ਬਚਪਨ ਤੋਂ ਹਰ ਰਾਗੀ, ਢਾਡੀ, ਪਰਚਾਰਕ, ਹਰ ਗੁਰਦੁਆਰੇ, ਹਰ ਰੋਜ਼ ਇਹੀ
ਸੁਣੀਦਾ ਸੀ ਕਿ ਸਿੱਖਾਂ ਦਾ ਪੀਰ (ਗੁਰੂ) ਗੁਰੂ ਗਰੰਥ ਸਾਹਿਬ ਹੈ, ਗੁਰਬਾਣੀ ਹੈ ਜਿਸਨੂੰ
ਗੁਰੂ ਸਾਹਿਬ ਨੇ ਆਪ ਗੁਰੂ ਕਿਹਾ ਤੇ ਸਿੱਖਾਂ ਨੂੰ ਇਸ ਅਨੁਸਾਰ ਹੀ ਆਪਣਾ ਜੀਵਨ ਨਿਰਵਾਹ
ਕਰਣ ਦਾ ਉਪਦੇਸ਼ ਦਿੱਤਾ।
ਕਿਉਂਕਿ ਇਹ ਸਬਦੁ, ਬਹੁਤ ਡੂੰਗ੍ਹਾ ਹੈ, ਗੰਭੀਰ ਹੈ, ਜਿਸਨੂੰ ਵੀਚਾਰ ਕੇ ਜੀਵਨ 'ਚ ਢਾਲਣ
ਨਾਲ ਮਨੁੱਖ ਬਣਦਾ ਹੈ, ਕੋਈ ਵੀ ਬਉਰਾਨਾ ਨਹੀਂ ਰਹਿ ਜਾਂਦਾ, ਭਾਵ ਕਿ ਕੋਈ ਵੀ ਕਮਲਾ ਨਹੀਂ
ਰਹਿ ਜਾਂਦਾ, ਬਸ਼ਰਤੇ ਕਿ ਇਸ ਸਬਦ ਨੂੰ ਪੜ੍ਹ, ਸੁਣ, ਵੀਚਾਰ ਕੇ ਜੀਵਨ 'ਚ ਢਾਲਿਆ ਜਾਵੇ।
ਮ:1 ਸਬਦੁ ਗੁਰ ਪੀਰਾ
ਗਹਿਰ ਗੰਭੀਰਾ ਬਿਨੁ ਸਬਦੈ ਜਗੁ ਬਉਰਾਨੰ ॥ ਪੰਨਾ 634
ਵੱਡੇ ਹੁੰਦੇ ਹੁੰਦੇ, ਕਈ ਹੋਰ ਕੁੱਝ ਵੀ ਨਾਲ ਸੁਣਨ ਨੂੰ ਮਿਲਣ ਲਗਾ,
ਜਿਸ ਵਿੱਚ ਹੋਰ ਹੋਰ ਗ੍ਰੰਥ, ਜਿਹੜੇ ਗੁਰੂ ਬਣਨ ਦੀ ਹੋਣ 'ਚ ਲੱਗੇ ਹਨ। ਤੇ ਇਨ੍ਹਾਂ ਵਿੱਚੋਂ
ਕੱਚੇ ਗ੍ਰੰਥਾਂ ਵਿੱਚੋਂ ਇਹ ਸੁਣਨ ਨੂੰ ਮਿਲਿਆ:
ਅਸ ਕ੍ਰਿਪਾਨ ਖੰਡਹੁ
ਖੜਗ ਤੁਪਕ ਤਬਰ ਅਰ ਤੀਰ। ਸੈਫ ਸਰੋਹੀ ਸੈਹਥੀ
ਯਹ ਹਮਾਰੈ ਪੀਰ।
ਹੈਂ ਇਹ ਕੀ, ਤੇ ਕਿਵੇਂ ?
ਸ਼ਸਤਰ ਪੀਰ ਕਿਵੇਂ ? ਹਾਂ...
ਸਿੱਖੀ 'ਚ ਸ਼ਸਤਰ ਦੀ ਮਹੱਤਤਾ ਹੈ, ਸਾਡੀ ਜ਼ਰੂਰਤ ਹੈ,
ਪਰ ਇਹ ਪੀਰ ਨਹੀਂ। ਸ਼ਸਤਰ ਸਾਡੇ ਲਈ ਹੈ, ਪਰ ਸ਼ਸਤਰ
ਗੁਰੂ ਨਹੀਂ ਹੋ ਸਕਦਾ।
ਸ਼ਸਤਰ ਗੁਰੂ ਹਰਗੋਬਿੰਦ ਸਾਹਿਬ ਕੋਲ ਵੀ ਸੀ, ਤੇ ਜਹਾਂਗਰ ਕੋਲ
ਵੀ, ਫਰਕ ਸਿਰਫ ਵਰਤੋਂ ਦਾ ਸੀ। ਸ਼ਸਤਰ ਗੁਰੂ ਗੋਬਿੰਦ
ਸਿੰਘ ਕੋਲ ਵੀ ਸੀ, ਤੇ ਔਰੰਗਜ਼ੇਬ ਕੋਲ ਵੀ ਸੀ, ਫਰਕ ਫਿਰ ਵਰਤੋਂ ਦਾ ਸੀ।
ਜਿਸ ਕੋਲ ਹੈ ਉਹ ਸ਼ਸਤਰ ਨੂੰ ਕਿਸ ਤਰ੍ਹਾਂ ਵਰਤਦਾ ਹੈ, ਵਰਤਣ
ਵਾਲੇ 'ਤੇ ਨਿਰਭਰ ਹੈ, ਤੇ ਜਿਹੜਾ ਸ਼ਸਤਰ ਵਰਤਣ ਵਾਲੇ
'ਤੇ ਨਿਰਭਰ ਹੈ, ਉਹ ਪੀਰ ਕਿਵੇਂ
?
ਸ਼ਸਤਰ ਭਾਂਵੇਂ ਤਲਵਾਰ ਹੈ, ਚਾਹੇ ਬੰਦੂਕ ਹੈ, ਜਿਸ ਦੇ ਕੋਲ ਹੈ, ਉਸੇ ਦਾ ਹੈ।
ਜੇ ਚਲਾਉਂਦਿਆਂ ਚਲਾਉਂਦਿਆਂ ਡਿੱਗ ਪਵੇ, ਦੂਜਾ ਚੁੱਕ ਲਵੇ,
ਫਿਰ ਉਹ ਦੂਜੇ ਦਾ ਹੈ, ਇਹ ਕਿਸੇ ਦਾ ਸਕਾ ਨਹੀਂ... ਤੇ
ਜਿਹੜਾ ਸਕਾ ਨਹੀਂ...
ਉਹ ਪੀਰ ਕਿਵੇਂ ?
ਦੂਜੇ ਪਾਸੇ
ਜਿਸ ਕੋਲ ਸਬਦੁ ਦਾ ਗਿਆਨ ਹੈ, ਉਹ ਕੋਈ ਖੋਹ ਨਹੀਂ ਸਕਦਾ, ਸਬਦੁ
ਆਪਣਾ ਬਣ ਜਾਂਦਾ ਹੈ, ਕੋਈ ਜ਼ੁਬਾਨ ਵੀ ਕੱਟ ਲਵੇ, ਹੱਥ ਪੈਰ ਵੀ ਵੱਡ ਦੇਵੇ, ਪਰ ਗਿਆਨ ਨਹੀਂ
ਖੋਹ ਸਕਦਾ... ਗਿਆਨ ਸਕਾ ਹੈ... ਤੇ ਇਸ ਲਈ ਗੁਰੂ ਨੇ ਸਬਦੁ ਨੂੰ ਹੀ ਪੀਰ ਕਿਹਾ...
ਤੇ ਇਹੀ ਪੀਰ ਸਕਾ ਹੈ। ਤੇ ਇਸ
ਤੋਂ ਬਿਨਾਂ ਸਿੱਖ, ਮਨੁੱਖ ਬਉਰਾ ਹੈ, ਪਾਗਲ, ਗਿਆਨ ਵਿਹੂਣਾ ਕੋਈ ਵੀ, ਬਉਰਾ ਹੀ ਤਾਂ
ਕਹਿਲਾਉਂਦਾ ਹੈ !!! ਕਿ ਨਹੀਂ ?
ਗੁਰੂ ਕਹਿੰਦੇ ਹਨ
ਮ:1 ਸਬਦੁ ਗੁਰ ਪੀਰਾ ਗਹਿਰ ਗੰਭੀਰਾ ਬਿਨੁ ਸਬਦੈ ਜਗੁ ਬਉਰਾਨੰ
॥ ਪੰਨਾ 634
ਸਿੱਖ ਦਾ ਗੁਰੂ ਪੀਰ ਸਬਦੁ ਹੈ, ਗੁਰਬਾਣੀ ਹੈ, ਜੋ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਵਿੱਚ
ਦਰਜ ਹੈ। ਤੇ ਸਬਦੁ ਸਦੀਵੀ ਹੈ, ਕੋਈ ਖੋਹ ਨਹੀਂ ਸਕਦਾ, ਨੀਜੀ
ਹੈ, ਤੇ ਜੋ ਨੀਜੀ ਹੈ, ਉਹ
ਖ਼ਾਲਸਾ ਹੈ।
ਇਸ ਗੱਲ ਨੂੰ ਤੋੜ ਮਰੋੜ ਕੇ ਪੇਸ਼ ਕਰਣ ਵਾਲੇ ਇਹ ਕਹਿਣਗੇ ਕਿ
ਦੇਖੋ ਹੁਣ ਸਾਡੇ ਸ਼ਸਤਰਾਂ 'ਤੇ ਵੀ ਹਮਲਾ, ਹਾਏ ਤੌਬਾ ਮਚਾਉਣਗੇ... ਪਰ ਬੇਨਤੀ ਹੈ ਕਿ
ਪਹਿਲਾਂ ਪੋਸਟ ਨੂੰ ਪੜ੍ਹ ਲਿਓ, ਫਿਰ ਸੋਚਿਓ ਕਿ :
ਤੁਸੀਂ ਗੁਰੂ ਦਾ ਫੈਸਲਾ "ਸਬਦੁ ਗੁਰ ਪੀਰਾ" ਨੂੰ ਮੰਨਣਾ ਹੈ,
ਜਾਂ ਸ਼ਸਤਰ ਨੂੰ, ਜਿਹੜਾ ਸਕਾ ਹੀ ਨਹੀਂ !!!
ਮਰਜ਼ੀ ਤੁਹਾਡੀ, ਪਰ
ਗੁਰੂ ਦਾ ਫੈਸਲਾ ਤੁਹਾਡੇ ਮਰਜ਼ੀ 'ਤੇ ਨਿਰਭਰ ਨਹੀਂ।
ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ
ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
