* ‘ਸਿੰਘ ਰੌਕਸ’ ਦੀ ਸਭਿਅਕ ਗਾਇਕੀ ਨੇ ਰੰਗ ਬੰਨ੍ਹਿਆ
ਗੁਰਮਤਿ ਦੇ ਸੁਨਿਹਰੀ ਸਿਧਾਂਤਾਂ ਨੂੰ ਸਰਲ ਅਤੇ ਸੁਚੱਜੇ ਢੰਗ ਨਾਲ
ਪੇਸ਼ ਕਰਨ ਦੇ ਮਾਹਿਰ ਸਿੱਖ ਵਿਦਵਾਨ ਵੀਰ ਭੁਪਿੰਦਰ ਸਿੰਘ ਜੀ ਯੂ.ਐਸ.ਏ. ਜੋ ਕਿ ਗੁਰਸਿੱਖ
ਫੈਮਲੀ ਕਲੱਬ (ਰਜਿ) ਅਤੇ ਗੁਰਮਤਿ ਪ੍ਰਚਾਰ ਕੌਂਸਲ ਵਲੋਂ ਉਲੀਕੇ ਗੁਰਮਤਿ ਸੈਮੀਨਾਰ ਦੌਰਾਨ
ਸਥਾਨਕ ਅੰਬੈਸੀ ਪੈਲੇਸ, ਫਿਰੋਜ਼ਪੁਰ ਰੋਡ ਵਿਖੇ ਆਪਣੀ ਸਮੁੱਚੀ ਟੀਮ ਨਾਲ ਪਹੁੰਚੇ। ਇਸ
ਸਬੰਧੀ ਜਾਣਕਾਰੀ ਦਿੰਦਿਆਂ ਅਮਨਪ੍ਰੀਤ ਸਿੰਘ – ਡਾਇਰੈਕਟਰ ਗੁਰਸਿੱਖ ਫੈਮਲੀ ਕਲੱਬ ਨੇ
ਦੱਸਿਆ ਕਿ ਇਹ ਸਮਾਗਮ ਗੁਰਮਤਿ ਗਿਆਨ ਮਿਸ਼ਨਰੀ ਕਾਲਜ, ਸਾਹਿਬਜ਼ਾਦਾ ਜੁਝਾਰ ਸਿੰਘ ਗੁਰਮਤਿ
ਮਿਸ਼ਨਰੀ ਕਾਲਜ, ਸਿੰਘ ਰੋਕਸ ਤੇ ਗਲੋਬਲ ਐਜੂਕੇਸ਼ਨ ਟਰੱਸਟ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ।
ਪ੍ਰੋਗਰਾਮ ਦੀ ਆਰੰਭਤਾ ‘ਸਿੰਘ ਰੌਕਸ’ ਦੇ ਵੀਰਾਂ ਦੀ ਸਭਿਅਕ ਗਾਇਕੀ
ਨਾਲ ਹੋਈ। ਇਸ ਮੌਕੇ ਵੀਰ ਭੁਪਿੰਦਰ ਸਿੰਘ ਜੀ ਨੇ ‘ਗੁਰਬਾਣੀ ਅਨੁਸਾਰ ਜੀਵਨ ਜਾਚ’ ਵਿਸ਼ੇ
ਤੇ ਵਿਸਥਾਰ ਪੂਰਵਕ ਵੀਚਾਰਾਂ ਕੀਤੀਆਂ ਤੇ ਗੁਰਮਤਿ ਦੀ ਰੋਸ਼ਨੀ ਵਿਚ ਰੱਬੀ ਗੁਣਾਂ ਦੀ ਸਾਂਝ
ਕਰਕੇ ਜੀਵਨ ਜੁਗਤੀ ਨੁਕਤੇ ਸੰਗਤ ਨਾਲ ਸਾਂਝੇ ਕੀਤੇ। ਭਾਰੀ ਗਿਣਤੀ ਵਿਚ ਦੂਰੋਂ ਨੇਵਿਓਂ
ਪਹੁੰਚੀ ਸੰਗਤ ਨੇ ਜਿਥੇ ਵੀਰ ਜੀ ਨਾਲ ਗੁਰਮਤਿ ਵੀਚਾਰ ਦੀ ਸਾਂਝ ਕੀਤੀ ਉਥੇ ਸੁਆਲ-ਜੁਆਬ
ਰਾਂਹੀ ਗੁਰਮਤਿ ਦੇ ਗਿਆਨ ਵਿਚ ਵਾਧਾ ਕੀਤਾ।
ਸਮਾਗਮ ਦੇ ਅੰਤ ਵਿਚ ਜਗਜੀਤ ਸਿੰਘ, ਅਮਨਪ੍ਰੀਤ ਸਿੰਘ, ਗੁਰਸੇਵਕ
ਸਿੰਘ ਮਦਰੱਸਾ, ਰਾਣਾ ਇੰਦਰਜੀਤ ਸਿੰਘ, ਅਰਵਿੰਦਰ ਸਿੰਘ ਖਾਲਸਾ ਨੇ ਵੀਰ ਭੁਪਿੰਦਰ ਸਿੰਘ
ਜੀ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕੀਤਾ। ਇਹਨਾਂ ਸਮਾਗਮਾਂ ਵਿਚ ਉਚੇਚੇ ਤੌਰ ਤੇ ਪ੍ਰੋ:
ਸੁਵਿੰਦਰ ਸਿੰਘ ਦੇਹਦਰ, ਪ੍ਰੋ: ਮਨਰਾਜ ਕੌਰ, ਹਰਮਿੰਦਰ ਸਿੰਘ, ਪ੍ਰੀਤਮਹਿੰਦਰ ਸਿੰਘ,
ਦਵਿੰਦਰਬੀਰ ਸਿੰਘ, ਮਨਦੀਪ ਸਿੰਘ ਤੇ ਹੋਰ ਮੈਂਬਰ ਤੇ ਅਹੁਦੇਦਾਰ ਸ਼ਾਮਿਲ ਹੋਏ ਤੇ ਵੱਖ ਵੱਖ
ਸੇਵਾਵਾਂ ਨਿਭਾਉਣ ਦੀ ਜਿੰਮੇਵਾਰੀ ਨਿਭਾਈ।