ਨਵੀਂ ਦਿੱਲੀ
10 ਅਪ੍ਰੈਲ 2016
ਬੀਤੀ ਸ਼ਾਮ 9 ਅਪ੍ਰੈਲ 2016 ਨੂੰ ਪੰਥਕ ਸੇਵਾ ਦਲ ਵੱਲੋਂ ਇਕ ਇਕੱਤਰਤਾ ਪਛਮੀ ਦਿੱਲੀ ਦੇ
ਤਿਲਕ ਨਗਰ ਵਿਖੇ ਸੁਭਾਸ਼ ਨਗਰ ਮੈਟ੍ਰੋ ਸਟੇਸ਼ਨ ਦੇ ਲਾਗੇ ਮੈਰੀ ਜ਼ੋਨ ਵਿਖੇ ਕੀਤੀ ਗਈ, ਜਿਸ
ਵਿਚ ਦਿੱਲੀ ਦੇ ਵਖ ਵਖ ਹਿੱਸਿਆਂ ਚੋਂ ਵੱਡੀ ਗਿਣਤੀ 'ਚ ਸਿੱਖ ਸੰਗਤਾਂ ਨੇ ਹਾਜਰੀ ਭਰੀ।
ਇਸ ਇਕੱਤਰਤਾ ਦੌਰਾਨ ਪੰਥਕ ਸੇਵਾ ਦਲ ਦੇ ਕੋ ਕਨਵੀਨਰ ਗੁਰਪ੍ਰੀਤ
ਸਿੰਘ ਅਤੇ ਸੰਗਤ ਸਿੰਘ, ਦਲ ਦੀ ਪੋਲੀਟੀਕਲ ਵਿੰਗ ਦੇ ਦੇਵਿੰਦਰ ਸਿੰਘ ਸਾਹਨੀ ਅਤੇ ਦਲ ਦੀ
ਦਿੱਲੀ ਯੂਥ ਇਕਾਈ ਦੇ ਪ੍ਰਧਾਨ ਜਸਦੀਪ ਸਿੰਘ ਨੇ ਸੰਗਤਾਂ ਅੱਗੇ ਦਲ ਦੀ ਸੋਚ ਦਾ ਪ੍ਰਗਟਾਵਾ
ਕੀਤਾ। ਪੰਥਕ ਸੇਵਾ ਦਲ ਦੇ ਜਨਰਲ ਸਕੱਤਰ ਕਰਤਾਰ ਸਿੰਘ ਕੋਛੜ ਨੇ ਦਿੱਲੀ ਕਮੇਟੀ ਚ ਸੇਵਾ
ਲੱਗਣ ਮਗਰੋਂ ਕੀਤੇ ਜਾਣ ਵਾਲੇ ਸੁਧਾਰਾਂ ਬਾਰੇ ਗੱਲ ਕੀਤੀ।
ਪੰਥਕ ਸੇਵਾ ਦਲ ਦੇ ਕਨਵੀਨਰ ਸਰਬਜੋਤ ਸਿੰਘ ਗਰੋਵਰ ਨੇ ਇਸ ਗੱਲ ਤੇ
ਜੋਰ ਦਿੰਦਿਆਂ ਕੀ ਗੁਰੂ ਰੂਪ ਸੰਗਤ ਕੇਵਲ ਕਹਾਉਣ ਲਈ ਨਾ ਹੋਵੇ, ਬਲਕਿ ਸੰਗਤ ਨੂੰ ਗੁਰੂ
ਰੂਪ ਜਾਣ ਕੇ ਸੰਗਤ ਦੇ ਆਦੇਸ਼ ਦਾ ਸਤਕਾਰ ਵੀ ਕੀਤਾ ਜਾਣਾ ਚਾਹਿਦਾ ਹੈ।
ਸਰਬਜੋਤ ਸਿੰਘ ਗਰੋਵਰ ਨੇ ਦਿੱਲੀ ਪੰਥਕ ਡਾਇਲਾਗ ਦੀ ਸ਼ੁਰੁਆਤ ਕਰਦਿਆਂ
ਦਿੱਲੀ ਦੀ ਸੰਗਤ ਨੂੰ ਪੁਰਜੋਰ ਅਪੀਲ ਕੀਤੀ ਕਿ ਦਿੱਲੀ ਦੀ ਸੰਗਤ ਆਪਣੇ ਚੋਣ ਮੁੱਦੇ ਆਪ
ਬਣਾਵੇ ਅਤੇ ਆਪਣੇ ਆਪਣੇ ਹਲਕੇ ਤੋਂ ਸੁਚੱਜੇ ਉਮੀਦਵਾਰ ਵੀ ਆਪ ਚੁਣ ਕੇ ਉਨ੍ਹਾਂ ਨੂੰ ਦਿੱਲੀ
ਕਮੇਟੀ ਕ ਆਪਣੇ ਨੁਮਾਇੰਦਿਆਂ ਵਜੋਂ ਭੇਜੇ। ਇਸ ਇਕੱਤਰਤਾ ਵਿਚ ਦਿੱਲੀ ਦੀਆਂ ਵਖ ਵਖ
ਗੁਰਦੁਆਰਾ ਕਮੇਟੀਆਂ ਦੇ ਨੁਮਾਇੰਦੇ ਵੀ ਮੌਜੂਦ ਸਨ।