24
ਅਕਤੂਬਰ 2015 ਨੂੰ ਖ਼ਾਲਸਾ ਨਿਊਜ਼ 'ਤੇ
ਇਹ ਖ਼ਬਰ ਪੋਸਟ ਕੀਤੀ ਗਈ ਸੀ ਜਿਸ ਵਿੱਚ ਭਾਈ ਪਰਮਜੀਤ ਸਿੰਘ ਉੱਤਰਾਖੰਡ ਨੇ ਸਿੱਖਾਂ
ਨੂੰ ਆਗਾਹ ਕੀਤਾ ਸੀ ਕਿ "ਪੰਜਾਂ
ਪਿਆਰਿਆਂ ਵਲੋਂ ਅਖੌਤੀ ਜੱਥੇਦਾਰਾਂ ਪ੍ਰਤੀ ਲਏ ਫੈਸਲੇ ਬਾਰੇ ਵਿਚਾਰ ਅਤੇ ਇੱਕ ਵੱਡੇ ਖੱਤਰੇ
ਤੋਂ ਸੁਚੇਤ ਹੋਣ ਦੀ ਅਪੀਲ", ਜੋ ਇਸ ਲਿੰਕ 'ਤੇ ਦੇਖੀ ਜਾ ਸਕਦੀ ਹੈ:
Click Here to view
ਉਥੇ ਨਾਲ ਹੀ ਖ਼ਾਲਸਾ ਨਿਊਜ਼ ਨੇ
ਇਕ ਛੋਟਾ ਜਿਹਾ ਪੋਸਟਰ ਬਣਾਇਆ ਸੀ, ਜਿਸ ਵਿੱਚ ਇੱਕੋ ਗੱਲ ਲਿਖੀ ਗਈ ਸੀ ਕਿ "ਪੁਰਾਣੇ
ਬਦਮਾਸ਼ਾਂ ਨੂੰ ਖ਼ਤਮ ਕਰਣ ਲਈ ਨਵੇਂ ਨਾ ਖੜੇ ਕਰੋ" ... ਇਹ ਅੱਜ ਦੀ ਖ਼ਬਰ ਉਸੀ ਖ਼ਤਰੇ
ਦਾ ਸਬੂਤ ਹੈ, ਜਿਸ ਵਿੱਚ ਇਨ੍ਹਾਂ ਪੰਜ ਪਿਆਰਿਆਂ ਨੇ "ਅੰਮ੍ਰਿਤ
ਛਕਾਉਣ ਦੇ ਵਿਧੀ ਵਿਧਾਨ ਵਿੱਚ ਤਬਦੀਲੀ ਬਰਦਾਸ਼ਤ ਨਹੀਂ ਕੀਤੀ ਜਾ ਸਕਦੀ" ਸਿਰਲੇਖ
ਹੇਠ ਬਿਆਨ ਦਿੱਤਾ ਹੈ।
ਭਾਵੁਕਤਾ 'ਚ ਬਹੰਦੇ ਹੋਏ ਸਿੱਖ ਅਖਵਾਉਣ ਵਾਲੇ ਬਹੁਤ ਛੇਤੀ ਮੁਲਾਜ਼ਮਾਂ ਤੋਂ ਕ੍ਰਾਂਤੀ ਦੀ
ਉਮੀਦ ਲਾ ਲੈਂਦੇ ਨੇ... ਇਨ੍ਹਾਂ ਪੰਜ ਪਿਆਰਿਆਂ ਤੋਂ ਸਾਨੂੰ ਨਾ ਕੋਈ ਉਮੀਦ ਸੀ ਅਤੇ ਨਾ
ਹੈ... ਇਹੀ ਉਸੇ ਸਿੱਕੇ ਦੇ ਦੂਜੇ ਪਹਿਲੂ ਹਨ...
ਨਿਤਨੇਮ, ਪਾਹੁਲ (ਅੰਮ੍ਰਿਤ ਸੰਸਕਾਰ),
ਅਤੇ ਅਰਦਾਸ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀਆਂ ਬਾਣੀਆਂ ਅਤੇ ਗੁਰਮਤਿ ਅਨੁਸਾਰ ਬਦਲਾਅ
ਕਰਣ ਨੂੰ ਕੋਈ ਨਹੀਂ ਰੋਕ ਸਕਦਾ,
ਭਾਵੇਂ ਉਹ ਪੁਰਾਣੇ
ਬਦਮਾਸ਼ ਹੋਣ ਜਾਂ ਨਵੇਂ...