ਜਦੋਂ
ਵਿਚ ਕੋਈ ਵੀਰ ਭੈਣ ਕਿਸੇ ਸਿਰਸੇ ਆਲੇ ਸਾਧ ਦੇ ਚੇਲਿਆਂ ਨਾਲ ਗੱਲ ਕਰਦੇ ਹਨ, ਤਾਂ ਇਹ
ਗੁਰਬਾਣੀ ਦੀ ਪੰਕਤੀ ਪੜ ਕੇ ਗੁੰਮਰਾਹ ਕਰਦੇ ਹਨ। (ਜਦੋਂ ਕਿ ਇਸ ਸ਼ਹਿਰ ਦਾ ਨਾਮ "ਸਿਰਸਾ"
ਹੈ, ਨਾ ਕਿ "ਸਰਸਾ") ਕਿ
ਗੁਰਬਾਣੀ ਵਿਚ ਸਾਡੇ ਡੇਰੇ ਵਾਰੇ ਲਿਖਿਆ ਹੈ। ਇਸ ਪੰਕਤੀ ਨੂੰ ਇਹ ਆਪਣੇ ਡੇਰੇ
ਵਿਚ ਵੀ ਇਸ ਤਰ੍ਹਾਂ ਲਿਖਦੇ ਹਨ। ਸੋ, ਮੈਂ ਇਨ੍ਹਾਂ ਦੀ ਜਾਣਕਾਰੀ ਵਾਸਤੇ ਇਹ ਗੁਰਬਾਣੀ
ਦੀਆਂ ਪੰਗਤੀਆਂ ਸਮੇਤ ਵਿਆਖਿਆ ਲਿਖਦਾ ਹਾਂ, ਤਾਂ ਕਿ ਇਹਨਾ ਸਾਧਾਂ ਦੇ ਚੇਲਿਆਂ ਤੋਂ ਲੋਕ
ਗੁੰਮਰਾਹ ਨਾ ਹੋਣ...
ਅਨਦੁ ਸੁਣਹੁ ਵਡਭਾਗੀਹੋ ਸਗਲ ਮਨੋਰਥ ਪੂਰੇ ॥ ਪਾਰਬ੍ਰਹਮੁ ਪ੍ਰਭੁ ਪਾਇਆ ਉਤਰੇ ਸਗਲ ਵਿਸੂਰੇ
॥ ਦੂਖ ਰੋਗ ਸੰਤਾਪ ਉਤਰੇ ਸੁਣੀ ਸਚੀ ਬਾਣੀ ॥ ਸੰਤ ਸਾਜਨ ਭਏ ਸਰਸੇ ਪੂਰੇ ਗੁਰ ਤੇ ਜਾਣੀ ॥
ਸੁਣਤੇ ਪੁਨੀਤ ਕਹਤੇ ਪਵਿਤੁ ਸਤਿਗੁਰੁ ਰਹਿਆ ਭਰਪੂਰੇ ॥ ਬਿਨਵੰਤਿ ਨਾਨਕੁ ਗੁਰ ਚਰਣ ਲਾਗੇ
ਵਾਜੇ ਅਨਹਦ ਤੂਰੇ ॥੪੦॥੧॥ {ਪੰਨਾ 922}
ਪਦਅਰਥ:-
ਵਿਸੂਰੇ- ਚਿੰਤਾ-ਝੋਰੇ।
ਸੰਤਾਪ- ਕਲੇਸ਼। ਸਚੀ
ਬਾਣੀ- ਸਦਾ-ਥਿਰ ਪ੍ਰਭੂ ਦੀ ਸਿਫ਼ਤਿ-ਸਾਲਾਹ ਦੀ ਬਾਣੀ।
ਸਰਸੇ- ਸ-ਰਸ, ਰਹੇ,
ਆਨੰਦ-ਭਰਪੂਰ
a state of
consciousness characterized by expanded spiritual awareness, visions
or absolute euphoria।
ਗੁਰ ਤੇ- ਗੁਰੂ ਤੋਂ।
ਸਤਿਗੁਰੁ ਰਹਿਆ ਭਰਪੂਰੇ -ਗੁਰੂ (ਆਪਣੀ ਬਾਣੀ ਵਿਚ) ਭਰਪੂਰ ਹੈ, ਬਾਣੀ
ਗੁਰੂ-ਰੂਪ ਹੈ। ਅਨਹਦ -ਇਕ-ਰਸ।
ਤੂਰੇ -ਵਾਜੇ ।
ਮਨੋਰਥ -ਮਨ ਦੀਆਂ ਦੌੜਾਂ।
ਅਰਥ:- ਹੇ ਵੱਡੇ ਭਾਗਾਂ
ਵਾਲਿਓ! ਸੁਣੋ, ਆਨੰਦ ਇਹ ਹੈ ਕਿ (ਉਸ ਅਵਸਥਾ ਵਿਚ) ਮਨ ਦੀਆਂ ਸਾਰੀਆਂ ਦੌੜਾਂ ਮੁੱਕ
ਜਾਂਦੀਆਂ ਹਨ (ਸਾਰੇ ਸੰਕਲਪ ਸਿਰੇ ਚੜ੍ਹ ਜਾਂਦੇ ਹਨ), ਪਰਮ ਆਤਮਾ ਪ੍ਰਭੂ ਮਿਲ ਪੈਂਦਾ
ਹੈ, ਸਾਰੇ ਚਿੰਤਾ-ਝੌਰੇ ਮਨ ਤੋਂ ਲਹਿ ਜਾਂਦੇ ਹਨ। ਅਕਾਲ ਪੁਰਖ ਦੀ ਸਿਫ਼ਤਿ-ਸਾਲਾਹ ਦੀ
ਬਾਣੀ ਸੁਣਿਆਂ ਸਾਰੇ ਦੁੱਖ ਰੋਗ ਕਲੇਸ਼ ਮਿਟ ਜਾਂਦੇ ਹਨ। ਜੇਹੜੇ ਸੰਤ ਗੁਰਮੁਖਿ ਪੂਰੇ
ਗੁਰੂ ਤੋਂ ਸਿਫ਼ਤਿ-ਸਾਲਾਹ ਦੀ ਬਾਣੀ ਨਾਲ ਸਾਂਝੀ ਪਾਣੀ ਸਿੱਖ ਲੈਂਦੇ ਹਨ ਉਹਨਾਂ ਦੇ
ਹਿਰਦੇ ਖਿੜ ਆਉਂਦੇ ਹਨ। ਇਸ ਬਾਣੀ ਨੂੰ ਸੁਣਨ ਵਾਲੇ ਉਚਾਰਨ ਵਾਲੇ ਸਭ ਪਵਿਤ੍ਰ-ਆਤਮਕ
ਹੋ ਜਾਂਦੇ ਹਨ, ਇਸ ਬਾਣੀ ਵਿਚ ਉਹਨਾਂ ਨੂੰ ਸਤਿਗੁਰੂ ਹੀ ਦਿੱਸਦਾ ਹੈ।
ਨਾਨਕ ਬੇਨਤੀ ਕਰਦਾ
ਹੈ- ਜੇਹੜੇ ਬੰਦੇ ਗੁਰੂ ਦੀ ਚਰਨੀਂ ਲੱਗਦੇ ਹਨ, ਉਹਨਾਂ ਦੇ ਅੰਦਰ ਇਕ-ਰਸ (ਖ਼ੁਸ਼ੀ ਦੇ)
ਵਾਜੇ ਵੱਜ ਪੈਂਦੇ ਹਨ (ਉਹਨਾਂ ਦੇ ਅੰਦਰ ਆਤਮਕ ਆਨੰਦ ਪੈਦਾ ਹੋ ਜਾਂਦਾ ਹੈ) ।40।
ਭਾਵ:- ਆਤਮਕ ਆਨੰਦ ਦੇ
ਲੱਛਣ:- ਜਿਸ ਮਨੁੱਖ ਦੇ ਅੰਦਰ ਆਤਮਕ ਆਨੰਦ ਪੈਦਾ ਹੁੰਦਾ ਹੈ, ਉਸ ਦੀ ਭਟਕਣਾ ਦੂਰ ਹੋ
ਜਾਂਦੀ ਹੈ, ਉਸ ਦੇ ਸਾਰੇ ਚਿੰਤਾ-ਝੋਰੇ ਮਿਟ ਜਾਂਦੇ ਹਨ, ਕੋਈ ਦੁੱਖ ਰੋਗ ਕੋਈ ਕਲੇਸ਼
ਉਸ ਉਤੇ ਜ਼ੋਰ ਨਹੀਂ ਪਾ ਸਕਦਾ।
ਆਨੰਦ ਦੀ ਇਹ ਅਵਸਥਾ
ਸਤਿਗੁਰੂ ਦੀ ਬਾਣੀ ਤੋਂ ਪ੍ਰਾਪਤ ਹੁੰਦੀ ਹੈ। ਇਸ ਬਾਣੀ ਨੂੰ ਗਾਣ ਵਾਲਿਆਂ ਸੁਣਨ ਵਾਲਿਆਂ
ਦੇ ਜੀਵਨ ਉੱਚੇ ਹੋ ਜਾਂਦੇ ਹਨ। ਇਸ ਬਾਣੀ ਵਿਚ ਉਹਨਾਂ ਨੂੰ ਸਤਿਗੁਰੂ ਹੀ ਪਰਤੱਖ ਦਿੱਸਦਾ
ਹੈ।
ਭਾਵ, ਗੁਰਬਾਣੀ ਸੁਣ ਕੇ
ਅਕਾਲ ਪੁਰਖ ਦੀ ਸਿਫਤ ਸੁਣ ਕੇ ਸਾਰੇ ਦੁਖ ਕਲੇਸ਼ ਮਿੱਟ ਜਾਂਦੇ ਨੇ। ਜਿਹੜੇ ਸੰਤ ਗੁਰਮੁਖ
ਗੁਰੂ ਦੀ ਬਾਣੀ ਸੁਣਦੇ ਹਨ, ਉਹ ਪ੍ਰਮਾਤਮਾ ਨਾਲ ਸਾਂਝ ਪਾਉਣੀ ਸਿੱਖ ਜਾਂਦੇ ਨੇ... ਇਥੇ (ਸੰਤ
ਗੁਰਮੁਖ) ਸ਼ਬਦ "ਸੰਗਤ" ਵਾਸਤੇ ਆਇਆ ਹੈ।
ਇਹ ਸ਼ਬਦ ਪੜੋ, ਤੁਹਾਨੂੰ ਪਤਾ
ਲੱਗ ਜਾਵੇਗਾ, ਕਿ ਸਿਰਸੇ ਵਾਲੇ ਭੰਡ
ਦਾ, ਇਸ ਨਾਲ ਕੋਈ ਸੰਬੰਧ ਨਹੀਂ ਹੈ। ਅਸਲ ਵਿਚ ਇਹ
ਡੇਰਾ ਸਿਰਸਾ ਨੇੜੇ ਪਿੰਡ ਬੇਗੁ ਹੈ, ਨਾ ਕਿ ਸਿਰਸੇ।
ਸੋ, ਸਾਰੇ ਵੀਰ ਧਿਆਨ ਦੇਣ,
ਜਦੋਂ ਤੁਸੀਂ ਇਹਨਾ ਦਾ ਜਵਾਬ ਨਹੀਂ ਦਿੰਦੇ, ਤਾਂ ਇਹ ਲੋਕ ਤੁਹਾਡੇ 'ਤੇ ਭਾਰੂ ਹੋ ਜਾਂਦੇ
ਹਨ।