ਬਠਿੰਡਾ,
30 ਜੂਨ (ਹੁਕਮ ਚੰਦ ਸ਼ਰਮਾ)-ਭਾਰਤ ਸਰਕਾਰ ਦੇ ਵਿਦੇਸ਼ ਮੰਤਰਾਲੇ ਦੇ ਰਿਕਾਰਡ ਮੁਤਾਬਿਕ
ਪਾਕਿਸਤਾਨ ਦੀ ਜੇਲ੍ਹ ਵਿਚ ਪਾਕਿਸਤਾਨੀ ਕੈਦੀਆਂ ਹੱਥੋਂ ਮਾਰਿਆ ਗਿਆ ਸਰਬਜੀਤ, ਜਿਸ ਨੂੰ
ਰਾਅ ਦਾ ਏਜੰਟ ਹੋਣ 'ਤੇ ਪਾਕਿਸਤਾਨ ਵਿਚ ਹਿੰਸਕ ਵਾਰਦਾਤਾਂ ਕਰਨ ਦੇ ਕਥਿਤ ਦੋਸ਼ ਹੇਠ ਮੌਤ
ਦੀ ਸਜ਼ਾ ਹੋਈ ਸੀ, ਇਕ ਛੋਟਾ ਸਮੱਗਲਰ ਸੀ । ਸੂਚਨਾ
ਅਧਿਕਾਰ ਐਕਟ ਦੇ ਤਹਿਤ ਵਿਦੇਸ਼ ਮੰਤਰਾਲੇ ਵੱਲੋਂ ਦਿੱਤੀ ਗਈ ਸੂਚਨਾ ਅਨੁਸਾਰ ਸਰਬਜੀਤ
ਸਿੰਘ ਤਸਕਰੀ ਲਈ 29 ਅਤੇ 30 ਅਗਸਤ 1990 ਨੂੰ ਭਾਰਤ ਤੋਂ ਪਾਕਿਸਤਾਨ ਵਿਚ ਦਾਖ਼ਲ ਹੁੰਦਾ
ਹੋਇਆ ਪਾਕਿਸਤਾਨੀ ਰੇਂਜਰਾਂ ਦੇ ਕਾਬੂ ਆ ਗਿਆ ਸੀ । ਉਸ ਦਾ ਕਿਸੇ ਭਾਰਤੀ ਸੁਰੱਖਿਆ ਏਜੰਸੀ
ਨਾਲ ਕੋਈ ਸਬੰਧ ਨਹੀਂ ਸੀ ।
ਬਠਿੰਡਾ ਦੇ ਵਸਨੀਕ ਹਰਮਿਲਾਪ ਸਿੰਘ
ਗਰੇਵਾਲ ਨੇ ਸੂਚਨਾ ਅਧਿਕਾਰ ਕਾਨੂੰਨ ਅਧੀਨ ਸਰਬਜੀਤ ਸਿੰਘ ਦੇ ਸਬੰਧ ਵਿਚ ਵਿਦੇਸ਼ ਮੰਤਰਾਲੇ
ਤੋਂ ਸੂਚਨਾ ਮੰਗੀ ਸੀ ਕਿ ਪਾਕਿਸਤਾਨ ਦੀ ਲਾਹੌਰ ਜੇਲ੍ਹ 'ਚ ਮਾਰੇ ਗਏ ਭਾਰਤੀ ਨਾਗਰਿਕ
ਸਬੰਧੀ ਉਨ੍ਹਾਂ ਕੋਲ ਕੀ ਜਾਣਕਾਰੀ ਹੈ, ਇਸ ਸਵਾਲ ਦੇ ਜਵਾਬ ਵਿਚ ਮੰਤਰਾਲੇ ਨੇ ਦੱਸਿਆ ਕਿ
ਸਰਬਜੀਤ ਇਕ ਛੋਟਾ ਸਮੱਗਲਰ ਸੀ ।
ਜ਼ਿਕਰਯੋਗ ਹੈ ਕਿ
ਪੰਜਾਬ ਵਿਧਾਨ ਸਭਾ ਵਿਚ ਸਰਬਸਮੰਤੀ ਨਾਲ ਮਤਾ ਪਾਸ ਕਰਕੇ ਸਰਬਜੀਤ ਨੂੰ ਸ਼ਹੀਦ ਮੰਨ ਕੇ
ਸ਼ਰਧਾਂਜਲੀ ਭੇਂਟ ਕੀਤੀ ਗਈ ਸੀ । ਉਸ ਦੇ ਪਰਿਵਾਰ ਨੂੰ ਪੰਜਾਬ ਸਰਕਾਰ ਵੱਲੋਂ 1
ਕਰੋੜ ਰੁਪਏ ਦਾ ਮੁਆਵਜ਼ਾ ਦੇਣ ਦਾ ਐਲਾਨ ਕੀਤਾ ਸੀ । ਉਸ ਦੀ ਲੜਕੀ ਨੂੰ ਨਾਇਬ ਤਹਿਸੀਲਦਾਰ
ਭਰਤੀ ਕੀਤਾ ਸੀ ਅਤੇ ਕਾਂਗਰਸ ਪਾਰਟੀ ਦੇ ਆਗੂ ਸ੍ਰੀ ਰਾਹੁਲ ਗਾਂਧੀ ਉਸ ਦੇ ਅੰਤਿਮ ਸੰਸਕਾਰ
ਮੌਕੇ ਉਸ ਦੇ ਪਿੰਡ ਪਹੁੰਚੇ ਸਨ । ਹੁਣ ਵਿਦੇਸ਼ ਮੰਤਰਾਲੇ ਵੱਲੋਂ ਉਸ ਨੂੰ ਤਸਕਰ ਮੰਨ ਲੈਣ
ਨਾਲ ਕਈ ਨਵੇਂ ਵਿਵਾਦ ਪੈਦਾ ਹੋਣ ਦੀ ਸੰਭਾਵਨਾ ਹੈ । ਹਾਲ ਹੀ
ਵਿਚ ਸਰਬਜੀਤ ਸਿੰਘ 'ਤੇ ਆਧਾਰਿਤ ਇਕ ਫ਼ਿਲਮ ਵੀ ਬਣੀ ਸੀ ।
ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
