ਸ.
ਦਿਲਜੀਤ ਸਿੰਘ ਬੇਦੀ ਜੀ,
ਵਧੀਕ ਸਕੱਤਰ ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ
ਵਾਹਿਗੁਰੂ ਜੀ ਕਾ ਖਾਲਸਾ, ਵਾਹਿਗੁਰੂ ਜੀ ਕਿ ਫ਼ਤਿਹ।
ਵਿਸ਼ਾ –
ਬਾਬਾ ਦੀਪ ਸਿੰਘ ਜੀ ਦੀ ਜਨਮ ਤਾਰੀਖ
ਸ. ਦਿਲਜੀਤ ਸਿੰਘ ਜੀ ਆਪ ਜੀ ਵੱਲੋਂ ਲਿਖੇ ਖੋਜ ਭਰਪੂਰ ਲੇਖ ਅਕਸ
ਹੀ ਅਖ਼ਬਾਰਾਂ ਵਿਚ ਛਪਦੇ ਰਹਿੰਦੇ ਹਨ। ਅੱਜ ਵੀ ਆਪ ਜੀ ਦਾ ਇਕ ਲੇਖ “ਸੱਚਖੰਡ ਸ਼੍ਰੀ
ਹਰਿਮੰਦਰ ਸਾਹਿਬ ਦੀ ਪਵਿੱਤਰਾ ਦੇ ਰਖਵਾਲੇ- ਬਾਬਾ ਦੀਪ ਸਿੰਘ ਸ਼ਹੀਦ” ਅਖ਼ਬਾਰਾਂ ਵਿੱਚ
ਛਪਿਆ ਹੈ। ਜੋ ਆਪ ਜੀ ਨੇ ਬਾਬਾ ਦੀਪ ਸਿੰਘ ਜੀ ਦੇ ਜਨਮ ਸਬੰਧੀ ਲਿਖਦੇ ਹੋ, “ਬਾਬਾ ਦੀਪ
ਸਿੰਘ ਦਾ ਜਨਮ ਅੰਮ੍ਰਿਤਸਰ (ਹੁਣ ਤਰਨ ਤਾਰਨ) ਜ਼ਿਲ੍ਹੇ ਦੇ ਪਿੰਡ ਪਹੂਵਿੰਡ ਵਿਖੇ ਇਕ ਕਿਰਤੀ
ਕਿਸਾਨ ਭਾਈ ਭਗਤਾ ਦੇ ਘਰ ਮਾਤਾ ਜੀਵਨੀ ਦੀ ਭਾਗਾਂ ਭਰੀ ਕੁੱਖ ਤੋਂ 26 ਜਨਵਰੀ 1682
ਮੁਤਾਬਕ 14 ਮਾਘ ਸੰਮਤ 1739 ਨੂੰ ਹੋਇਆ”।
ਬੇਨਤੀ ਹੈ ਕਿ ਜਦੋਂ ਮੈਂ ਆਪ ਜੀ ਵੱਲੋਂ ਲਿਖੀ ਗਈ ਤਾਰੀਖ ਦੀ
ਪੜਤਾਲ ਕੀਤੀ ਤਾਂ 26 ਜਨਵਰੀ 1682 ਈ. ਨੂੰ 29 ਮਾਘ ਸੰਮਤ
1738 ਬਿ. ਸੀ। ਦੂਜੇ ਪਾਸੇ 14 ਮਾਘ ਸੰਮਤ 1739 ਨੂੰ
11 ਜਨਵਰੀ 1683 ਈ. (ਜੂਲੀਅਨ) ਸੀ। ਬੇਨਤੀ ਹੈ ਕਿ ਇਸ ਸਬੰਧੀ ਆਪਣਾ ਪੱਖ ਸਪੱਸ਼ਟ
ਕਰਨ ਦੀ ਖੇਚਲ ਕਰਨੀ ਜੀ ਤਾ ਸ਼ਹੀਦ ਬਾਬਾ ਦੀਪ ਸਿੰਘ ਜੀ ਦੇ ਜਨਮ ਦੀ ਸਹੀ ਤਾਰੀਖ ਦੀ
ਜਾਣਕਾਰੀ ਹੋ ਸਕੇ।
ਧੰਨਵਾਦ ਸਹਿਤ