* ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ ਵਲੋਂ ਲਿਖੀ
ਨਵੀਂ ਪੁਸਤਕ "ਬੋਲਹਿ
ਸਾਚੁ"
ਵੀ ਰੀਲੀਜ਼ ਕੀਤੀ ਗਈ
* 9 ਮਾਰਚ 2014 ਨੂੰ ਪ੍ਰੋ. ਦਰਸ਼ਨ ਸਿੰਘ ਜੀ ਜਿਨੇਵਾ (ਸਵਿਟਜ਼ਰਲੈਂਡ)
ਵਿਖੇ ਹੋਣ ਵਾਲੇ ਗੁਰਮਤਿ ਸਮਾਗਮ 'ਚ ਗੁਰਮਤਿ ਵੀਚਾਰ ਸਾਂਝੇ ਕਰਣਗੇ
08 ਮਾਰਚ 2014 : ਅਖੌਤੀ ਜਥੇਦਾਰ ਦੇ ਕੂੜਨਾਮੇ ਦੀ ਪ੍ਰਵਾਹ ਕੀਤੇ
ਬਗੈਰ ਸਿੱਖ ਸੰਗਤਾਂ ਨੇ ਭਾਰਤ ਦੇ ਵੱਖ ਵੱਖ ਸ਼ਹਿਰਾਂ 'ਚ ਸਿੱਖ ਸੰਗਤਾਂ ਨੇ ਪ੍ਰੋ. ਦਰਸ਼ਨ
ਸਿੰਘ ਖ਼ਾਲਸਾ ਕੋਲੋਂ ਗੁਰਮਤਿ ਵੀਚਾਰਾਂ ਸਰਵਣ ਕੀਤੀਆਂ। ਇਸੇ ਲੜੀ ਵਿੱਚ ਪ੍ਰੋ. ਦਰਸ਼ਨ
ਸਿੰਘ ਅੱਜ ਜਰਮਨੀ ਦੇ ਸ਼ਹਿਰ
ਸਟੁਟਗਾਰਡ ਦੇ ਗੁਰਦੁਆਰਾ ਨਾਨਕ ਨੀਵਾਂ
Erligheimer Str 16, 70437 Sttutgart ਵਿਖੇ ਪਹੁੰਚੇ, ਜਿੱਥੇ
ਉਹਨਾਂ ਨੇ ਸੰਗਤਾਂ ਨੂੰ ਅਜ਼ੋਕੇ ਹਾਲਤਾਂ ਤੋਂ ਜਾਣੂ ਕਰਵਾਇਆ ਅਤੇ ਕੀਰਤਨ ਅਤੇ ਗੁਰਮਤਿ
ਵੀਚਾਰਾਂ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕੀਤਾ! ਬਹੁੱਤ ਹੀ ਜਲਦੀ ਨਾਲ ਬਣੇ ਪ੍ਰੋਗਰਾਮ ਹੋਣ
ਕਾਰਨ ਜਿਆਦਾ ਸੰਗਤ ਨੂੰ ਪਤਾ ਨਾ ਲੱਗ ਸਕਿਆ, ਪਰ ਫਿਰ ਵੀ ਜਰਮਨ ਦੇ ਪ੍ਰਮੁੱਖ ਸ਼ਹਿਰਾਂ
'ਚੋਂ ਸੰਗਤਾਂ ਨੇ ਸ਼ਿਰਕਤ ਕੀਤੀ ! ਜਿਸ ਵਿੱਚ ਕੁਝ ਸੰਗਤਾਂ 500 ਤੋਂ 800 ਕਿਲੋਮੀਟਰ ਦਾ
ਸਫਰ ਤੈਅ ਕਰਕੇ ਵੀ ਪਹੁੰਚੀਆਂ ਹੋਈਆਂ ਸਨ !
ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ
ਪ੍ਰਧਾਨ ਸ. ਅਵਤਾਰ ਸਿੰਘ ਪੰਧੇਰ, ਸ. ਗੁਰਦੀਪ ਸਿੰਘ ਪਰਦੇਸੀ, ਸ. ਨਿਰਮਲ ਸਿੰਘ ਹੰਸਪਾਲ,
ਸ. ਗੁਰਚਰਨ ਸਿੰਘ ਗੁਰਾਇਆ, ਸ. ਤਰਸੇਮ ਸਿੰਘ, ਸ. ਰਣਜੀਤ ਸਿੰਘ ਦੂਲੇ (ਤਾਇਆ), ਸ.
ਮਲਕੀਤ ਸਿੰਘ, ਸ. ਨਰਿੰਦਰ ਸਿੰਘ ਘੋਤਰਾ ਆਦਿ ਨੇ ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ ਦਾ ਸਨਮਾਨ
ਕੀਤਾ।
ਇਸੇ ਸਮਾਗਮ 'ਚ ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ ਵਲੋਂ ਲਿਖੀ ਨਵੀਂ ਪੁਸਤਕ "ਬੋਲਹਿ
ਸਾਚੁ" ਵੀ ਰੀਲੀਜ਼ ਕੀਤੀ ਗਈ, ਜਿਸ ਵਿੱਚ ਉਨ੍ਹਾਂ ਨੇ ਆਪਣੇ ਜੀਵਨ ਕਾਲ 'ਚ
ਬੀਤੀਆਂ ਅਹਿਮ ਘਟਨਾਵਾਂ ਦਾ ਜ਼ਿਕਰ ਬਾਖੂਬੀ ਕੀਤਾ ਹੈ।
ਥੋੜੇ ਸਮੇਂ 'ਚ ਉਲੀਕੇ ਇਸ ਸਮਾਗਮ ਦਾ ਸਿਹਰਾ ਸ. ਅਮਰਜੀਤ ਸਿੰਘ ਜੀ ਨੂੰ ਜਾਂਦਾ ਹੈ।
ਸੰਗਤਾਂ ਦੀ ਭਾਰੀ ਮੰਗ ਨੂੰ ਮੁੱਖ ਰੱਖਦੇ ਹੋਏ ਹੋਰ ਵੀ ਸਮਾਗਮ ਉਲੀਕੇ ਜਾਣਗੇ। 9 ਮਾਰਚ
2014 ਨੂੰ ਪ੍ਰੋ. ਦਰਸ਼ਨ ਸਿੰਘ ਜੀ ਜਿਨੇਵਾ (ਸਵਿਟਜ਼ਰਲੈਂਡ) ਵਿਖੇ ਹੋਣ ਵਾਲੇ ਗੁਰਮਤਿ
ਸਮਾਗਮ 'ਚ ਗੁਰਮਤਿ ਵੀਚਾਰ ਸਾਂਝੇ ਕਰਣਗੇ। ਇਸ ਉਪਰੰਤ 10 ਮਾਰਚ ਨੂੰ ਉਹ ਵਾਪਸ ਕੈਨੇਡਾ
ਪਹੁੰਚ ਜਾਣਗੇ।
