ਅਹਿਮਦਗੜ੍ਹ,
29 ਮਾਰਚ (ਤਲਵਿੰਦਰ ਬੰਟੀ): ਬਾਦਲ ਸਰਕਾਰ ਵਲੋਂ ਪਿਛਲੀਆਂ ਵਿਧਾਨ ਸਭਾ ਚੋਣ ਮੈਨੀਫੈਸਟੋ
ਦੇ ਅਨੁਸਾਰ ਪੰਜਾਬ ਦੇ ਲੋਕਾਂ ਨਾਲ ਪੰਜਾਬ ਦੇ ਵੱਖ-ਵੱਖ ਤਰਾਂ ਦੇ ਵਿਕਾਸ ਕਾਰਜ ਕਰਨ ਦੇ
ਜੋ ਵਾਅਦੇ ਕੀਤੇ ਗਏ ਸਨ, ਉਹਨਾਂ ਤੇ ਹੁਣ ਤੱਕ ਅਮਲ ਨਹੀਂ ਹੋਇਆ।
ਇਹਨਾਂ ਵਾਅਦਿਆਂ ਵਿੱਚ ਪੰਜਾਬ ਅੰਦਰ ਸਭ ਤੋਂ
ਵੱਡੀ ਸਮੱਸਿਆ ਬੇਰੁਜ਼ਗਾਰੀ ਨੂੰ ਖਤਮ ਕਰਨ ਲਈ ਬੇਰੁਜ਼ਗਾਰ ਨੌਜਵਾਨਾਂ ਲਈ 10 ਲੱਖ
ਨਵੀਆਂ ਨੌਕਰੀਆਂ ਅਤੇ ਹਰ ਬੇਰੁਜ਼ਗਾਰ ਨੂੰ 1000 ਪ੍ਰਤੀ ਮਹੀਨਾ ਬੇਰੁਜ਼ਗਾਰੀ ਭੱਤਾ ਦੇਣ ਦੇ
ਵਾਅਦੇ ਤੇ ਹਾਲੇ ਤੱਕ ਅਮਲ ਨਹੀਂ ਹੋਇਆ, ਜਿਸ ਕਾਰਨ ਪੰਜਾਬ ਦੇ ਬੇਰੁਜ਼ਗਾਰ ਨੌਜਵਾਨਾਂ
ਵਿੱਚ ਬਾਦਲ ਸਰਕਾਰ ਪ੍ਰਤੀ ਕਾਫੀ ਰੋਹ ਦੇਖਣ ਨੂੰ ਮਿਲ ਰਿਹਾ ਹੈ।
ਇਸਤੋਂ ਬਾਅਦ ਬਾਦਲ ਸਰਕਾਰ ਵਲੋਂ ਬੁਢਾਪਾ
ਅਤੇ ਵਿਧਵਾ ਪੇਨਸ਼ਨ ਨੂੰ 250 ਰੁਪਏ ਤੋਂ ਵਧਾ ਕੇ 500 ਰੁਪਏ ਪ੍ਰਤੀ ਮਹੀਨਾ ਕਰਨ
ਦਾ ਵਾਅਦਾ ਵੀ ਹਾਲੇ ਤੱਕ ਅਧੂਰਾ ਹੀ ਹੈ।
ਇਸਤੋਂ ਅੱਗੇ ਬਾਦਲ ਸਰਕਾਰ ਵਲੋਂ ਤੀਜਾ
ਵਾਅਦਾ ਗਰੀਬ ਪਰਿਵਾਰਾਂ ਦੀਆਂ ਲੜਕੀਆਂ ਦੇ ਵਿਆਹ ਉੱਤੇ ਦੇਣ ਵਾਲੀ ਸ਼ਗਮ ਸਕੀਮ
ਤਹਿਤ ਦੇਣ ਵਾਲੀ ਰਾਸ਼ੀ ਨੂੰ 11000 ਰੁਪਏ ਤੋਂ ਵਧਾ ਕੇ 31000 ਰੁਪਏ ਕਰਨ ਦੀ ਸ਼ਗਮ ਸਕੀਮ
ਵੀ ਹਾਲੇ ਤੱਕ ਅਧੂਰੀ ਹੀ ਪਈ ਹੈ।
ਬਾਦਲ ਸਰਕਾਰ ਵਲੋਂ ਚੌਥਾ ਵਾਅਦਾ
ਭੂਮੀਹੀਣ ਗਰੀਬਾਂ ਨੂੰ ਮੁਫਤ 5-5 ਮਰਲੇ ਦੇ ਪਲਾਦ ਦੇਣਾ ਸੀ, ਉਹ ਵੀ ਹਾਲੇ ਤੱਕ ਪੂਰਾ ਨਹੀਂ
ਹੋਇਆ।
ਪੰਜਵਾਂ ਵਾਅਦਾ ਗਰੀਬ ਪਰਿਵਾਰਾਂ
ਨੂੰ ਮੁਫਤ ਗੈਸ ਕੁਨੇਕਸ਼ਨ ਦੇਣਾ ਸੀ, ਉਹ ਵੀ ਹਾਲੇ ਤੱਕ ਅਧੂਰਾ ਹੀ ਹੈ।
ਬਾਦਲ ਸਰਕਾਰ ਵਲੋਂ ਪੰਜਾਬ ਦੇ ਲੋਕਾਂ ਨਾਲ
ਛੇਵਾਂ ਵਾਅਦਾ ਚਾਰ ਨਵੇਂ ਥਰਮਲ ਪਲਾਂਟ ਲਗਾ ਕੇ
ਪੰਜਾਬ ਨੂੰ 2015 ਤੱਕ ਪਾਵਰ ਪਲੱਸ ਰਾਜ ਬਨਾਉਣ ਦਾ ਹੈ, ਪਰ ਬਿਜਲੀ ਦੇ ਖਪਤਕਾਰ ਦਿਨ
ਪ੍ਰਤੀ ਦਿਨ ਵੱਧਦੇ ਜਾ ਰਹੇ ਹਨ ਤੇ ਹੁਣ ਤੱਕ ਪਹਿਲੇ ਪੜਾਅ ਦਾ ਕੰਮ ਵੀ ਸ਼ੁਰੂ ਨਹੀਂ ਹੋਇਆ।
ਸੱਤਵਾਂ ਵਾਅਦਾ ਪੰਜਾਬ ਦੇ ਲੋਕਾਂ
ਨੂੰ ਬੱਸਾਂ ਵਿੱਚ ਅਰਾਮਦਾਇਕ ਸਫਰ ਲਈ ਪਨਬੱਸ ਰੋਡਵੇਜ ਅਤੇ ਪੈਪਸੂ ਰੋਡਵੇਜ ਦੀਆਂ ਸਾਰੀਆਂ
ਬੱਸਾਂ ਨੂੰ ਏ.ਸੀ. ਬੇੜੇ'ਚ ਬਦਲਣਾ ਸੀ ਪਰ ਇਹ ਵਾਅਦਾ ਤਾਂ ਕੀ ਪੂਰਾ ਹੋਣਾ ਸੀ, ਸਗੋਂ
ਮੌਜੂਦਾ ਬੱਸਾਂ ਦੀ ਮੁਰੰਮਤ ਵੀ ਹੀ ਨਹੀਂ ਹੋ ਸਕੀ।
ਇਹਨਾਂ ਵਾਅਦਿਆਂ ਤੋਂ ਇਲਾਵਾ ਹੋਰ ਕਈ ਅਜਿਹੇ ਵਾਅਦੇ ਹਨ ਜੋ ਬਾਦਲ
ਸਰਕਾਰ ਨੇ ਪੰਜਾਬ ਦੇ ਲੋਕਾ ਨਾਲ ਕੀਤੇ ਸਨ ਅਤੇ ਉਹ ਹਾਲੇ ਤੱਕ ਪੂਰੇ ਨਹੀਂ ਹੋਏ। ਹੁਣ
ਦੇਖਣਾ ਇਹ ਹੈ ਕਿ ਅਗਾਮੀ ਲੋਕ ਸਭਾ ਚੋਣਾਂ ਦੌਰਾਨ ਬਾਦਲ ਸਰਕਾਰ ਵਲੋਂ ਕਿਹੜੇ-ਕਿਹੜੇ ਨਵੇਂ
ਚੋਣ ਮੈਨੀਫੈਸਟੋ ਜਾਰੀ ਕੀਤੇ ਜਾਂਦੇ ਹਨ।