ਭਾਈ
ਅਮਰੀਕ ਸਿੰਘ ਕਾਨਪੁਰੀ ਕਿਰਤੀ ਵੀ ਹੈ, ਮੇਡੀਕਲ ਰਿਪ੍ਜੇਂਟੇਟਿਵ ਹੈ, ਨਾਲ ਹੀ
ਕੀਰਤਨ ਕਰਦੇ ਹਨ। ਕਾਨਪੁਰ ਇੱਕ ਸਾਇਕਲਾਂ ਦੀ ਦੁਕਾਨ ਦਾ
ਉਦਘਾਟਨ ਸੀ। ਉਥੇ ਕੀਰਤਨ ਤੋਂ ਬਾਅਦ ਇਨਹਾਂ ਨੂੰ ਕੀਰਤਨ ਕਰਵਾਉਣ ਵਾਲਿਆਂ ਨੇ ਕਹਿਆ ਕਿ
ਗਿਆਨੀ ਜੀ "ਚੌਪਈ ਸਾਹਿਬ" ਦਾ ਪਾਠ ਕਰ ਦਿਉ। १०० - १५० ਦੀ ਗਿਣਤੀ ਵਿੱਚ ਸੰਗਤ
ਸੀ।
ਇਹ ਵੀਰ ਕੁੱਝ ਦੇਰ ਖਾਮੋਸ਼ ਰਿਹਾ, ਫਿਰ ਗੁਰੂ ਦੀ ਹਜੂਰੀ ਵਿੱਚ ਉਸਨੇ
ਸੰਗਤ ਕੋਲੋਂ ਮੁਆਫੀ ਮੰਗਦਿਆਂ ਕਹਿਆ ਕਿ
ਮੈਂ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਤੋਂ ਅਲਾਵਾ ਹੋਰ ਕਿਸੇ ਕੱਚੀ ਬਾਣੀ ਦਾ ਕੀਰਤਨ ਨਹੀਂ
ਕਰਦਾ, ਖਾਸ ਕਰਕੇ ਚੋਪਈ, ਜਾਪ ਅਤੇ ਸਵਈਏ, ਜੋ ਅਖੌਤੀ ਦਸਮ ਗ੍ਰੰਥ ਵਿੱਚ ਅਨਮਤ ਦੇ
ਮਿਥਿਹਾਸ ਦਾ ਉਤਾਰਾ ਹਨ।
ਉਨ੍ਹਾਂ ਫਿਰ ਆਪਣਾ ਮੋਬਾਈਲ ਕੱਢ ਕੇ ਸੰਗਤਾਂ ਨੂੰ ਦਿਖਾਉਦਿਆਂ ਕਹਿਆ ਕਿ ਵੇਖੋ ਜਿਨ੍ਹਾਂ
ਰਚਨਾਵਾਂ ਹੇਠ "ਇਤਿ ਸ੍ਰੀ ਕਾਮਾਇਣ ਸਮਾਪ੍ਤਮ ।। ... ਇਤਿਸ਼੍ਰੀ
ਮਾਰਕੰਡੇ ਪੁਰਾਣ ਸਮਾਪਤਮ..." ਸਾਫ ਸਾਫ ਲਿਖਿਆ ਹੋਇਆ ਹੈ .... ਤੁਸੀਂ ਦੱਸੋ ਤਿ
ਮੈਂ ਗੁਰੂ ਗਰ੍ੰਥ ਸਾਗਹਬ ਅਤੇ ਸੰਗਤ ਦੇ ਸਾਮ੍ਹਣੇ ਰਾਮਾਇਣ ਤੇ ਮਾਰਕੰਡੇ ਪੁਰਾਣ ਦਾ
ਕੀਰਤਨ ਕਰਕੇ ਗੁਰੂ ਤੋਂ ਬੇਮੁੱਖ ਹੋਣ ਦਾ ਪਾਪ ਕਿਵੇਂ ਕਰ ਸਕਦਾ ਹਾਂ। ਇਸ ਗਲ ਸੁਣ ਕੇ
ਕੀਰਤਨ ਕਰਵਾਉਣ ਵਾਲਾ ਪਰਿਵਾਰ ਤੇ ਸੰਗਤ ਬਹੁਤ ਪ੍ਰਭਾਵਿਤ ਹੋਈ।
ਇਸ ਗਰੁੱਪ ਦਾ ਇਕ ਹੋਰ ਵੀਰ ਅੰਮਿ੍ਰਤ ਛਕਣ ਗਿਆ ਸੀ,
ਪੰਜ ਪਿਆਰਿਆਂ ਨਾਲ ਬਹਿਸ ਪਿਆ, ਉਮਰ ਸਾਰੀ १८_१९ ਸਾਲ ਹੈ। ਕਹਿੰਦਾ ਅੰਮਿ੍ਰਤ ਛਕਣ ਤੋਂ
ਬਾਅਦ ਚੌਪਈ ਨਹੀਂ ਪੜ੍ਹਾਂਗਾ ! ਪੰਜ ਪਿਆਰਿਆ ਕਹਿਆ ਘਰ ਜਾ, ਕਹਿੰਦਾ ਚਲਾਂ ਹਾਂ, ਆਪਣਾ
ਅੰਮ੍ਰਿਤ ਆਪੇ ਛੱਕ ਲਵੋ।
ਟਿੱਪਣੀ :
ਇਹ ਹੈ ਦਲੇਰੀ, ਇਹ ਹੈ ਜ਼ੁਰੱਤ, ਇਹ ਹੈ
ਨਿਧੜਕਤਾ... ਜੋ ਕਿ ਉਦੋਂ ਹੀ ਆ ਸਕਦੀ ਹੈ ਜਦੋਂ ਅਪਾਣੇ ਸਮਰੱਥ ਗੁਰੂ ਦੇ ਪੂਰਣ
ਭਰੋਸਾ ਹੋਵੇ, ਕੋਈ ਸਟੇਜ ਖੁੱਸਣ ਦਾ ਭੈਅ ਨਾ ਹੋਵੇ, ਡਾਲਰਾਂ ਪੌਂਡਾਂ ਦੀ ਚਮਕ, ਰਹਿਤ
ਮਰਿਆਦਾ ਦੀ ਆੜ, ਕਿਸੇ ਵੀ ਤਰ੍ਹਾਂ ਦੀ ਫੌੜੀ ਲੈ ਕੇ ਡੰਗ ਟਪਾਊ ਕੰਮ ਕਰਨ ਦੀ ਨੀਯਤ ਨਾ
ਹੋਵੇ।
ਸ਼ਾਬਾਸ਼ ਹੈ ਇਹਨਾਂ ਨੌਜਵਾਨਾਂ ਨੂੰ, ਜਿਹੜੇ ਗਰੂ ਦੀ ਸਿੱਖਿਆ 'ਤੇ
ਕਰਮ ਆਧਾਰਿਤ ਜੀਵਨ ਜੀ ਰਹੇ ਹਨ, ਸਿਰਫ ਗੱਲਾਂ ਦਾ ਕੜਾਹ ਨਹੀਂ ਬਣਾ ਰਹੇ।
- ਸੰਪਾਦਕ ਖ਼ਾਲਸਾ ਨਿਊਜ਼