ਸਵਾਲਾਂ ਦੇ ਜਵਾਬ ਉਹੀ ਦੇ ਸਕਦੇ ਨੇ, ਜੋ ਜਾਗਦੀ ਜ਼ਮੀਰ ਵਾਲੇ ਨੇ, ਮਰੀ ਜ਼ਮੀਰ ਵਾਲੇ ਸਵਾਲ ਦੇ ਜਵਾਬ ਦੇ ਹੀ ਨਹੀਂ ਸਕਦੇ...
-: ਗੁਰਜਾਪ ਸਿੰਘ

ਗਿਆਨੀ ਨੰਦਗੜ੍ਹ ਨੇ ਭਾਂਵੇ ਆਪਣੇ ਗਰਮ ਸੁਭਾਅ ਕਾਰਣ ਸਿੱਖ ਕੌਮ ਵਿੱਚ ਕੁਝ ਥਾਂ ਬਣਾ ਲਈ, ਪਰ ਇਸ ਦਾ ਇਹ ਮਤਲਬ ਨਹੀਂ ਕਿ ਜੋ ਉਨ੍ਹਾਂ ਨੇ ਹੋਰਨਾਂ ਜੱਫੇਦਾਰਾਂ ਨਾਲ ਮਿਲ ਕੇ ਕੂੜਨਾਮੇ ਜਾਰੀ ਕਰਵਾਏ, ਉਸ ਤੋਂ ਪਿੱਛਾ ਛੁੱਟ ਜਾਵੇਗਾ... ਕਦਾਚਿਤ ਨਹੀਂ ?

ਭਾਂਵੇ ਕਿ ਮੇਰੇ ਕੋਲ ਬਹੁਤਾ ਮੈਟਰ ਹੈ ਨਹੀਂ ਕਿ ਮੈ ਲੇਖ ਬਹੁਤ ਲੰਮਾ ਲਿਖਾਂ, ਪਰ ਕੌਮ ਜੱਫੇਦਾਰਾਂ ਦੀਆਂ ਕਰਤੂਤਾਂ ਭਲੀਭਾਂਤ ਤੋਂ ਚੰਗੀ ਤਰਾਂ ਜਾਣੂ ਹੈ। ਸਾਡੀ ਕੌਮ ਦੀ ਇਹ ਤਰਾਸਦੀ ਰਹੀ ਹੈ, ਕਿ ਜਦ ਵੀ ਕੋਈ ਕੌਮ ਲਈ ਕੁੱਝ ਕਾਰਣ ਲਈ ਫੜ੍ਹ ਮਾਰ ਜਾਂਦਾ ਹੈ, ਅਸੀਂ ਉਸ ਵੱਲ ਭੱਜ ਤੁਰਦੇ ਹਾਂ, ਕਦੇ ਪਿੱਛਾ ਝਾਕਣ ਦੀ ਕੋਸ਼ਿਸ਼ ਨਹੀਂ ਕੀਤੀ ਕਿ ਇਸ ਬੰਦੇ ਦੀਆ ਲੱਤਾਂ ਕੌਮ ਦਾ ਭਾਰ ਸੰਭਾਲ ਸਕਣਗੀਆਂ ਕਿ ਨਹੀਂ...

ਗਿਆਨੀ ਬਲਵੰਤ ਸਿੰਘ ਨੰਦਗੜ੍ਹ ਹਰ ਕੰਮ ਉਸ ਸ਼ਾਮਿਲ ਹੈ, ਜੋ ਬਾਕੀ ਦੇ ਜੱਫੇਦਾਰਾਂ ਨੇ ਕੀਤੇ, ਪਰ ਉਸ ਸਮੇਂ ਗਿਆਨੀ ਨੰਦਗੜ ਸੁੱਤੇ ਪਏ ਸਨ? ਉਸ ਸਮੇਂ ਇਸ ਨੂੰ ਉਨ੍ਹਾਂ ਬਾਕੀ ਦੇ ਜੱਫੇਦਾਰਾਂ ਦੀਆਂ ਗਲਤ ਨੀਤੀਆਂ ਦਾ ਵਿਰੋਧ ਕਰਨਾ ਬਣਦਾ ਸੀ, ਪਰ ਇਨ੍ਹਾਂ ਨੇ ਹਮੇਸ਼ਾ ਚੁੱਪ ਵੱਟੀ ਰੱਖੀ ਤੇ ਉਨਾਂ ਦਾ ਸਾਥ ਦਿੰਦੇ ਰਹੇ... ਸ. ਗੁਰਬਖਸ਼ ਸਿੰਘ ਕਾਲਾ ਅਫਗਾਨਾ, ਪ੍ਰੋ. ਦਰਸ਼ਨ ਸਿੰਘ ਖਾਲਸਾ ਨੂੰ ਇੱਕ ਕੋਠੜੀ ਵਿੱਚੋ ਹੀ ਫਤਵਾ ਲੱਗਾ ਸੀ, ਉਨਾਂ ਫਤਵੇ ਜਾਰੀ ਕਰਨ ਵਾਲਿਆਂ ਵਿੱਚ ਤੁਸੀਂ ਵੀ ਹਾਜਰ ਸੀ। ਤੁਸੀਂ ਬਾਕੀ ਦਿਆਂ ਜੱਫੇਦਾਰਾਂ ਨੂੰ ਚੈਲਿੰਜ ਕਿਉਂ ਨਹੀਂ ਕੀਤਾ ? ਉਸ ਸਮੇਂ ਇਹ ਇਸ ਗਲਤ ਫੈਸਲੇ ਦਾ ਡੱਟ ਕੇ ਵਿਰੋਧ ਕਰਦੇ ਤੇ ਕੌਮ ਨੂੰ ਸੁਚੇਤ ਕਰਦੇ ਕਿ ਤਖਤਾਂ ਦੇ ਬਾਕੀ ਜੱਥੇਦਾਰ ਕਠਪੁਤਲੀ ਬਣ ਚੁੱਕੀਆਂ ਨੇ, ਇਨ੍ਹਾਂ ਤੋਂ ਗੁਰਧਾਮ ਆਜ਼ਾਦ ਕਰਵਾਉ... ਪਰ ਆਪ ਜੀ ਨੇ ਚੁੱਪ ਵੱਟ ਰੱਖੀ ਕਿਉਂ? ਗਿਆਨੀ ਨੰਦਗੜ੍ਹ ਜੀਉ, ਕੌਮ ਜਵਾਬ ਮੰਗਦੀ ਹੈ, ਸਾਨੂੰ ਹੱਕ ਹੈ ਸਵਾਲ ਕਰਨ ਦਾ, ਕਿਉਂਕਿ ਅਸੀਂ ਥਾਲੀ ਦੇ ਬੈਂਗਣ ਨਹੀਂ, ਜਿਧਰ ਭਾਰ ਹੋਇਆ, ਉਧਰ ਲੁੜਕ ਗਏ, ਜਿਹੜਾ ਮਰਜ਼ੀ ਸਾਨੂੰ ਖਰੀਦ ਕੇ ਲੈ ਜਾਵੇ...

ਆਰ.ਐਸ.ਐਸ. ਤੁਹਾਡੇ ਸਮੇਂ ਵੀ ਸਿੱਖ ਕੌਮ ਵਿੱਚ ਘੁਸਪੈਠ ਕਰਦੀ ਰਹੀ ਸੀ ਤੇ ਕਰ ਰਹੀ ਹੈ, ਤੁਹਾਨੂੰ ਪਹਿਲਾਂ ਸਭ ਕੁਝ ਪਤਾ ਸੀ, ਤੁਸੀਂ ਵੀ ਉਨ੍ਹਾਂ ਬਾਕੀ ਦੇ ਜੱਫੇਦਾਰਾਂ ਦੀ ਕਤਾਰ ਵਿੱਚ ਆਉਂਦੇ ਹੋ... ਤਹਾਨੂੰ ਅਗਲਿਆਂ ਨੇ ਹੁਣ ਜੱਥੇਦਾਰੀ ਤੋਂ ਲਾਂਭੇ ਕਰ ਦਿੱਤਾ ਹੈ, ਤੇ ਹੁਣ ਤੁਸੀਂ ਸਾਰਾ ਕੁਝ ਉਗਲ ਰਹੋ ਹੋ... ਵੇਦਾਂਤੀ ਵੀ ਇਸ ਤਰ੍ਹਾਂ ਦੇ ਬਿਆਨ ਦਿੰਦਾ ਰਿਹਾ, ਜੱਥੇਦਾਰ ਦੀ ਪੱਦਵੀ ਤੋਂ ਲਹਿ ਜਾਣ ਤੋਂ ਬਾਅਦ, ਪਰ ਉਸਨੇ ਵੀ ਕੌਮ ਨੂੰ ਬਰਬਾਦ ਕਰਨ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡੀ ਸੀ। ਕੌਮ ਦੇ ਸਿਰ ਮਿੱਥ ਸਾਖੀਆਂ ਦਾ ਗੰਦ ਪਾ ਕੇ... ਸਿਆਣੇ ਕਹਿੰਦੇ ਨੇ ਕਿ ਕੋਈ ਵੀ ਗੁਨਾਹ ਕਾਰ ਮਨੁੱਖ ਸਾਰੀ ਜਿੰਦਗੀ ਉਹ ਆਪਣੇ ਗੁਨਾਹ ਕਬੂਲ ਨਾ ਕਰੇ, ਪਰ ਜਿੰਦਗੀ ਦਾ ਜਦੋਂ ਆਖਰੀ ਸਾਹ ਰਹਿ ਜਾਂਦਾ ਹੈ ਭਾਵ ਜਦ ਮਰਨ ਕਿਨਾਰੇ 'ਤੇ ਹੁੰਦਾ ਹੈ, ਤੇ ਉਹ ਸਾਰਾ ਕੁੱਝ ਸਾਰਿਆਂ ਦੇ ਸਾਹਮਣੇ ਰੱਖ ਦਿੰਦਾ ਹੈ। ਉਸ ਨੂੰ ਪਤਾ ਹੁੰਦਾ ਹੈ ਕਿ ਮੈਂ ਹੁਣ ਕੁੱਝ ਨਹੀਂ ਕਰ ਸਕਦਾ, ਉਸਨੇ ਖਤਮ ਹੋ ਜਾਣਾ ਹੈ, ਇਹ ਉਸ ਦੀ ਤਰਾਸਦੀ ਵਾਲੀ ਹਾਲਤ ਹੁੰਦੀ ਹੈ। ਤੁਹਾਡੇ ਨਾਲ ਵੀ ਇਹੋ ਕੁਝ ਹੋਇਆ, ਤੁਸੀਂ ਵੀ ਬਾਕੀ ਦੇ ਪੁਜਾਰੀ ਜੱਫੇਦਾਰਾਂ ਨਾਲ ਮਿਲ ਕੇ ਆਰ.ਐਸ.ਐਸ ਦੇ ਇਸ਼ਾਰੇ 'ਤੇ ਹੀ ਫਤਵੇ ਜਾਰੀ ਕਰਦੇ ਰਹੇ, ਤਾਂ ਜੋ ਚੰਗੀ ਸੋਚ ਵਾਲਾ ਸਿੱਖ ਲੀਡਰ ਅੱਗੇ ਨਾ ਸਕੇ।

ਤੁਸੀਂ ਉਨ੍ਹਾਂ ਨਾਲ ਗੋਡੇ ਨਾਲ ਗੋਡਾ ਜੋੜ ਕੇ ਬੈਠਦੇ ਸੀ। ਉਸ ਸਮੇਂ ਤੁਹਾਡੀ ਗੈਰਤ ਕਿੱਥੇ ਸੀ। ਹੁਣ ਤੁਹਾਡੀ ਕਿਰਪਾਨ ਜਹਾਜ਼ ਵਿੱਚ ਕਿਸ ਤਰਾਂ ਆ ਗਈ ? ਤੁਸੀ ਤਾਂ ਕਿਹਾ ਸੀ ਕਿ ਮੈਂ ਕਿਰਪਾਨ ਸਰੀਰ ਤੋਂ ਵੱਖ ਨਹੀਂ ਕਰ ਸਕਦਾ ਜੀ.. ਹੁਣ ਅਸਲ ਵਿੱਚ ਤੁਹਾਨੂੰ ਵਰਤ ਕੇ ਇੱਕ ਪਾਸੇ ਰੱਖ ਦਿੱਤਾ ਹੈ, ਪਤਾ ਨਹੀਂ ਕੀ ਕਾਰਣ ਹੋਣਗੇ...

ਗਿਆਨੀ ਜੀਉ ਤੁਹਾਡੀ ਵੀ ਹਾਲਤ ਹੁਣ ਉਸ ਮਨੁੱਖ ਵਾਂਗ ਹੀ ਹੋ ਗਈ ਹੈ, ਹੁਣ ਤੁਸੀਂ ਕੁਝ ਨਹੀਂ ਕਰ ਸਕਦੇ, ਪਰ ਜੋ ਗੁਨਾਹ ਸਿੱਖ ਵਿਰੋਧੀਆਂ ਦੇ ਢਹੇ ਚੜ ਕੇ ਬਾਕੀ ਜੱਫੇਦਾਰਾਂ ਨਾਲ ਮਿਲ ਕੇ ਕੀਤੇ, ਉਹ ਹੁਣ ਤੁਹਾਡੇ ਮੂਹੋਂ ਆਪਣੇ ਆਪ ਨਿਕਲ ਰਹੇ ਨੇ। ਤੁਸੀਂ ਹੁਣ ਕੌਮ ਦਾ ਕੁੱਝ ਨਹੀਂ ਸਵਾਰ ਸਕਦੇ, ਜਿੰਨਾ ਮਰਜੀ ਗਰਮਜੋਸ਼ੀ ਦੇ ਬਿਆਨ ਦਾਗੋ, ਕੁੱਝ ਨਹੀਂ ਹੋ ਸਕਦਾ। ਉਹ ਸਮਾਂ ਤੁਸੀਂ ਗਵਾ ਲਿਆ, ਜਦੋਂ ਕੌਮੀ ਹਿੱਤ ਲਈ ਕੁੱਝ ਕਰਨਾ ਸੀ ਜੀ... ਇਸ ਲਈ ਜੀ ਸਦਕੇ ਆਵੋ ਕੈਨੇਡਾ, ਪਰ ਸਵਾਲਾਂ ਦੇ ਜਵਾਬ ਤਹਾਨੂੰ ਦੇਣੇ ਚਾਹੀਦੇ ਆ ਤੇ ਜਵਾਬ ਵੀ ਉਹੀ ਦੇ ਸਕਦੈ, ਜੋ ਜਿਉਂਦਾ ਹੈ, ਜਿਸ ਦੀ ਜ਼ਮੀਰ ਜਾਗਦੀ ਹੈ, ਮਰੀ ਸੋਚ ਵਾਲਿਆਂ ਤੋਂ ਆਸ ਕਾਹਦੀ ਰੱਖਣੀ ਹੈ...

ਪਰ ਫੇਰ ਵੀ ਮੌਕਾ ਹੈ, ਜਵਾਬ ਦਿਓ...