Main News Page

ਮੈਂ ਤਾਂ ਹੁਣ ਕੱਖ ਨਾਲੋਂ ਵੀ ਹੌਲਾ ਹੋ ਚੁਕਾ ਹਾਂ। ਮੈਂ ਵੀਹ ਭਈਆਂ ਵਿੱਚ ਖੜਾ ਵੀ ਗਵਾਚ ਜਾਵਾਂਗਾ। ਜੇ ਮੈਂ ਗੁਰੂ ਸਰੂਪ ਵਿਚ ਕਾਇਮ ਰਹਿੰਦਾ, ਤਾਂ ਮੈਂ ਇਕ ਕਰੋੜ ਭਈਆਂ ਵਿੱਚ ਵੀ ਵਖਰਾ ਨਜਰ ਆਉਣਾਂ ਸੀ।

ਖਾਲਸੇ ਦਾ ਵਖਰਾ ਰੂਪ ਹੈ ਤੇ ਵਖਰੀ ਪਛਾਣ ਹੈ।
ਖਾਲਸੇ ਦੀ ਵਖਰੀ ਹੋਂਦ ਹੈ ਤੇ ਵਖਰਾ ਹੀ ਮਾਨ ਹੈ।
ਖਾਲਸੇ ਦਾ ਵਖਰਾ ਧਰਮ ਹੈ, ਤੇ ਵਖਰੀ ਹੀ ਸ਼ਾਨ ਹੈ।
ਖਾਲਸੇ ਦਾ ਵਖਰਾ ਪੰਥ ਹੈ ਤੇ ਵਖਰੀ ਹੀ ਆਨ ਹੈ।

ਤੂੰ ਇਹ ਕੀ ਕਰ ਬੈਠਾ ਭੋਲਿਆ ? ਅਪਣੀ ਦਾੜ੍ਹੇ ਅਤੇ ਦਸਤਾਰ ਵਾਲੀ ਫੋਟੋ 100 ਬੰਦਿਆਂ ਨੂੰ ਵਖਾ, ਅਤੇ ਇਹ ਹੁਣ ਵਾਲੀ ਫੋਟੋ ਵਖਾ। ਇਕ ਸਰਵੇ ਕਰ ਕੇ ਵੇਖ ਲੈ। 100 ਵਿਚੋਂ ਸੌ ਬੰਦੇ ਕਹਿਣਗੇ ਕਿ

ਖਾਲਸਾ, ਗੁਰੂ ਦਾ ਰੂਪ ਲਗਦਾ ਹੈ। ਪਤਿਤ ਰੂਪ ਤਾਂ ਬਹੁਤ ਕਰੂਪ ਲਗਦਾ ਹੈ।

ਮੈਂ ਤਾਂ ਹੁਣ ਸੰਘ ਪਾੜ ਪਾੜ ਕੇ ਚੀਕਾਂ ਕਿ "ਮੈਂ ਸਿੱਘ ਹਾਂ, ਮੈਂ ਸਿੰਘ ਹਾਂ" ਤਾਂ ਵੀ ਕਿਸੇ ਨੇ ਨਹੀਂ ਮੰਨਣਾ ਕਿ ਮੈਂ ਸਿੰਘ ਹਾਂ। ਜੇ ਮੈਂ ਸੰਗ ਪਾੜ ਪਾੜ ਕੇ ਕਹੀ ਜਾਵਾਂ ਕਿ ਮੈਂ ਭਈਆ ਹਾਂ, ਤਾਂ ਵੀ ਕਿਸੇ ਨੇ ਨਹੀਂ ਮੰਨਣਾ ਕਿ ਮੈਂ ਭਈਆ ਹਾਂ। ਤੂੰ ਤਾਂ ਕਿਸੇ ਘੜੇ ਦਾ ਢਕੱਣ ਨਹੀਂ ਰਿਹਾ ਮੂਰਖਾ !

ਮੇਰਾ ਇਕ ਦੋਸਤ ਕਹਿੰਦਾ ਹੈ ਜਿਹੜੇ ਸਿੱਖ ਪਤਿਤ ਹੋ ਜਾਂਦੇ ਹਨ, ਉਹ ਪਹਿਲਾਂ ਅਾਪਣੇ ਮਾਪਿਆਂ ਦੀ ਸ਼ਰਮ ਲਾਹ ਦਿੰਦੇ ਹਨ। ਫਿਰ ਅਪਣੇ ਰਿਸ਼ਤੇਦਾਰਾਂ ਦੀ ਸ਼ਰਮ ਲਾਹ ਦਿੰਦੇ ਹਨ। ਫਿਰ ਆਪਣੇ ਸਮਾਜ ਤੋਂ ਬਾਗੀ ਹੁੰਦੇ ਹਨ, ਫਿਰ ਅਪਣੀ ਕੌਮ ਤੋਂ ਬਾਗੀ ਹੁੰਦੇ ਹਨ, ਫਿਰ ਅਪਣੇ ਗੁਰੂਆਂ ਤੋਂ ਬਾਗੀ ਹੁੰਦੇ ਹਨ। ਇਨ੍ਹੀਂ ਵਾਰ ਉਹ ਆਪਣੀ ਸ਼ਰਮ ਲਾਹੁੰਦੇ ਹਨ, ਫਿਰ "ਪਤਿਤ" ਬਣਦੇ ਹਨ। ਇਹ ਤੁਹਾਡੇ ਮਨ ਦਾ ਭਰਮ ਹੈ, ਕਿ ਤੁਸੀਂ ਇਸ ਪਤਿਤ ਸਰੂਪ ਵਿਚ ਸੋਹਣੇ ਲਗਦੇ ਹੋ।

ਆਉ ਮੇਰੇ ਵੀਰੋ ! ਸਿੱਖੀ ਸਰੂਪ ਨੂੰ ਮੁੜ ਸੰਭਾਲ ਕੇ, ਆਪਣੇ ਪਰਿਵਾਰ ਵਿੱਚ ਸ਼ਾਮਿਲ ਹੋ ਜਾਉ ! ਗੁਰੂ ਤਾਂ ਬੇਦਾਵਾ ਲਿਖਣ ਵਾਲੇ ਸਿੱਖ ਨੂੰ ਵੀ ਮਾਫ ਕਰ ਦਿੰਦਾ ਹੈ, ਤੈਨੂੰ ਉਹ ਕਿਉਂ ਮਾਫ ਨਹੀਂ ਕਰੇਗਾ? ਇਕ ਵਾਰ ਉਸ ਉਸ ਗੁਰੂ ਦਾ ਸਿੱਖ ਬਣ ਕੇ ਉਸ ਦੀ ਗੋਦੀ ਵਿੱਚ ਸਿਰ ਰੱਖ ਕੇ ਤਾਂ ਵੇਖ ! ਉਹ ਤਾਂ ਤੈਨੂੰ ਅਪਣੀ ਛਾਤੀ ਨਾਲ ਲਾ ਕੇ ਤੈਨੂੰ ਮੁਆਫ ਕਰ ਦੇਵੇਗਾ। ਸਵੇਰ ਦਾ ਭੁਲਿਆ ਜੇ ਸ਼ਾਮ ਨੂੰ ਘਰ ਵਾਪਸ ਆ ਜਾਵੇ, ਤਾਂ ਉਹ ਭੁਲਿਆ ਨਹੀਂ ਅਖਵਾਂਉਦਾ। ਆ ਜਾ ਮੇਰੇ ਵੀਰਾ ! ਆਪਣੇ ਘਰ ਵਾਪਸ ਆ ਜਾ !