋਂ ਕੁੱਛ ਕਲਮਾਂ ਸਿੱਖੀ ਲਈ ਸ਼ਿਵ ਮੌਤ ਦਾ ਦੇਵਤਾ ਬਣ ਗਈਆਂ ਹਨ, ਜਿਹਨਾ ਜ਼ਾਲਮ ਕਲਮਾਂ ਨੇ ਸਿੱਖੀ ਦਾ ਸਿਰ ਕਲਮ ਕਰਕੇ ਧੜ ਬੇਪਛਾਣ ਕਰ ਦਿਤਾ। ਹੁਣ ਹਰ ਕੋਈ ਇਸ ਧੜ ਤੇ ਆਪਣੀ ਪਸੰਦ ਦਾ ਸਿਰ ਲਾਕੇ ਸਿੱਖੀ ਨੂੰ ਆਪਣੀ ਮਰਜ਼ੀ ਦੀ ਪਛਾਣ ਬਣਾ ਲੈਂਦਾ ਹੈ। ਜਿਸ ਸਿੱਖੀ ਨੂੰ ਗੁਰੂ ਜੀਅ ਨਾਲ ਸਮਾਰੇ ਕਹਿੰਦਾ ਸੀ, ਉਹ ਗੁਰੂ ਦੀ ਸਿੱਖੀ ਬੇਪਛਾਣ ਹੋਕੇ ਗੁਆਚ ਗਈ।

ਹਾਲਾਂਕਿ ਗੁਰੂ ਨੇ ਗੁਰਬਾਣੀ ਰਾਹੀਂ ਸਿੱਖੀ ਦੀ ਤਸਵੀਰ ਬਣਾਕੇ ਜਾਰੀ ਕਰ ਦਿਤੀ ਹੈ, ਕਿ ਸੰਸਾਰ ਦੇ ਲੋਕੋ, ਜੇ ਤੁਹਾਨੂੰ ਇਸ ਗੁਰਬਾਣੀ ਦੀ ਤਸਵੀਰ ਨਾਲ ਮਿਲਦੀ ਜੁਲਦੀ ਸਿੱਖੀ ਕਿਤੇ ਲੱਭ ਜਾਏ ਤਾਂ ਜ਼ਰੂਰ ਸੰਭਾਲ ਲਉ। ਜੇਹੜਾ ਗੁਰਬਾਣੀ ਵਿਚਲੀ ਸਿੱਖੀ ਦੀ ਤਸਵੀਰ ਨਾਲ ਮਿਲਦੀ ਸਿੱਖੀ ਭਾਲ ਕੇ ਇਕੱਤਰ ਕਰੇਗਾ, ਐਸੇ ਸੇਵਕ ਲਈ ਗੁਰੂ ਬਚਨ ਕਰਦਾ ਹੈ ਸੇਵਕ ਕਉ ਗੁਰੁ ਸਦਾ ਦਇਆਲ ਅਤੇ ਜਿਨ੍ਹਾਂ ਕਲਮਾਂ ਨੇ ਕੂੜ ਕਾਲਖ ਦੀ ਸਿਆਹੀ ਨਾਲ ਕੂੜ ਗ੍ਰੰਥ ਲਿਖ ਲਿਖ ਕੇ ਸਿੱਖੀ ਨੂੰ ਬੇਪਛਾਣ ਕੀਤਾ ਹੈ, ਉਨ੍ਹਾਂ ਦੀ ਸਜ਼ਾ ਭੀ ਗੁਰੂ ਨੇ ਐਲਾਨ ਕਰ ਦਿੱਤਾ:

ਲਿਖਦਿਆ ਲਿਖਦਿਆ ਕਾਗਦ ਮਸੁ ਖੋਈ ਦੂਜੈ ਭਾਇ ਸੁਖੁ ਪਾਏ ਨ ਕੋਈ
ਕੂੜੁ ਲਿਖਹਿ ਤੈ ਕੂੜੁ ਕਮਾਵਹਿ ਜਲਿ ਜਾਵਹਿ ਕੂੜਿ ਚਿਤੁ ਲਾਵਣਿਆ ॥ਪੰਨਾ123


ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।


ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।



Disclaimer: Khalsanews.org does not necessarily endorse the views and opinions voiced in the news। articles। audios videos or any other contents published on www.khalsanews.org  and cannot be held responsible for their views.  Read full details....

Go to Top