ਨਾਨਕ
ਨਾਮ ਇੱਕ ਸਿਧਾਂਤ ਹੈ, ਜੋ ਗੁਰੂ ਸਾਹਿਬਾਨਾਂ ਨੇ ਗੁਰਬਾਣੀ ਉਚਾਰਣ ਸਮੇ, ਇਸ
ਸਿਧਾਂਤ ਨੂੰ ਮੁੱਖ ਰੱਖ ਕੇ ਵਿਲਕਦੀ ਅਤੇ ਤਪਦੀ ਹੋਈ ਲੋਕਾਈ ਨੂੰ ਕਰਾਮਾਤੀ ਸਿਧਾਂਤਾਂ ਦੀ
ਬਖਸਿਸ਼ ਕੀਤੀ, ਪਰ ਅੱਜ ਇਸ ਨਾਨਕ ਸਿਧਾਂਤ ਦੀ ਭਾਵੇਂ ਉਹ ਦਸ ਮਹਲਾਂ ਵਿੱਚੋਂ ਕਿਸੇ ਭੀ
ਰੂਪ ਵਿੱਚ ਹੋਵੇ, ਬੜੀ ਬੁਰੀ ਤਰਾਂ ਦੁਰਵਰਤੋਂ ਕੀਤੀ ਜਾ ਰਹੀ ਹੈ।
ਸਾਡੀ ਚੇਤਨਾ ਇੰਨੀ ਧੁੰਦਲੀ ਪੈ ਚੁੱਕੀ ਹੈ ਕਿ ਅਸੀਂ ਇਸ ਬੇਅਦਬੀ
ਬਾਰੇ ਕਦੇ ਸੋਚਿਆ ਭੀ ਨਹੀਂ, ਸਗੋਂ ਐਸੀਆਂ ਬੇਅਦਬੀ ਵਾਲੀਆਂ ਕਿਰਿਆਵਾਂ ਨੂੰ ਆਪਣੇ ਜੀਵਨ
ਵਿੱਚ ਸਹਿਜੇ ਹੀ ਜਗ੍ਹਾ ਦੇ ਦਿੰਦੇ ਹਾਂ। ਨਾਨਕ ਸਿਧਾਂਤ ਦੀ ਵਰਤੋਂ ਤੁਹਾਡੀਆਂ ਦੁਕਾਨਾਂ,
ਕਾਰੋਬਾਰਾਂ ਅਤੇ ਖਾਸ ਕਰਕੇ ਸਕੂਲਾਂ ਕਾਲਜਾਂ ਦੇ ਨਾਮਕਰਣ ਸਮੇਂ ਰੋਜ ਦੁਰਵਰਤੋਂ ਹੁੰਦੀ
ਵੇਖੀ ਜਾ ਸਕਦੀ ਹੈ...
ਮਿਸਾਲ ਦੇ ਤੌਰ 'ਤੇ ਸਕੂਲ ਦਾ ਨਾਮ ਗੁਰੂ ਨਾਨਕ ਪਬਲਿਕ ਸਕੂਲ ਹੁੰਦਾ ਹੈ, ਪਰ ਸਕੂਲ ਦਾ
ਵਿੱਦਿਅਕ ਢਾਂਚਾ, ਵਾਤਾਵਰਨ ਅਤੇ ਸਕੂਲ ਵਿੱਚ ਸਵੇਰ ਵੇਲੇ ਕੀਤੀ ਜਾਣ ਵਾਲੀ ਪ੍ਰਾਥਨਾ ਭੀ
ਬਿੱਪਰ ਤੋਂਪ੍ਰਭਾਵੀ ਹੁੰਦੀ ਹੈ ਅਤੇ ਜਦੋਂ ਕੀਤੇ ਸਾਲ ਬਾਅਦ ਸਲਾਨਾ ਸਮਾਰੋਹ (Annual
function) ਆਉਂਦਾ ਹੈ, ਤਾਂ ਫਿਰ ਤਾਂ ਨਾਨਕ ਸਾਹਿਬ ਨੂੰ ਦੰਦ ਚਿੜਾਉਣ ਵਾਲੇ ਕਈ
ਤਰਾਂ ਦੀਆਂ ਟਪੂਸੀਆਂ ਵਾਲੇ ਗਾਉਣ ਵਾਲੇ ਆਣ ਹਾਜਰੀਆਂ ਭਰਦੇ ਹਨ.....ਕੀ ਇਹ ਨਾਨਕ
ਸਿਧਾਂਤ ਦੀ ਦੁਰਵਰਤੋਂ ਨਹੀਂ ਤਾਂ ਕੀ ਹੈ?
ਅੱਜ ਨਾਨਕ ਸਿਧਾਂਤ ਦੀ ਇੱਕ ਹੋਰ ਕਿਸਮ
ਦੀ ਦੁਰਵਰਤੋਂ ਬਾਰੇ ਗੱਲ ਕਰਦੇ ਹਾਂ, ਜੋ ਨਾਨਕਸਰ ਠਾਠ ਈਸ਼ਰ ਦਰਬਾਰ
ਹੇਜ਼ Hayes (ਯੂਕੇ)
ਜਿੰਨ੍ਹਾਂ ਦੀ ਗੁਰੂ ਨਾਨਕ ਅਕੈਡਮੀ ਹੇਜ ਇੱਕ ਚੈਰਿਟੀ ਰਜਿਸਟਰ ਬਾਡੀ (Charity
Register Body) ਹੈ, ਵਾਲਿਆਂ ਨੇ ਵਿੱਤ ਦੁਰਪ੍ਰਬੰਧ
(Financial Mismanagement) ਨੂੰ ਮੁੱਖ ਰੱਖ ਕੇ
ਕੀਤੀ ਹੈ.....ਚੈਰਿਟੀ ਕਮਿਸ਼ਨ ਦੀ ਰਿਪੋਰਟ ਮੁਤਾਬਿਕ ਇਹਨਾਂ ਤੇ ਹਿਸਾਬ ਕਿਤਾਬ ਸੰਬੰਧੀ
ਭੀ ਸੰਗੀਨ ਦੋਸ਼ ਹਨ....
ਯਾਦ ਰਹੇ ਕਿ ਇਸ ਠਾਠ ਦਾ ਵੱਡਾ ਬਾਬਾ ਅਮਰ ਸਿੰਘ ਬਰੂੰਦੀ ਵਾਲਾ
ਪਹਿਲਾਂ ਭੀ ਇਖਲਾਕ ਪੱਖੋ ਕਈ ਤਰਾਂ ਦੇ ਭੈੜੇ ਦੋਸ਼ਾਂ ਸਾਹਮਣਾ ਕਰਦਾ ਰਿਹਾ ਹੈ।
ਪਿੱਛੇ ਜਿਹੇ ਨਿਊਜੀਲੈਂਡ ਦੀ ਅਦਾਲਤ ਵਿੱਚ ਜੱਜ ਦਾ ਇਸ ਸੰਬੰਧੀ ਕੁਮੈਂਟ ਸੀ ਕਿ ਮੈਂ ਆਪਣੀ
ਸਾਰੀ ਸਰਵਿਸ ਦੇ ਦੌਰਾਨ ਅੱਜ ਇੱਕ ਪਹਿਲਾ ਆਦਮੀ ਦੇਖ ਰਿਹਾ ਹਾਂ, ਜੋ ਰੱਬ ਨੂੰ ਧੋਖਾ ਦੇ
ਸਕਦਾ ਹੈ (In my entire service period today I have
seen the first man who can deceive the God).
ਹੁਣ ਛੇਤੀ ਤੁਸੀਂ ਦੇਖੋਗੇ ਕਿ ਇਹ ਨਾਨਕ ਨਾਮ ੜਸ ਚੈਰਿਟੀ
ਕਮਿਸ਼ਨ ਅਦਾਲਤ ਵਿੱਚ ਮੁਕੱਦਮਾ ਚੱਲੇਗਾ, ਜਿਥੇ ਇਹ ਜਮਾਤ ਇਸ ਪਵਿੱਤਰ ਸਿਧਾਂਤ ਨੂੰ ਇਲਜ਼ਾਮਾਂ
ਦੇ ਕਟਿਹਰੇ ਵਿੱਚ ਖੜਾ ਕਰਨਗੇ।
ਚੈਰਿਟੀ ਕਮਿਸ਼ਨ ਦੁਆਰਾ ਇਹਨਾਂ ਸੰਬੰਧੀ ਲਗਾਏ ਗਏ ਦੋਸ਼ਾਂ ਵਾਲੀ
ਖਬਰ ਨੂੰ ਪੜਣ ਲਈ ਹੇਠਾਂ ਦਿੱਤੇ ਹੋਏ ਲਿੰਕ ਤੇ ਜਾ ਕੇ ਕਲਿੱਕ ਕਰੋ-
-
https://www.gov.uk/government/news/new-charity-investigation-nanaksar-thath-isher-darbar
-
https://www.cchdaily.co.uk/charity-commission-investigate-charity-over-financial-management-issues
ਸਤੰਬਰ 2011 ਨੂੰ ਖ਼ਾਲਸਾ ਨਿਊਜ਼ 'ਤੇ ਵੀ ਇਸ
ਸਾਧ ਬਾਰੇ ਇੱਕ ਖਬਰ ਪੋਸਟ ਕੀਤੀ ਗਈ ਸੀ -
-
http://www.khalsanews.org/newspics/2011/09Sep2011/18%20Sep%2011/18%20Sep%2011%20Amar%20S%20Baroondi.htm
ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
