ਡਾ.
ਹਰਪਾਲ ਸਿੰਘ ਪੰਨੂੰ - ਇਹ ਪੰਜਾਬੀ ਯੁਨੀਵਰਸੀਟੀ ਪਟਿਆਲਾ ਦੇ
ਪ੍ਰੋਫੈਸਰ ਅਤੇ ਧਾਰਮਿਕ ਸਿੱਖਿਆ ਦੇ ਮੁਖੀ ਹਨ ਤੇ ਅਖੌਤੀ ਦਸਮ ਗ੍ਰੰਥ ਦੇ
ਕੱਟੜ ਸਮਰਥਕ।
ਡਾ. ਹਰਭਜਨ ਸਿੰਘ
- ਇਹ ਪੰਜਾਬੀ ਯੁਨੀਵਰਸੀਟੀ ਪਟਿਆਲਾ ਦੇ ਪ੍ਰੋਫੈਸਰ ਹਨ ਅਤੇ ਅਖੌਤੀ ਦਸਮ
ਗ੍ਰੰਥ 'ਤੇ ਪੀ.ਐਚ.ਡੀ. ਕੀਤੀ ਹੈ ਅਤੇ ਹੋਰਾਂ ਨੂੰ ਕਰਵਾਉੰਦੇ ਹਨ।
ਡਾ. ਜੋਧ ਸਿੰਘ - ਇਹ ਪੰਜਾਬੀ
ਯੁਨੀਵਰਸੀਟੀ ਪਟਿਆਲਾ ਦੇ ਪ੍ਰੋਫੈਸਰ ਹਨ ਅਤੇ ਅਖੌਤੀ ਦਸਮ ਗ੍ਰੰਥ 'ਤੇ
ਪੀ.ਐਚ.ਡੀ. ਕੀਤੀ ਹੈ ਅਤੇ ਅਖੌਤੀ ਦਸਮ ਗ੍ਰੰਥ ਦਾ ਹਿੰਦੀ ਅਤੇ ਅੰਗ੍ਰਜ਼ੀ
'ਚ ਤਰਜਮਾ ਕੀਤਾ ਹੈ।
ਡਾ. ਧਰਮ ਸਿੰਘ
- ਇਹ ਵੀ ਪੰਜਾਬੀ ਯੁਨੀਵਰਸੀਟੀ ਪਟਿਆਲਾ ਦੇ ਪ੍ਰੋਫੈਸਰ ਹਨ ਅਤੇ
ਅਖੌਤੀ ਦਸਮ ਗ੍ਰੰਥ 'ਤੇ ਪੀ.ਐਚ.ਡੀ. ਕੀਤੀ ਹੈ ਅਤੇ ਹੋਰਾਂ ਨੂੰ ਕਰਵਾਉਂਦੇ
ਹਨ।
ਕੀ ਇਸ ਤੋਂ ਸਾਬਿਤ ਨਹੀਂ
ਹੁੰਦਾ ਕਿ ਇਹ ਯੂਨੀਵਰਸਿਟੀਆਂ ਦੇ ਪ੍ਰੋਫੈਸਰ ਜਿਨ੍ਹਾਂ ਦਾ ਕੰਮ
ਧਾਰਮਿਕ ਸਿੱਖਿਆ ਦੇ ਖੇਤਰ 'ਚ ਖੋਜਾਂ ਅਤੇ ਵਿਦਿਆਰਥੀਆਂ ਨੂੰ ਪੜਾਉਣਾ ਹੈ,
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਗੁਰਬਾਣੀ ਅਤੇ ਸਿੱਖ ਇਤਿਹਾਸ ਬਾਰੇ ਚਾਨਣਾ
ਪਉਣਾ ਹੈ.... ਪਰ ਇਹ ਕੰਮ ਕਰ ਰਹੇ ਹਨ ਸਟੇਟ
ਦਾ... ਜੋ ਕਿ ਹਿੰਦੂਵਾਦੀ ਤਾਕਤਾਂ ਦੇ ਹੇਠ ਹੈ।
ਉਪਰ ਲਿਖੇ ਸਾਰੇ ਡਾਕਟਰਾਂ ਦਾ ਮਿਆਰ ਅਸੀਂ ਦੇਖ
ਚੁਕੇ ਹਾਂ, ਆਪਣੀਆਂ ਹੀ ਕਹੀਆਂ ਗੱਲਾਂ ਤੋਂ ਮੁਕਰਦੇ ਹਨ,
ਡਾ. ਜੋਧ ਸਿੰਘ ਨੇ ਅਨੂਪ ਕੌਰ ਦੀ ਕਹਾਣੀ 'ਚ
ਗੁਰੂ ਸਾਹਿਬ ਨੂੰ ਸ਼ਾਮਿਲ ਦੱਸਿਆ ਹੈ, ਤੇ ਜੇ ਉਹੀ ਕਹਾਣੀ ਦੀ
ਉਦਾਹਰਣ ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ ਨੇ ਦਿੱਤੀ, ਉਸ ਕੀਰਤਨ ਦੀ ਕੱਟ ਵੱਡ
ਕਰਕੇ ਇਨ੍ਹਾਂ ਦੇ ਇੱਕ ਸਿਪਾਹੀ ਗੁਰਚਰਨਜੀਤ ਸਿੰਘ ਲਾਂਬਾ ਨੇ ਅਖੌਤੀ
ਜਥੇਦਾਰਾਂ ਨੂੰ ਸੌਂਪੀ, ਜਿਸ ਆਧਾਰ 'ਤੇ ਉਨ੍ਹਾਂ ਨੂੰ ਛੇਕਿਆ ਗਿਆ।
ਡਾ. ਜੋਧ ਸਿੰਘ ਕਾਨਪੁਰ ਵਿਖੇ ਆਮ ਲੋਕਾਂ ਦੇ
ਸਵਾਲਾਂ ਦੇ ਜਵਾਬ ਨਹੀਂ ਦੇ ਸਕੇ। ਡਾ.
ਹਰਭਜਨ ਸਿੰਘ ਦੀ ਵਿਦਵਤਾ ਪਿੱਛੇ ਜਿਹੇ ਕੈਲੀਫੋਰਨੀਆ ਵਿਖੇ ਹੋਏ ਇੱਕ
ਸੈਮੀਨਾਰ ਵਿੱਚ ਦੇਖ ਚੁਕੇ ਹਾਂ, ਜਿੱਥੇ ਉਨ੍ਹਾਂ ਨੇ ਅਖੌਤੀ ਦਸਮ ਗ੍ਰੰਥ
ਬਾਰੇ ਤਾਂ ਕੋਈ ਜਾਣਕਾਰੀ ਨਾ ਦਿੱਤੀ, ਪਰ ਪ੍ਰੋ. ਦਰਸ਼ਨ ਸਿੰਘ ਦੇ ਖਿਲਾਫ
ਹੀ ਬੇਬੁਨਿਯਾਦ ਇਲਜ਼ਾਮ ਤੇ ਆਪਣੀ ਭੜਾਸ ਕੱਢੀ।