ਨਵੀਂ
ਦਿੱਲੀ 11 ਮਈ (ਮਨਪ੍ਰੀਤ ਸਿੰਘ ਖਾਲਸਾ): ਦਿੱਲੀ ਦੀ ਇਕ ਅਦਾਲਤ ਵਿਚ ਅਜ ਬੱਬਰ ਖਾਲਸਾ ਦੇ
ਭਾਈ ਸਰਬਪ੍ਰੀਤ ਸਿੰਘ ਨੇ ਸਪੈਸ਼ਲ ਸੈਲ ਦੀ ਐਫ ਆਈ ਆਰ ਨੰ 57/11 ਧਾਰਾ 471,487 ਏ ਅਤੇ
489 ਅਧੀਨ ਨਿਜੀ ਤੋਰ ਪੇਸ਼ ਹੋ ਕੇ ਅਪਣੀ ਹਾਜਿਰੀ ਲਗਵਾਈ ਉਨ੍ਹਾਂ ਦੇ ਨਾਲ ਭਾਈ ਜਸਵਿੰਦਰ
ਸਿੰਘ ਵੀ ਅਦਾਲਤ ਵਿਚ ਪੇਸ਼ ਹੋਏ ਸਨ।
ਅਦਾਲਤ ਵਿਚ ਪੇਸ਼ੀ ਭੁਗਤਣ ਤੋਂ ਬਾਅਦ ਉਨ੍ਹਾਂ ਨੇ ਪ੍ਰੈਸ ਨਾਲ
ਗਲਬਾਤ ਕਰਦਿਆਂ ਕਿਹਾ ਕਿ ਅਜ ਦਾ ਮਾਹੌਲ ਸਿੱਖਾਂ ਦੇ ਬਹੁਤ ਹੀ ਜਿਆਂਦਾ ਖਿਲਾਫ ਹੋ ਗਿਆ
ਹੈ ਤੇ ਸ਼ਰਾਰਤੀ ਅਨਸਰ ਜਾਣਬੂਝ ਕੇ ਸਿੱਖੀ ਦੀ ਸ਼ਾਨ ਦੇ ਖਿਲਾਫ ਕੂਝ ਨਾ ਕੂਝ ਕਰਦੇ ਰਹਿੰਦੇ
ਹਨ ਤੇ ਸਾਡੇ ਆਗੂ ਹਨ ਕਿ ਉਹ ਇਨ੍ਹਾਂ ਅਨਸਰਾਂ ਨੂੰ ਨਥ ਨਾ ਪਾ ਕੇ ਚੁਪਚਾਪ ਸਿੱਖੀ ਨੂੰ
ਢਾਹ ਲਗਦੀ ਦੇਖੀ ਜਾਂਦੇ ਹਨ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਫੇਸਬੁਕ ਰਾਹੀ ਪਤਾ ਲਗਿਆ ਹੈ ਕਿ
ਇੰਦੋਰ ਦੇ ਜਵਾਹਰ ਮਾਰਗ ਦੇ ਰਿਆਸਤਗੰਜ ਇਲਾਕੇ ਅੰਦਰ ਹੁਣ ਇਕ "ਵਾਹਿਗੁਰੂ
ਟ੍ਰੇਡਰਸ" ਨਾਂ ਦੀ ਦੁਕਾਨ ਖੋਲੀ ਗਈ ਹੈ, ਜਿਸ ਵਿਚ ਬੀੜੀ, ਸਿਗਰੇਟਾਂ, ਪਾਨ
ਮਸਾਲੇ ਅਤੇ ਸੁਪਾਰੀ ਵੇਚੀ ਜਾ ਰਹੀਆਂ ਹਨ ਅਤੇ ਦੁਕਾਨਦਾਰ ਨੇ ਦੁਕਾਨ 'ਤੇ ਗੁਰੂ ਨਾਨਕ
ਸਾਹਿਬ ਦੀ ਫੋਟੋ ਵੀ ਲਾਈ ਹੋਈ ਹੈ। ਜਦ ਕਿ ਸਿੱਖ ਰਹਿਤ ਮਰਿਆਦਾ ਅਨੁਸਾਰ ਸਿੱਖੀ ਵਿਚ ਨਸ਼ੇ
ਵੇਚਣਾਂ ਜਾਂ ਇਸਦਾ ਸੇਵਨ ਕਰਨਾ ਬਜਰ ਕੁਰਹਿਤ ਹੈ।
ਅੰਤ ਵਿਚ ਉਨ੍ਹਾਂ ਅਕਾਲ ਤਖਤ ਦੇ ਜੱਥੇਦਾਰ ਅਤੇ ਸ਼੍ਰੋਮਣੀ ਕਮੇਟੀ
ਅਮ੍ਰਿੰਤਸਰ ਤੇ ਦਿੱਲੀ ਕਮੇਟੀ ਦੇ ਪ੍ਰਧਾਨ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਇਸ ਦੁਕਾਨਦਾਰ
ਦੇ ਖਿਲਾਫ ਜਲਦ ਤੋਂ ਜਲਦ ਸਿੱਖ ਰਹਿਤ ਮਰਿਆਦਾ ਅਨੁਸਾਰ ਕਾਰਵਾਈ ਕੀਤੀ ਜਾਏ। ਭਾਈ
ਸਰਬਪ੍ਰੀਤ ਸਿੰਘ ਅਤੇ ਜਸਵਿੰਦਰ ਸਿੰਘ ਦੇ ਮਾਮਲੇ ਦੀ ਅਗਲੀ ਸੁਣਵਾਈ ਹੁਣ 5 ਜੁਲਾਈ ਨੂੰ
ਹੋਵੇਗੀ।
Phone # of Waheguru Traders 76090 58592 or 75090 58592