ਮ:2
ਕਰਮਿ ਪੂਰੈ ਪੂਰਾ ਗੁਰੂ ਪੂਰਾ ਜਾ ਕਾ ਬੋਲੁ ॥ ਪੰਨਾਂ
146
ਪੂਰੇ ਕਰਮਾਂ ਵਾਲੇ ਹਨ ਉਹ ਗੁਰਸਿੱਖ ਜਿਨ੍ਹਾਂ
ਨੂੰ ਵਿਸਵਾਸ ਹੈ ਕਿ ਸਾਡਾ ਗੁਰੂ ਪੂਰਾ ਹੈ ਅਤੇ ਉਸਦੇ ਬੋਲ ਭਾਵ (ਬਾਣੀ) ਭੀ ਪੂਰੀ ਹੈ।
ਨਾ ਸਾਡਾ ਗੁਰੂ ਅਧੂਰਾ ਹੈ ਨਾ ਉਸਦੀ ਬਾਣੀ ਅਧੂਰੀ ਹੈ ਕਿ ਸਾਨੂੰ ਆਪਣੇ ਜੀਵਨ ਦੇ ਸਫਲ
ਪੰਧ ਲਈ ਕਿਸੇ ਹੋਰ ਦੀ ਅਗਵਾਈ ਲੈਣੀ ਪਵੇ, ਬਸ "ਇਕਾ ਬਾਣੀ ਇਕੁ
ਗੁਰੁ ਇਕੋ ਸਬਦੁ ਵੀਚਾਰਿ ॥" ਸਾਡਾ ਜੀਵਨ ਹੈ।
ਮੈਂਨੂੰ ਉਨ੍ਹਾਂ ਆਪਣੇ ਵੀਰਾਂ
'ਤੇ ਤਰਸ ਅਤੇ ਅਫਸੋਸ ਭੀ ਆਉਂਦਾ ਹੈ ਜਿਹੜੇ ਕਹਿਣ ਮਾਤਰ ਤਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ
ਨੂੰ ਗੁਰੂ ਮੰਨਦੇ ਹਨ। ਪਰ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਅਗਵਾਈ ਨੂੰ ਅਧੂਰਾ ਸਮਝ ਕੇ ਆਪਣੇ
ਜੱਥਿਆਂ ਅਤੇ ਡੇਰਿਆਂ ਦੇ ਮੁਖੀ ਮਨੁੱਖਾਂ 'ਤੇ ਵਿਸ਼ਵਾਸ ਕਰਦੇ ਹਨ।
ਭਲਿਓ! ਜਾਂ ਤਾਂ
ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਆਪਣਾ ਗੁਰੂ ਨਾ ਆਖੋ, ਜਾਂ ਫਿਰ ਗੁਰੂ ਦੇ ਹੋਕੇ ਰਹੋ।
ਵੀਰੋ ਮੈਂ ਤੁਹਾਨੂੰ ਕੋਈ ਆਪਣੇ ਨਾਲ ਨਹੀਂ ਜੋੜਦਾ, ਮੇਰੀ ਆਪਣੀ ਕੋਈ ਵਖਰੀ ਮਰਿਆਦਾ ਨਹੀਂ
ਹੈ, ਮੈਂ ਤਾਂ ਗੁਰੂ ਗੋਬਿੰਦ ਸਿੰਘ ਜੀ ਦੇ ਹੁਕਮ ਅਨੁਸਾਰ ਹੀ ਸਿੱਖੀ ਨੂੰ ਸ੍ਰੀ ਗੁਰੂ
ਗ੍ਰੰਥ ਸਾਹਿਬ ਨਾਲ ਜੁੜਨ ਲਈ ਬੇਨਤੀਆਂ ਕਰਦਾ ਹਾਂ ਤੇ ਕਰਦਾ ਰਹਾਂਗਾ। ਇੱਕ ਗੁਰੂ ਦਾ ਬਣਨ
ਨਾਲ ਹੀ ਕੌਮੀ ਏਕਤਾ ਭੀ ਹੋਵੇਗੀ, ਵੱਖ ਵੱਖ ਗੁਰੂਆਂ, ਜੱਥਿਆਂ, ਮਨੁੱਖਾਂ ਦੀ ਗ਼ੁਲਾਮੀ
ਕਾਰਣ ਹੀ ਕੌਮ ਖੇਰੂੰ ਖੇਰੂੰ ਹੋਈ ਹੈ।
ਭਲਿਓ! ਸਿੱਖੀ 'ਤੇ ਤਰਸ ਕਰੋ, ਇਸ ਨੂੰ ਇੱਕੋ
ਇੱਕ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਨਾਲ ਜੋੜੋ।
ਸਲੋਕੁ ਮ: 5 ॥ ਇਕਸੁ
ਸਤਿਗੁਰ ਬਾਹਰਾ ਧ੍ਰਿਗੁ ਜੀਵਣੁ ਸੰਸਾਰਿ ॥ ਪੰਨਾਂ 957