Khalsanews

੧੬੯੯ ਦੀ ਵਿਸਾਖੀ ਨੂੰ ਪੜ੍ਹੇ ਗਏ ਅੱਖਰ-ਅੱਖਰ ਦਾ ਸਰੋਤ ਗੁਰੂ ਗਰੰਥ ਸਾਹਿਬ ਜੀ ਦੀ ਬਾਣੀ ਹੈ
-: ਸਤਿਨਾਮ ਸਿੰਘ ਮੌਂਟਰੀਅਲ 514-219-2525

ਬਚਿੱਤ੍ਰ ਨਾਟਕੀਆਂ ਵਲੋਂ ਅਕਸਰ ਹੀ ਇਹ ਪ੍ਰਚਾਰਿਆ ਜਾਂਦਾ ਹੈ ਕਿ ਜੇ ਬਚਿੱਤ੍ਰ ਨਾਟਕ ਗਰੰਥ ਨੂੰ ਰੱਦ ਕਰ ਦਿੱਤਾ, ਤਾਂ ਖਾਲਸੇ ਦੀ ਫਤਿਹ (ਵਾਹਿ ਗੁਰੂ ਜੀ ਕਾ ਖਾਲਸਾ ਵਾਹਿ ਗੁਰੂ ਜੀ ਕੀ ਫਤਿਹ) ਦਾ ਕੀ ਬਣੇਗਾ, ਖਾਲਸੇ ਦੇ ਜੈਕਾਰੇ (ਜੋ ਬੋਲੇ ਸੋ ਨਿਹਾਲ ਸਤਿ ਸ੍ਰੀ ਅਕਾਲ) ਦਾ ਕੀ ਬਣੇਗਾ, ਅਤੇ ਅੰਮ੍ਰਿਤ (ਖੰਡੇ ਦੀ ਪਾਹੁਲ) ਦਾ ਕੀ ਬਣੇਗਾ ?

ਆਓ ਆਪਾਂ ਇਸ ਵਿਸ਼ੇ 'ਤੇ ਵਿਚਾਰ ਕਰੀਏ :

॥ ਵਾਹਿਗੁਰੂ ਜੀ ਕਾ ਖਾਲਸਾ ॥ ਵਾਹਿਗੁਰੂ ਜੀ ਕੀ ਫਤਿਹ ॥

'ਵਾਹਿ ਗੁਰੂ 'ਖਾਲਸਾ 'ਫਤਿਹ ਇਹ ਤਿਨ ਵੱਖਰੇ ਵੱਖਰੇ ਲਫ਼ਜ਼ ਹਨ ਇਨ੍ਹਾਂ ਤਿਨੋਂ ਹੀ ਲਫ਼ਜ਼ਾਂ ਦਾ ਸਰੋਤ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਹੈ,

- ਵਾਹਿ ਗੁਰੂ ਵਾਹਿ ਗੁਰੂ ਵਾਹਿ ਗੁਰੂ ਵਾਹਿ ਜੀਉ॥ ੧੪੦੨
- ਕਹੁ ਕਬੀਰ ਜਨ ਭਏ ਖਾਲਸੇ ਪ੍ਰੇਮ ਭਗਤਿ ਜਿਹ ਜਾਨੀ॥ ੬੫੫
- ਫਾਹੇ ਕਾਟੇ ਮਿਟੇ ਗਵਨ ਫਤਿਹ ਭਈ ਮਨਿ ਜੀਤ॥ ੨੫੮

ਗੁਰੂ ਗੋਬਿੰਦ ਸਿੰਘ ਜੀ ਨੇ ਤਿਨੋਂ ਲਫ਼ਜ਼ਾਂ ਨੂੰ ਤਰਤੀਬ ਨਾਲ ਇੱਕ ਲੜੀ ਵਿੱਚ ਪਰੋਕੇ ਸਿੱਖਾਂ ਨੂੰ ਇੱਕ ਨਵੇਕਲ਼ੇ ਰੂਪ ਵਿੱਚ ਗੁਰ ਫਤਿਹ ਦਾ ਨਾਹਰਾ ਬਖਸ਼ਿਸ਼ ਕੀਤਾ, ਇਸ ਗੁਰ ਫਤਿਹ ਦਾ ਆਰਥ ਹੈ, ਕਿ ਜਿਸ ਵਾਹਿ ਗੁਰੂ ਦੀ ਕ੍ਰਿਪਾ ਦੇ ਨਾਲ ਆਪਣੇ ਮਨ ਉੱਤੇ ਜਿੱਤ ਦੀ ਫਤਿਹ ਪਰਾਪਤ ਕਰਕੇ ਖਾਲਸਾ ਪ੍ਰਗਟ ਹੋਇਆ ਹੈ, ਉਹ ਖਾਲਸਾ ਵੀ ਵਾਹਿ ਗੁਰੂ ਜੀ ਦਾ ਹੈ ਅਤੇ ਉਹ ਫਤਿਹ ਵੀ ਵਾਹਿ ਗੁਰੂ ਜੀ ਦੀ ਹੈ,

॥ ਜੋ ਬੋਲੇ ਸੋ ਨਿਹਾਲ ਸਤਿ ਸ੍ਰੀ ਅਕਾਲ ॥

ਇਹ ਵੀ ਤਿੰਨ ਲਫ਼ਜ਼ਾਂ ਦਾ ਹੀ ਸੁਮੇਲ ਹੈ, ਨਿਹਾਲ 'ਸਤਿ 'ਅਕਾਲ ਇਨ੍ਹਾਂ ਤਿਨੋਂ ਲਫ਼ਜ਼ਂ ਦਾ ਸਰੋਤ ਵੀ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਹੀ ਹੈ,

- ਗੁਰੁ ਪੂਰਾ ਜਿਨ ਸਿਮਰਿਆ ਸੇਈ ਭਏ ਨਿਹਾਲ॥ ੧੪੨੫
- ਸਤਿ ਸਤਿ ਸਤਿ ਪ੍ਰਭੁ ਸੁਆਮੀ॥ ੨੭੯
- ਅਕਾਲ ਪੁਰਖ ਅਗਾਧਿ ਬੋਧ॥ ੨੧੨

ਗੁਰੂ ਗੋਬਿੰਦ ਸਿੰਘ ਜੀ ਨੇ ਇਹ ਤਿਨੋਂ ਲਫ਼ਜ਼ਾਂ ਨੂੰ ਵੀ ਤਰਤੀਬ ਨਾਲ ਇੱਕ ਲੜੀ ਵਿੱਚ ਪਰੋਕੇ ਸਿੱਖਾਂ ਨੂੰ ਇੱਕ ਨਵੇਕਲ਼ੇ ਰੂਪ ਦਾ ਜੈਕਾਰਾ ਬਖਸ਼ਿਆ, ਇਸ ਜੈਕਾਰੇ ਦਾ ਅਰਥ ਹੈ ਕਿ ਉਹ ਮਨੁੱਖ ਨਿਹਾਲ ਹੋ ਜਾਵੇਗਾ ਜਿਹੜਾ ਸਿਰਫ਼ (ਇੱਕ) ਅਕਾਲ ਨੂੰ ਹੀ ਸੱਚ (ਅਟੱਲ,ਹੋਂਦ ਵਾਲਾ) ਬੋਲੇਗਾ, ਭਾਵ-ਮੰਨੇਗਾ,

॥ ਅੰਮ੍ਰਿਤ ॥

ਪੂਰੇ ਗੁਰੂ ਗਰੰਥ ਸਾਹਿਬ ਜੀ ਦੀ ਬਾਣੀ ਅਮ੍ਰਿਤ ਦੀ ਹੀ ਗੱਲ ਕਰਦੀ ਹੈ, ਗੁਰੂ ਸਾਹਿਬ ਜੀ ਨੇ ਲਲਕਾਰ ਕੇ ਆਖ ਦਿੱਤਾ ਕਿ ਕੇਵਲ ਸਾਰੀ ਗੁਰੂ ਬਾਣੀ ਵਿੱਚ ਹੀ ਅੰਮ੍ਰਿਤ ਹੈ,

- ਬਾਣੀ ਗੁਰੂ ਗੁਰੂ ਹੈ ਬਾਣੀ ਵਿਚਿ ਬਾਣੀ ਅੰਮ੍ਰਿਤੁ ਸਾਰੇ॥
- ਗੁਰੁ ਬਾਣੀ ਕਹੈ ਸੇਵਕੁ ਜਨੁ ਮਾਨੈ ਪਰਤਖਿ ਗੁਰੂ ਨਿਸਤਾਰੇ ॥ ੧੮੨

੧੬੯੯ ਦੀ ਵਿਸਾਖੀ ਦਾ ਜਿਨਾ ਵਰਤਾਰਾ ਸੀ ਉਹ ੨੩੦ ਸਾਲ ਦੇ ਗਿਆਨ ਨਾਲ ਪਹਿਲੇ ਗੁਰੂ ਸਹਿਬਾਨਾਂ ਨੇ ਜਿਨੀ ਸਿੱਖਾਂ ਦੀ ਆਰੀ ਕਰਵਾਈ ਸੀ ਉਸ ਗਿਆਨ ਦਾ ਹੀ ਨਤੀਜਾ ਸੀ, ਗੁਰੂ ਅੱਗੇ ਸਿਰ ਭੇਟਾ ਕਰਨ ਦੀ ਗੱਲ ਅਤੇ ਜਾਤਿ ਪਾਤਿ ਦੇ ਖੰਡਨ ਦੀ ਗੱਲ ਪਹਿਲੇ ਗੁਰੂਆਂ ਨੇ ਹੀ ਗੁਰਬਾਣੀ ਵਿੱਚ ਲਿਖ ਦਿੱਤੀ ਸੀ,

- ਜਉ ਤਉ ਪ੍ਰੇਮ ਖੇਲਣ ਕਾ ਚਾਉ ॥ ਸਿਰੁ ਧਰਿ ਤਲੀ ਗਲੀ ਮੇਰੀ ਆਉ॥ ਇਤੁ ਮਾਰਗਿ ਪੈਰੁ ਧਰੀਜੈ ॥ਸਿਰੁ ਦੀਜੈ ਕਾਣਿ ਨ ਕੀਜੈ॥੨੦॥ ੧੪੧੨

- ਐਸੇ ਜਨ ਵਿਰਲੇ ਜਗ ਅੰਦਰਿ ਪਰਖਿ ਖਜਾਨੈ ਪਾਇਆ॥ ਜਾਤਿ ਵਰਨ ਤੇ ਭਏ ਅਤੀਤਾ ਮਮਤਾ ਲੋਭੁ ਚੁਕਾਇਆ॥੭॥ ੧੩੪੫

੧੬੯੯ ਦੀ ਵਿਸਾਖੀ ਨੂੰ ਤਾਂ ਗੁਰੂ ਜੀ ਨੇ ਗੁਰਬਾਣੀ ਦੇ ਸਿਧਾਂਤ ਨੂੰ ਪਰੈਕਟੀਕਲ ਵਿੱਚ ਲਿਆਉਣ ਲਈ ਖੰਡੇ ਦੀ ਪਾਹੁਲ ਪਿਲਾ ਕੇ ਸਿੱਖਾਂ ਤੋਂ ਪ੍ਰਣ ਲਿਆ ਸੀ ਅਤੇ ਉਸ ਪ੍ਰਣ ਨੂੰ ਇੱਕ ਮਰਿਆਦਾ ਦਾ ਰੂਪ ਦਿੱਤਾ ਸੀ...

ਜਰਾ ਸੋਚੋ !!! ਜਿਸ ਗੁਰੂ ਗੋਬਿੰਦ ਸਿੰਘ ਜੀ ਦਾ ਕਦਮ-ਕਦਮ ਪਹਿਲੇ ਨੌਂ ਗੁਰੂ ਸਹਿਬਾਨਾ ਨੂੰ ਸਮਰਪਿਤ ਸੀ, ਫਿਰ ਆਪਾਂ ਇਹ ਕਿਵੇਂ ਮੰਨ ਲਈਏ ਕਿ ੧੬੯੯ ਦੀ ਵਿਸਾਖੀ ਨੂੰ ਅੰਮ੍ਰਿਤ (ਖੰਡੇ ਦੀ ਪਾਹੁਲ) ਛਕਾਉਣ ਸਮੇਂ ਗੁਰੂ ਗੋਬਿੰਦ ਸਿੰਘ ਜੀ ਨੇ ਗੁਰਬਾਣੀ ਤੋਂ ਬਾਹਰੋਂ ਕੋਈ ਹੋਰ ਰਚਨਾ ਪੜ੍ਹੀ ਹੋਵੇਗੀ??

ਜੇ ਅਸੀਂ ਥੋੜੇ ਜਿਹੇ ਸਿਰ ਦੀ ਵਰਤੋਂ ਕਰਕੇ ਵੀ ਵਿਚਾਰੀਏ ਤਾਂ ਸੌਖਿਆਂ ਹੀ ਸਮਝ ਲੱਗ ਜਾਂਦੀ ਹੈ, ਕਿ ਅੰਮ੍ਰਿਤ ਦਾ ਸਬੰਧ ਗੁਰੂ ਗਰੰਥ ਸਾਹਿਬ ਜੀ ਤੋਂ ਬਾਹਰ ਕਿਸੀ ਹੋਰ ਕੱਚੀ ਰਚਨਾ ਨਾਲ ਹੋ ਹੀ ਨਹੀਂ ਸਕਦਾ।

ਖ਼ਾਲਸਾ ਨਿਊਜ਼ ਕੋਈ ਅਖਾੜਾ ਜਾਂ ਜੰਗ ਦਾ ਮੈਦਾਨ ਨਹੀਂ, ਜਿੱਥੇ ਕੋਈ ਵੀ ਅਸਿਭਯਕ ਭਾਸ਼ਾ ਵਰਤੀ ਜਾਵੇ। ਫੇਕ FB Id's ਅਤੇ ਹੋਰ ਅਨਮਤੀ ਪਾਠਕਾਂ ਦੀ ਗੈਰ ਜਿੰਮੇਦਾਰਾਨਾ ਕੁਮੈਂਟ ਕਰਕੇ ਹੁਣ ਤੋਂ ਕੁਮੈਂਟ ਦੀ ਸੁਵਿਧਾ ਬੰਦ ਕਰ ਦਿੱਤੀ ਗਈ ਹੈ।
ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।

ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸ'ਚ ਬੋਲਣ ਅਤੇ ਸ'ਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।


Disclaimer: Khalsanews.org does not necessarily endorse the views and opinions voiced in the news। articles। audios । videos or any other contents published on www.khalsanews.org and cannot be held responsible for their views. Read full details....