ਗੁਰਬਖਸ਼
ਸਿੰਘ ਖਾਲਸਾ ਦੇ ਅੰਦੋਲਨ ਨੂੰ ਚਲਾ ਰਹੇ ਐਡਵੋਕੇਟ ਹਰਪਾਲ
ਸਿੰਘ ਚੀਮਾ, ਦਲ ਖਾਲਸਾ ਦੇ ਸਤਨਾਮ ਸਿੰਘ ਪਾਉਂਟਾ ਸਾਹਿਬ, ਅਖੰਡ ਕੀਰਤਨੀ ਜਥੇ ਦੇ ਭਾਈ
ਆਰ. ਪੀ. ਸਿੰਘ, ਬੀਬੀ ਕੁਲਬੀਰ ਕੌਰ ਧਾਮੀ, ਬੀਬੀ ਕਸ਼ਮੀਰ ਕੌਰ ਨੇ ਜਥੇਦਾਰ ਸ੍ਰੀ
ਅਕਾਲ ਤਖਤ ਸਾਹਿਬ ਨੂੰ ਇਕ ਪੱਤਰ ਦੇ ਕੇ ਇਸ ਪੂਰੇ ਅੰਦੋਲਨ ਦੇ ਸਾਰੇ ਅਧਿਕਾਰ ਭਾਈ ਖਾਲਸਾ
ਨੂੰ ਦੇਣ ਦਾ ਐਲਾਨ ਕੀਤਾ। ਇਸ ਪੱਤਰ ਨੂੰ ਪੜ੍ਹਨ ਤੋਂ ਇਨ੍ਹਾਂ ਕਮੇਟੀ ਮੈਂਬਰਾਂ ਦੀ ਖਾਲਸਾ
ਨਾਲ ਨਾਰਾਜ਼ਗੀ ਸਾਫ਼ ਦਿਖਾਈ ਦਿੰਦੀ ਹੈ, ਕਿਉਂਕਿ ਖਾਲਸਾ ਅਜੇ ਗੁਰਦੁਆਰਾ ਅੰਬ ਸਾਹਿਬ ਵਿਚ
ਹੀ ਮੌਜੂਦ ਸਨ ਅਤੇ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰ ਰਹੇ ਸਨ, ਪਰ ਇਨ੍ਹਾਂ ਵਿਚੋਂ
ਜ਼ਿਆਦਾਤਰ ਕਮੇਟੀ ਮੈਂਬਰ ਗੁਰਦੁਆਰਾ ਅੰਬ ਸਾਹਿਬ ਕੰਪਲੈਕਸ ਛੱਡ ਕੇ ਜਾ ਚੁੱਕੇ ਸਨ।
ਇਸ ਸੰਬੰਧ ਵਿਚ ਜਦੋਂ ਐਡਵੋਕੇਟ ਹਰਪਾਲ ਸਿੰਘ ਚੀਮਾ ਨਾਲ ਗੱਲ ਕੀਤੀ
ਗਈ ਤਾਂ ਉਨ੍ਹਾਂ ਨੇ ਕਿਹਾ ਕਿ ਉਹ ਸਾਰੇ ਉਨ੍ਹਾਂ ਜਥੇਬੰਦੀਆਂ ਤੇ ਮੀਡੀਆ ਦੇ ਲੋਕਾਂ ਦਾ
ਧੰਨਵਾਦ ਕਰਦੇ ਹਨ, ਜਿਨ੍ਹਾਂ ਨੇ ਇਸ ਅੰਦੋਲਨ ਨੂੰ ਚਲਾਉਣ ਲਈ ਸਹਿਯੋਗ ਕੀਤਾ, ਪਰ ਇਹ
ਖਾਲਸਾ ਦਾ ਅੰਦੋਲਨ ਸੀ ਅਤੇ ਖਾਲਸਾ ਨੇ ਹੀ ਇਸ ਅੰਦੋਲਨ ਲਈ ਅਰਦਾਸ ਕੀਤੀ ਸੀ ਅਤੇ ਖਾਲਸਾ
ਨੂੰ ਹੀ ਇਸ ਅੰਦੋਲਨ ਬਾਰੇ ਆਖਰੀ ਫੈਸਲਾ ਲੈਣ ਦਾ ਅਧਿਕਾਰ ਹੈ।
ਉਨ੍ਹਾਂ ਕਿਹਾ ਕਿ ਮੈਨੂੰ ਕੁਝ ਜ਼ਰੂਰੀ ਕੰਮ ਸੀ, ਜਿਸ ਕਾਰਨ ਉਹ ਉਥੋਂ
ਚਲੇ ਗਏ। ਜਥੇਦਾਰ ਅਕਾਲ ਤਖਤ ਨੇ ਅਰਦਾਸ ਦੀ ਮਰਿਆਦਾ ਦਾ ਕੀਤਾ ਸਿਆਸੀਕਰਨ : ਧਾਮੀ,
ਕਿਸ਼ਨਪੁਰਾ : ਇਸ ਸੰਬੰਧ ਵਿਚ ਜਾਰੀ ਇਕ ਪ੍ਰੈੱਸ ਬਿਆਨ ਵਿਚ ਅਕਾਲ ਫੈਡਰੇਸ਼ਨ ਦੇ ਸਰਪ੍ਰਸਤ
ਕੰਵਰ ਸਿੰਘ ਧਾਮੀ ਤੇ ਆਲ ਇੰਡੀਆ ਸਿੱਖ ਸਟੂਡੈਂਟ ਫੈਡਰੇਸ਼ਨ ਦੇ ਸਾਬਕਾ ਜਨਰਲ ਸਕੱਤਰ ਤੇ
ਪੰਥਕ ਆਗੂ ਭਾਈ ਸੁਰਿੰਦਰ ਸਿੰਘ ਕਿਸ਼ਨਪੁਰਾ ਨੇ ਸਪੱਸ਼ਟ ਸ਼ਬਦਾਂ ਵਿਚ ਕਿਹਾ ਕਿ ਜਥੇਦਾਰ
ਅਕਾਲ ਤਖਤ ਨੇ ਸਰਕਾਰ ਦੇ ਹੁਕਮਾਂ ਕਾਰਨ ਅਰਦਾਸ ਦੀ ਮਰਿਆਦਾ ਦਾ ਸਿਆਸੀਕਰਨ ਕੀਤਾ ਹੈ,
ਜਿਸ ਨੂੰ ਸਿੱਖ ਕੌਮ ਕਦੇ ਵੀ ਭੁਲਾ ਨਹੀਂ ਸਕੇਗੀ।
ਇਸ ਅਤਿ ਅਹਿਮ ਮਾਮਲੇ ਵਿਚ ਜਦੋਂ ਗੁਰਬਖਸ਼ ਸਿੰਘ ਖਾਲਸਾ ਦਾ ਅੰਦੋਲਨ
ਸਿਖਰ 'ਤੇ ਸੀ, ਜਥੇਦਾਰ ਨੇ ਸਿੱਖ ਸਿਧਾਂਤ ਦੀ ਗੱਲ ਕਰਨ ਦੀ ਬਜਾਏ ਬਾਦਲ ਦਾ ਹੁਕਮ ਬਜਾਇਆ
ਹੈ, ਜੋ ਕਿ ਅਤਿ ਨਿੰਦਣਯੋਗ ਹੈ। ਜਥੇਦਾਰਾਂ ਨੇ ਸਿੱਖ ਕੌਮ ਦੇ ਹੀਰੋ ਨੂੰ ਜ਼ੀਰੋ ਬਣਾਉਣ
ਦੀ ਕੋਸ਼ਿਸ਼ ਕੀਤੀ ਹੈ ਅਦੇ ਸਿੱਖ ਕੌਮ ਨੂੰ ਇਸ ਮਾਮਲੇ ਵਿਚ ਭੰਬਲਭੂਸੇ ਦੀ ਸਥਿਤੀ ਵਿਚ ਪਾ
ਦਿੱਤਾ ਹੈ।
ਭਾਈ ਧਾਮੀ ਤੇ ਭਾਈ ਕਿਸ਼ਨਪੁਰਾ ਨੇ ਕਿਹਾ ਕਿ ਇਹ ਸਾਰੀ ਸੋਚੀ ਸਮਝੀ
ਸਾਜ਼ਿਸ਼ ਤਹਿਤ ਹੋਇਆ ਹੈ। ਧਾਮੀ ਤੇ ਕਿਸ਼ਨਪੁਰਾ ਨੇ ਕਿਹਾ ਕਿ ਅਰਦਾਸ ਦੀ ਮਹੱਤਤਾ ਨੂੰ ਕਦੇ
ਵੀ ਘਟਾ ਕੇ ਨਹੀਂ ਦੇਖਣਾ ਚਾਹੀਦਾ। ਭਾਈ ਸੁੱਖਾ ਸਿੰਘ ਤੇ ਭਾਈ ਮਹਿਤਾਬ ਸਿੰਘ, ਸ਼ਹੀਦ
ਬੇਅੰਤ ਸਿੰਘ, ਸਤਵੰਤ ਸਿੰਘ, ਕੇਹਰ ਸਿੰਘ, ਹਰਜਿੰਦਰ ਸਿੰਘ ਜ਼ਿੰਦਾ ਤੇ ਸੁਖਦੇਵ ਸਿੰਘ
ਸੁੱਖਾ ਨੇ ਅਰਦਾਸ ਦੀ ਮਹੱਤਤਾ ਨੂੰ ਸਮਝਿਆ ਤੇ ਉਸ 'ਤੇ ਪਹਿਰਾ ਦਿੰਦੇ ਵੇਲੇ ਆਪਣੇ ਪ੍ਰਾਣਾਂ
ਦੀ ਪਰਵਾਹ ਨਹੀਂ ਕੀਤੀ।