Main News Page

ਸੌਦਾ ਸਾਧ ਦੀ ਵਿਵਾਦਿਤ ਫ਼ਿਲਮ MSG 2 ਬਠਿੰਡਾ 'ਚ ਰਿਲੀਜ਼; ਸੌਦਾ ਸਾਧ ਦੀ ਮੁਆਫ਼ੀ ਤੋਂ ਬਾਅਦ ਸਾਧ ਦੇ ਚੇਲਿਆਂ ਸਿੱਖਾਂ ਨੂੰ ਲਲਕਾਰਿਆ

ਚੰਡੀਗੜ੍ਹ: ਸੌਦਾ ਸਾਧ ਦੀ ਵਿਵਾਦਿਤ ਫ਼ਿਲਮ MSG 2 ਬਠਿੰਡਾ ਚ ਰਿਲੀਜ਼ ਹੋ ਗਈ ਹੈ। ਬਠਿੰਡਾ ਦੇ ਸਿਨੇਮਾ ਘਰ ਚ ਅੱਜ ਸ਼ਾਮ 4 ਵਜੇ MSG 2 ਦਾ ਪਹਿਲਾ ਸ਼ੋਅ ਦਿਖਾਇਆ ਗਿਆ। ਇਸ ਸ਼ੋਅ ਚ ਕਰੀਬ 500 ਲੋਕਾਂ ਨੇ ਫ਼ਿਲਮ ਦੇਖੀ। ਇਸ ਫ਼ਿਲਮ ਦੀ ਰਿਲੀਜ਼ ਨੂੰ ਲੈ ਕੇ ਡੇਰਾ ਪ੍ਰੇਮੀ ਪੰਜਾਬ ‘ਚ ਵੱਖ ਵੱਖ ਥਾਵਾਂ ‘ਤੇ ਪ੍ਰਦਰਸ਼ਨ ਕਰ ਰਹੇ ਸਨ। ਕਈ ਦਿਨ ਤੱਕ ਸੜਕੀ ਤੇ ਰੇਲ ਆਵਾਜਾਈ ਵੀ ਠੱਪ ਕੀਤੀ ਗਈ ਸੀ। ਪੰਜਾਬ ਸਰਕਾਰ ਵੱਲੋਂ ਇਸ ਫ਼ਿਲਮ ‘ਤੇ ਪਾਬੰਦੀ ਨਹੀਂ ਲਗਾਈ ਗਈ ਸੀ, ਪਰ ਸਿਨੇਮਾ ਘਰਾਂ ਦੇ ਮਾਲਕ ਫ਼ਿਲਮ ਰਿਲੀਜ਼ ਕਰਨ ਨੂੰ ਤਿਆਰ ਨਹੀਂ ਸਨ।

ਇਸ ਦੌਰਾਨ ਪ੍ਰਸ਼ਾਸਨ ਨੇ ਸੌਦਾ ਸਾਧ ਸਮਰਥਕਾਂ ਨੂੰ ਇਹ ਭਰੋਸਾ ਦਿਵਾਉਂਦਿਆਂ ਧਰਨੇ ਤੋਂ ਉਠਾਇਆ ਸੀ ਕਿ ਜਲਦ ਹੀ ਉਨ੍ਹਾਂ ਦੀ ਫ਼ਿਲਮ ਰਿਲੀਜ਼ ਕਰਵਾਈ ਜਾਵੇਗੀ। ਡੇਰਾ ਪ੍ਰੇਮੀਆਂ ਨੇ ਚੇਤਾਵਨੀ ਵੀ ਦਿੱਤੀ ਸੀ ਕਿ ਜੇਕਰ ਫ਼ਿਲਮ ਰਿਲੀਜ਼ ਨਹੀਂ ਹੁੰਦੀ ਤਾਂ ਉਹ ਫਿਰ ਧਰਨਿਆਂ ‘ਤੇ ਬੈਠਣ ਨੂੰ ਮਜਬੂਰ ਹੋਣਗੇ।

ਇਹੀ ਕੁੱਝ ਤਾਂ ਹੋਣਾ ਹੈ, ਤੇ ਹੁਣ ਤੇ ਸਿੱਖਾਂ ਨੇ ਵਿਰੋਧ ਕੀਤਾ ਤਾਂ, ਪੁਲਿਸ ਨੇ ਡਾਂਗਾਂ, ਗੋਲ਼ੀਆਂ ਸਿੱਖਾਂ ਦੇ ਹੀ ਮਾਰਨੀਆਂ ਹਨ...