Khalsanews

ਸੜਕਾਂ 'ਤੇ ਨੱਚਦੀ ਮੌਤ
-: ਹਰਮਨਪ੍ਰੀਤ ਸਿੰਘ

ਟਿੱਪਣੀ:

ਭਾਰਤ ਅੰਦਰ ਸੁਰਖਿੱਆ Safety ਨਾਮ ਦੀ ਕੋਈ ਚੀਜ਼ ਨਹੀਂ। ਲੋਕ ਅਤੇ ਪ੍ਰਸ਼ਾਸਨ ਦੋਨੋਂ ਦੀ ਬਹੁਤ ਅਵੇਸਲੇ ਹਨ, ਸਿਰਫ ਇਕ ਦੂਜੇ 'ਤੇ ਦੋਸ਼ ਮੜ੍ਹਦੇ ਨੇ, ਪਰ ਦੋਨੋਂ ਹੀ ਆਪਣਾ ਕਰਤਵ ਨਿਭਾਉਣ 'ਚ ਫੇਲ ਹਨ।
ਲੋਕਾਂ 'ਚ ਭੱਜ ਦੌੜ ਹੈ, ਦਿਖਾਵਾ ਹੈ, ਇੱਕ ਦੂਜੇ ਤੋਂ ਅਗਾਂਹ ਨਿਕਲਣ ਦੀ ਦੌੜ ਹੈ, ਸੇਫਟੀ ਪੱਖੋਂ ਕੋਈ ਜਾਗਰੂਕਤਾ ਨਹੀਂ, ਨਾ ਹੀ ਬਦਲਣ ਦੀ ਚਾਹ... ਜਦੋਂ ਕੋਈ ਹਾਦਸਾ ਵਾਪਰਦਾ ਹੈ ਤਾਂ, ਲੜਾਈ, ਇੱਕ ਦੂਜੇ 'ਤੇ ਦੂਸ਼ਣਬਾਜ਼ੀ, ਕੋਰਟ ਕਚਿਹਿਰੀਆਂ ਦੇ ਚੱਕਰ, ਮੌਤ... ਇਨ੍ਹਾਂ ਤੋਂ ਸਿੱਖਣ ਦੀ ਕੋਈ ਜ਼ਰੂਰਤ ਨਹੀਂ ਸਮਝਦਾ। ਹੈਲਮਟ ਤੇ ਸੀਟ ਬੈਲਟ ਸਿਰਫ ਪੁਲਿਸ ਨੂੰ ਦੇਖ ਕੇ ਜਾਂ ਚਾਲਾਨ ਤੋਂ ਬੱਚਣ ਲਈ ਹੀ ਵਰਤੇ ਜਾਂਦੇ ਹਨ, ਸੇਫਟੀ ਲਈ ਨਹੀਂ, ਚੌਕਾਂ 'ਚ ਲਾਲ ਬੱਤੀ 'ਚ ਵੀ ਲੋਕ ਲੰਘੀ ਜਾਂਦੇ ਹਨ... ਫਿਰ ਹਾਦਸੇ ਕਿਉਂ ਨਾ ਵਾਪਰਨ?

ਦੂਜੇ ਪਾਸੇ ਪ੍ਰਸ਼ਾਸਨ ਦੀ ਨਾਲਾਇਕੀ। ਪੁਲਿਸ ਸਿਰਫ ਚਾਲਾਨ ਕੱਟਣ ਤੱਕ ਸੀਮਿਤ ਹੈ, ਲੋਕਾਂ ਨੂੰ ਜਾਗਰੂਕ ਕਰਨ 'ਚ ਨਹੀਂ। ਪੈਸਾ ਲੈ ਕੇ ਵੱਧ ਰਸੂਖ ਵਾਲੇ ਛੱਡਣਾ, ਅਤੇ ਮਾੜੇ ਧੀੜੇ ਨੂੰ ਚੱਕਰ... ਬਿਨਾਂ ਟੈਸਟ ਲਏ ਬਣਾਏ ਜਾਂਦੇ ਲਾਇਸੈਂਸ, ਨਾਬਾਲਗ ਬੱਚਿਆਂ ਨੂੰ ਦਿੱਤੇ ਗਏ ਸਕੂਟਰ ਮੋਟਰਸਾਇਕਲ, ਕਾਰਾਂ... ਸੜਕਾਂ ਦੀ ਬਦ ਤੋਂ ਬਦਤਰ ਹਾਲਤ, ਖਾਸ ਕਰਕੇ ਕੇ ਪੰਜਾਬ ਦੀਆਂ ਸੜਕਾਂ ਦੀ ਹਾਲਤ ਦਾ ਤਾਂ ਰੱਬ ਰਾਖਾ ਹੈ। ਸੁਖਬੀਰ ਬਾਦਲ ਵਲੋਂ ਵੱਡੀਆਂ ਵੱਡੀਆਂ ਗੱਪਾਂ ਮਾਰਨ ਤੋਂ ਇਲਾਵਾ ਕੱਖ ਨਹੀਂ... ਸੜਕਾਂ ਦੇ ਨਾਂ 'ਤੇ ਟੋਏ ਹੀ ਦਿਖਦੇ ਹਨ... ਜੀ.ਟੀ. ਰੋਡ 'ਤੇ ਕਿੰਨੇ ਹੀ ਟੋਲ ਟੈਕਸ ਲਏ ਜਾਂਦੇ ਹਨ, ਪਰ ਸੜਕ ਦੇ ਨਾਂ 'ਤੇ ਸਿਰਫ "ਟੋਏ"... ਪੁਲਿਸ ਵਾਲੇ ਆਪ ਵੀ ਹੈਲਮੈਟ ਨਹੀਂ ਪਾਉਂਦੇ, ਤਿੰਨ ਤਿੰਨ ਜਣੇ ਇਕੋ ਮੋਟਰਸਾਇਕਲ 'ਤੇ ਬੈਠੇ ਮਿਲਦੇ ਹਨ, ਸ਼ਰਾਬ ਪੀਕੇ ਗੱਡੀ ਉਹ ਚਲਾਉਂਦੇ ਹਨ... ਤੇ ਫਿਰ ਹਾਦਸੇ ਕਿਉਂ ਨਾ ਹੋਣ?

ਜਦੋਂ ਤੱਕ ਭਾਰਤਵਾਸੀਆਂ ਦੀ ਆਪਣੀ ਸੋਚ ਅਤੇ ਪ੍ਰਸ਼ਾਸਨ ਸੇਫਟੀ ਨੂੰ ਤਰਜੀਹ ਨਹੀਂ ਦਿੰਦੀ, ਅਣਮੁਲੀਆਂ ਜਾਨਾਂ ਜਾਂਦੀਆਂ ਰਹਿਣਗੀਆਂ... ਭਾਰਤ ਦਾ ਤਾਂ ਰੱਬ ਹੀ ਰਾਖਾ ਹੈ...

- ਸੰਪਾਦਕ ਖ਼ਾਲਸਾ ਨਿਊਜ਼

ਵਾਹਿਗੁਰੂ ਜੀ ਕਾ ਖ਼ਾਲਸਾ, ਵਾਹਿਗੁਰੂ ਜੀ ਕੀ ਫ਼ਤਹਿ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜੱਥੇਦਾਰ), ਪਖੰਡੀ ਸਾਧ, ਬਾਬੇ, ਪਾਸ਼ਰੂਕ (ਅਖੌਤੀ ਜਾਗਰੂਕ), ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।


Disclaimer: Khalsanews.org does not necessarily endorse the views and opinions voiced in the news, articles, audios, videos or any other contents published on www.khalsanews.org and cannot be held responsible for their views. Read full details...