ਪੰਥ ਵਿਰੋਧੀਆਂ ਦੇ ਹੌੰਸਲੇ ਹੁਣ ਐਨੇ ਵੱਧ ਗਏ ਹਨ, ਕਿ ਉਹ
ਇਖ਼ਲਾਕਹੀਣ ਕੰਮ ਕਰਣ ਤੋਂ ਗੁਰੇਜ਼ ਨਹੀਂ ਕਰਦੇ। ਕੱਲ ਰਾਤ ਤੋਂ
ਖ਼ਾਲਸਾ ਨਿਊਜ਼, ਗੁਰੂ ਗ੍ਰੰਥ ਸਾਹਿਬ ਅਕੈਡਮੀ ਨੂੰ ਅਨੇਕਾਂ ਹੀ ਫੋਨ ਆਏ ਹਨ ਕਿ ਜਿਹੜਾ
ਪੋਸਟਰ ਅੰਮ੍ਰਿਤ ਸੰਚਾਰ ਬਾਰੇ ਪ੍ਰੋ. ਦਰਸ਼ਨ ਸਿੰਘ ਦੇ ਨਾਮ ਹੇਠ ਫੇਸਬੁੱਕ 'ਤੇ ਪਾਇਆ ਗਿਆ
ਹੈ, ਉਸ ਬਾਰੇ ਆਪਣਾ ਸਟੈਂਡ ਕਲੀਅਰ ਕਰੋ।
ਇਸ ਬਾਰੇ ਜਦੋਂ ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ, ਜੋ ਕਿ 29 ਅਪ੍ਰੈਲ 2014 ਤੋਂ ਹਸਪਤਾਲ ਵਿੱਚ
ਹਨ, ਜਿਨ੍ਹਾਂ ਦੇ ਦੋਵੇਂ ਗੋਡਿਆਂ ਦਾ ਆਪ੍ਰੇਸ਼ਨ ਹੋਇਆ ਹੈ, ਨਾਲ ਗਲਬਾਤ ਕੀਤੀ ਗਈ ਤਾਂ
ਉਨ੍ਹਾਂ ਨੇ ਬੜੀ ਚੜ੍ਹਦੀਕਲਾ 'ਚ ਸੰਖੇਪ ਜਿਹਾ ਜਵਾਬ ਦਿੱਤਾ ਕਿ "ਉਨ੍ਹਾਂ
ਦਾ ਅਕੀਦਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੈ, ੳਤੇ ਉਹ ਸ੍ਰੀ ਗੁਰੂ ਗ੍ਰੰਥ ਸਾਹਿਬ
'ਚ ਦਰਜ ਬਾਣੀ ਨੂੰ ਹੀ ਗੁਰਬਾਣੀ ਮੰਨਦੇ ਹਨ, ਪਰ ਉਨ੍ਹਾਂ ਦਾ ਇਸ ਪੋਸਟਰ ਨਾਲ ਕੋਈ ਲੈਣਾ
ਦੇਣਾ ਨਹੀਂ ਹੈ। ਇਹ ਮੇਰੇ ਖਿਲਾਫ ਇੱਕ ਗਹਰੀ ਸਾਜ਼ਿਸ਼ ਹੈ, ਜੋ ਕਿਸੇ ਸ਼ਰਾਰਤੀ ਅਨਸਰ ਨੇ
ਜਾਣਬੁੱਝ ਕੇ ਕੀਤੀ ਹੈ।"
ਗੁਰੂ ਗ੍ਰੰਥ ਸਾਹਿਬ
ਅਕੈਡਮੀ ਦੇ ਬੁਲਾਰੇ
ਸ. ਸਿਮਰ ਸਿੰਘ
ਨੇ ਖ਼ਾਲਸਾ
ਨਿਊਜ਼ ਨੂੰ ਹੇਠ ਲਿਖੀ
ਈਮੇਲ ਰਾਹੀਂ
ਸਪਸ਼ਟੀਕਰਨ ਦਿੱਤਾ:
Waheguru ji ka
Khalsa Waheguru
ji ki Fateh,
A poster has
been
circulating
the Internet
today with
claims that
an Amrit
Sanchar will
be held at
GGS Academy on
May 11, 2014.
Please be
advised that
this poster
was created
and
distributed
without the
prior
consent and
authorization
of Prof.
Darshan
Singh. Singh
Sahib has
been in
hospital
since April
29 for
surgery.
Upon
returning to
good health,
Singh Sahib
will
investigate
to determine
the source
of these
claims and
appropriate
action will
be taken in
response. It
goes without
saying; the
creation and
distribution
of falsified
claims as
such are
denounced
and
unreservedly
denied.
ਖ਼ਾਲਸਾ ਨਿਊਜ਼ ਦਾ ਇਸ ਬਾਰੇ ਪੂਰਾ ਖੁਲਾਸਾ
ਇਓਂ ਹੈ:
ਜਦੋਂ ਇਹ ਪੋਸਟਰ ਕਿਸੇ ਨੇ ਫੇਸਬੁੱਕ 'ਤੇ ਪਾਇਆ ਤਾਂ ਛੇਤੀ ਹੀ ਇੱਕ ਸੁਹਿਰਦ ਵੀਰ ਨੇ
ਵਾਟਸਅੱਪ 'ਤੇ ਇਹ ਪੋਸਟਰ ਸਾਨੂੰ ਭੇਜਿਆ, ਦੇਖ ਕੇ ਹੈਰਾਨੀ ਅਤੇ ਬਣਾਉਣ ਵਾਲੇ ਦਿਮਾਗੀ
ਦਿਵਾਲੀਏਪਨ ਦਾ ਅਹਿਸਾਸ ਹੋਇਆ।
ਇਸ ਪੋਸਟਰ ਨੂੰ ਦੇਖਕੇ ਸਹਿਜੇ ਹੀ ਪਤਾ ਚਲਦਾ ਹੈ ਕਿ
ਇਹ ਪੋਸਟਰ "ਫੇਕ" ਹੈ।
ਸਭ
ਤੋਂ ਉੱਪਰ ਜਿਹੜੀ ਪੰਕਤੀ ਲਿਖੀ ਗਈ ਹੈ, ਉਸ ਤੋਂ ਹੀ ਇਸ ਪੋਸਟਰ ਦੀ ਹਵਾ ਨਿਕਲ ਜਾਂਦੀ
ਹੈ। ਇਹ ਪੰਕਤੀ ਭਾਈ ਗੁਰਦਾਸ ਦੂਜੇ ਵਲੋਂ ਲਿਖੀ ਗਈ ਹੈ "ਪੀਵਹੁ
ਪਾਹੁਲ ਖੰਡੇਧਾਰ ਹੋਇ ਜਨਮ ਸੁਹੇਲਾ"। ਇਨ੍ਹਾਂ ਪੰਕਤੀਆਂ ਤੋਂ ਅੱਗੇ "ਗੁਰ
ਸਿਮਰ ਮਨਾਈ ਕਾਲਕਾ ਖੰਡੇ ਕੀ ਬੇਲਾ..."
ਬਣਾਉਣ ਵਾਲਾ ਕੋਈ ਨੌਸੀਖੀਆ ਲਗਦਾ ਹੈ, ਜਿਸਨੇ ਐਨਾ ਵੀ ਨਹੀਂ
ਸੋਚਿਆ ਕਿ ਇਸ ਪੰਕਤੀ ਬਾਰੇ ਪ੍ਰੋ. ਦਰਸ਼ਨ ਸਿੰਘ ਜੀ ਦਾ ਸਟੈਂਡ ਕੀ ਹੈ। ਇਸ ਪੂਰੀ ਲਿਖਤ
ਵਿੱਰੁਧ ਤਾਂ ਪ੍ਰੋ. ਸਾਹਿਬ ਅਨੇਕਾਂ ਵਾਰੀ ਹੀ ਵੀਚਾਰਾਂ ਕਰ ਚੁਕੇ ਹਨ। ਇਸੇ 16 ਅਪ੍ਰੈਲ
2014 ਨੂੰ ਪ੍ਰੋ. ਸਾਹਿਬ ਨੇ ਅੰਮ੍ਰਿਤ ਦੇ ਵਿਸ਼ੇ 'ਤੇ ਬੋਲਦਿਆਂ ਇਸ ਪੰਕਤੀ ਦਾ ਵੀ ਜ਼ਿਕਰ
ਕੀਤਾ ਸੀ, ਜੋ ਕਿ ਇਸ ਲਿੰਕ 'ਤੇ ਕਲਿੱਕ ਕਰਕੇ ਪੜ੍ਹੀ ਅਤੇ ਦੇਖੀ ਸੁਣੀ ਜਾ ਸਕਦੀ ਹੈ।
http://www.khalsanews.org/newspics/2014/04%20Apr%2014/16%20Apr%2014/16%20Apr%2014%20PDS%20reg%20Amrit%20on%20Baisakhi.htm
ਜਿਥੇ ਉਨ੍ਹਾਂ ਨੇ
ਗੁਰਮਤਿ ਵੀਚਾਰਾਂ ਦੌਰਾਨ ਕਿਹਾ ਸੀ ਕਿ:
ਇਸ ਅੰਮ੍ਰਿਤ ਦਾ ਨਾਮ ਖੰਡੇ ਦਾ ਅੰਮ੍ਰਿਤ ਗੁਰੂ ਨੇ ਨਹੀਂ ਰੱਖਿਆ,
ਗੁਰੂ ਗੋਬਿੰਦ ਸਿੰਘ ਨੇ ਆਪਣੀ ਕਿਸੇ ਲਿਖਤ 'ਚ ਇਹ ਨਹੀਂ ਲਿਖਿਆ ਕਿ ਇਸ ਦਾ ਨਾਮ ਖੰਡੇ
ਦਾ ਅੰਮ੍ਰਿਤ ਹੈ। ਇਹ ਦੂਜੇ ਭਾਈ ਗੁਰਦਾਸ ਨੇ ਵਰਤਿਆ, ਜਿਨੇ ਕਾਲਕਾ ਦਾ ਲਫ਼ਜ਼ ਵਰਤਿਆ।
"ਗੁਰ ਸਿਮਰ ਮਨਾਈ ਕਾਲਕਾ ਖੰਡੇ ਕੀ ਬੇਲਾ, ਪੀਅਹੁ ਪਾਹੁਲ
ਖੰਡਧਾਰ ਹੋਏ ਜਨਮ ਸੁਹੇਲਾ।", ਦੂਜੇ ਭਾਈ
ਗੁਰਦਾਸ, ਜਿਸਨੂੰ ਮਾਨਤਾ ਨਹੀਂ ਮਿਲ ਰਹੀ, ਜਿਹੜਾ ਕਾਲਕਾ ਦੀ ਉਪਾਸਨਾ ਕਰਦਾ ਰਿਹਾ,
ਗੁਰੂ ਗੋਬਿੰਦ ਸਿੰਘ ਸਾਹਿਬ ਨੂੰ ਕਾਲਕਾ ਦਾ ਪੁਜਾਰੀ ਬਣਾ ਰਿਹਾ ਹੈ, ਉਸਦਾ ਵਰਤਿਆ
ਹੋਇਆ ਲਫ਼ਜ਼ ਹੈ।
ਖੰਡੇ ਦੀ ਮਹੱਤਤਾ ਜ਼ਿਆਦਾ ਕਿਉਂ ਰੱਖੀ, ਕਿਉਂਕਿ ਖੰਡਾ
ਸਥੂਲ ਹੈ, ਗੁਰਬਾਣੀ ਸੂਕਸ਼ਮ ਹੈ। ਖੰਡੇ ਦਾ ਨਾਮ ਰੱਖਿਆ, ਕਿਉਂਕਿ ਮਨੁੱਖ ਨੂੰ ਸਥੂਲ
ਦਾ ਪੁਜਾਰੀ ਬਣਾਉਣਾ ਸੀ, ਇਸ ਲਈ ਸਥੂਲ ਦੇ ਪੁਜਾਰੀ ਨੇ ਅੰਮ੍ਰਿਤ ਦਾ ਨਾਮ ਗੁਰਬਾਣੀ
ਅਨੁਸਾਰ ਨਹੀਂ ਰੱਖਿਆ, ਖੰਡੇ ਦਾ ਅੰਮ੍ਰਿਤ ਰੱਖ ਦਿੱਤਾ।
ਦੂਸਰੀ ਗ਼ਲਤੀ ਪੋਸਟਰ ਬਣਾਉਣ
ਵਾਲੇ ਨੇ ਹੋਰ ਕੀਤੀ ਕਿ ਉਸਨੇ ਅੰਮ੍ਰਿਤ ਸੰਚਾਰ ਦੀ ਤਰੀਕ 11 ਮਈ ਲਿਖੀ।
ਓ ਭਲਿਓ, ਪ੍ਰੋ. ਦਰਸ਼ਨ ਸਿੰਘ ਤਾਂ 29 ਅਪ੍ਰੈਲ 2014 ਦੇ
ਹਸਪਤਾਲ 'ਚ ਹਨ, ਅਤੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਘੱਟੋ ਘੱਟ ਇਕ ਮਹੀਨਾ ਆਰਾਮ ਕਰਨ ਲਈ
ਤਾਕੀਦ ਕੀਤੀ ਹੈ। ਫਿਰ ਅੰਮ੍ਰਿਤ ਸੰਚਾਰ ਕਿਸਨੇ ਕਰਵਾਉਣਾ ਹੈ?
ਫਿਰ ਇਸ ਪੋਸਟਰ 'ਤੇ ਪੰਜਾਬੀ ਦੀਆਂ ਅਨੇਕਾਂ ਹੀ ਗਲਤੀਆਂ ਹਨ,
ਜਿਹੜੀਆਂ ਪ੍ਰੋ. ਦਰਸ਼ਨ ਸਿੰਘ ਵਲੋਂ ਕੀਤੇ ਜਾਰੀ ਪੋਸਟਰ, ਉਹ ਵੀ ਗੁਰੂ ਗ੍ਰੰਥ ਸਾਹਿਬ
ਅਕੈਡਮੀ ਦੇ ਨਾਮ ਹੇਠ 'ਤੇ ਹੋਵੇ, ਨਾਮੁਮਕਿਨ ਹੈ।
ਅਤੇ ਅੰਤ ਵਿੱਚ ਪੋਸਟਰ ਬਣਾਉਣ ਵਾਲੇ ਨੇ ਗੁਰੂ ਗ੍ਰੰਥ ਸਾਹਿਬ ਅਕੈਡਮੀ ਦੀ ਵੈਬ ਸਾਈਟ ਦਾ
ਉਪਰਲਾ ਹਿੱਸਾ ਵੀ ਕਾਪੀ ਕੀਤਾ, ਗਲ ਕਿ ਇਸ ਬਣਾਉਣ ਵਾਲੇ ਬਿਨਾਂ ਕਿਸੇ ਅਕਲਮੰਦੀ ਦੇ, ਕਿਸੇ
ਦੀ ਚੱਕ 'ਚ ਆ ਕੇ, ਆਪਣਾ ਦਿਮਾਗ ਦੀ ਵਰਤੋਂ ਕੀਤੇ ਬਗੈਰ ਇਹ ਕਾਰਾ ਕੀਤਾ, ਜੋ ਕਿ ਬੇਹੱਦ
ਗਿਰਿਆ ਹੋਇਆ ਅਤੇ ਇਖ਼ਲਾਕਹੀਣ ਹੈ।
ਸੋ, ਇਸ ਪੂਰੇ
ਖ਼ੁਲਾਸੇ ਦਾ ਤੱਤ ਹੈ:
ਇਹ ਪੋਸਟਰ ਫੇਕ ਹੈ।
ਓ ਭਲਿਓ, ਜੇ ਕਿਸੇ ਨੂੰ ਪ੍ਰੋ. ਦਰਸ਼ਨ ਖ਼ਾਲਸਾ ਨਾਲ ਕਿਸੇ ਨੂੰ ਕੋਈ ਗਲਤਫਹਮੀ ਹੈ, ਤਾਂ ਜਦੋਂ
ਜਿਸ ਥਾਂ 'ਤੇ ਉਹ ਕੀਰਤਨ ਕਰਣ ਜਾਂਦੇ ਨੇ, ਜਾਂ ਜਿੱਥੇ ਰਹਿੰਦੇ ਨੇ ਆ ਕੇ ਗੱਲ ਕਰੋ, ਇਸ
ਤਰ੍ਹਾਂ ਦੀਆਂ ਸ਼ਰਾਰਤਾਂ ਨਾਲ ਵਖਰਾਅ ਅਤੇ ਦੁਬਿਧਾ ਹੀ ਵੱਧਦੀ, ਨਿਕਲਦਾ ਕੁੱਝ ਨਹੀਂ।
