Main News Page

03 ਜਨਵਰੀ 2015 ਨੂੰ ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ ਨੇ ਸਲੋਕੁ ਮ: ੫ ॥ ਸੁਣਿ ਸਜਣ ਪ੍ਰੀਤਮ ਮੇਰਿਆ ਮੈ ਸਤਿਗੁਰੁ ਦੇਹੁ ਦਿਖਾਲਿ ॥ ਹਉ ਤਿਸੁ ਦੇਵਾ ਮਨੁ ਆਪਣਾ ਨਿਤ ਹਿਰਦੈ ਰਖਾ ਸਮਾਲਿ ॥ ਇਕਸੁ ਸਤਿਗੁਰ ਬਾਹਰਾ ਧ੍ਰਿਗੁ ਜੀਵਣੁ ਸੰਸਾਰਿ ॥ ਜਨ ਨਾਨਕ ਸਤਿਗੁਰੁ ਤਿਨਾ ਮਿਲਾਇਓਨੁ ਜਿਨ ਸਦ ਹੀ ਵਰਤੈ ਨਾਲਿ ॥੧॥ {ਪੰਨਾ 957} ਸ਼ਬਦ ਦਾ ਕੀਰਤਨ ਅਤੇ ਗੁਰਮਤਿ ਵਿਆਖਿਆ ਕੀਤੀ।

ਉਨ੍ਹਾਂ ਨੇ ਵਿਆਖਿਆ ਦੌਰਾਨ ਕਿਹਾ ਕਿ ਸਿੱਖ ਦਾ ਗੁਰੂ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਹੈ। ਪੰਜਾਬ 'ਚ ਹੋਰਨਾਂ ਗ੍ਰਥਾਂ ਜਿਵੇਂ ਕਿ ਗੀਤਾ, ਬਾਈਬਲ, ਕੁਰਾਨ ਆਦਿ 'ਤੇ ਕਦੀ ਵੀ ਹਮਲੇ ਨਹੀਂ ਹੁੰਦੇ, ਪਰ ਕੀ ਕਾਰਣ ਹੈ ਕਿ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੀ ਹਮਲੇ ਹੁੰਦੇ ਹਨ। ਉਨ੍ਹਾਂ ਨੇ ਹਿੰਦੂ ਬਹੁਮਤ ਵਾਲੇ ਸਿੱਖਾਂ ਨੂੰ ਆਪਣੇ ਜਜ਼ਬ ਕਰਨਾ ਚਾਹੁੰਦੇ ਹਨ, ਜੇ ਬਚਣਾ ਹੈ ਤਾਂ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਚ ਦਰਜ ਬਾਣੀ ਨੂੰ ਹੀ ਗੁਰਬਾਣੀ ਮੰਨੋ। ਅਖੌਤੀ ਦਸਮ ਗ੍ਰੰਥ ਦੀ ਆੜ 'ਚ ਸਿੱਖਾਂ ਨੂੰ ਹਿੰਦੂ ਸਾਬਿਤ ਕਰਨਾ ਬਹੁਤ ਸੌਖਾ ਹੈ। ਇਸੇ ਗ੍ਰੰਥ ਕਾਰਣ ਹੀ ਸਿੱਖ ਭਗੌਤੀ ਨੂੰ ਆਪਣੇ ਗੁਰੂਆਂ ਨਾਲੋਂ ਪਹਿਲਾਂ ਸਿਮਰਦੇ ਹਨ। ਮੈਂਨੂੰ ਖੁਸ਼ੀ ਹੈ ਕਿ ਕਈ ਥਾਵਾਂ 'ਤੇ ਹੁਣ ਭਗੌਤੀ ਦੇ ਸਾਹਮਣੇ ਅਰਦਾਸ ਕਰਨੀ ਸਿੱਖ ਹੱਟ ਰਹੇ ਹਨ।

ਭਾਈ ਪਰਮਜੀਤ ਸਿੰਘ ਨੇ ਵੀ ਸੰਗਤਾਂ ਨੂੰ ਸੰਬੋਧਿਤ ਹੁੰਦਿਆਂ ਇੱਕ ਗੁਰੂ ਦੇ ਲੜ੍ਹ ਲੱਗਣ ਦੀ ਪ੍ਰੇਰਣਾ ਦਿੱਤੀ। ਉਨ੍ਹਾਂ ਸਿਕਲੀਗਰ ਪਰਿਵਾਰਾਂ ਬਾਰੇ ਚਲਾਈ ਜਾ ਰਹੀ ਮੁਹਿੰਮ ਬਾਰੇ ਵੀ ਚਾਨਣਾ ਪਾਇਆ। ਇਸ ਸਮਾਗਮ 'ਚ ਭਾਈ ਬੇਅੰਤ ਸਿੰਘ ਖਾਨੇਵਾਲ, ਸ. ਸੁਰਿੰਦਰ ਸਿੰਘ ਬੈਲਜੀਯਮ, ਸ. ਕੁਲਦੀਪ ਸਿੰਘ ਆਦਮਪੁਰ, ਬੀਬੀ ਨਰਿੰਦਰ ਕੌਰ ਅਤੇ ਹੋਰ ਪਤਵੰਤੇ ਸੱਜਣ ਵੀ ਹਾਜ਼ਿਰ ਸਨ।