ਅੰਮ੍ਰਿਤਸਰ 23 ਦਸੰਬਰ (ਜਸਬੀਰ ਸਿੰਘ) ਸਿੱਖ ਬੰਦੀਆ ਦੀ ਰਿਹਾਈ
ਨੂੰ ਲੈ ਕੇ ਪਿਛਲੇ ਕਰੀਬ 39 ਦਿਨਾਂ ਤੋ ਭੁੱਖ ਹੜਤਾਲ ਤੇ ਬੈਠੇ ਭਾਈ ਗੁਰਬਖਸ਼ ਸਿੰਘ ਦੀ
ਵਿਗੜ ਰਹੀ ਸਿਹਤ ਤੇ ਗਹਿਰੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆ ਗਿਆਨੀ ਗੁਰਬਚਨ ਸਿੰਘ ਨੇ ਪੰਜ
ਜਥੇਦਾਰ ਦੀ ਇੱਕ ਹੰਗਾਮੀ ਤੇ ਸੰਕਟਮਈ ਮੀਟਿੰਗ ਬੁਲਾ ਲਈ ਹੈ, ਜਿਹੜੀ ਭਲਕੇ 24 ਦਸੰਬਰ
ਨੂੰ ਸ੍ਰੀ ਅਕਾਲ ਤਖਤ ਦੇ ਸਕੱਤਰੇਤ ਵਿਖੇ ਹੋਵੇਗੀ ਤੇ ਭਾਈ ਗੁਰਬਖਸ਼ ਸਿੰਘ ਬਾਰੇ ਅਹਿਮ
ਫੈਸਲਾ ਲਿਆ ਜਾਵੇਗਾ।
ਗਿਆਨੀ
ਗੁਰਬਚਨ ਸਿੰਘ ਦੇ ਨਿੱਜੀ ਸਹਾਇਕ ਭਾਈ ਜਸਵਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਉਹਨਾਂ ਨੂੰ
ਸੂਚਨਾ ਮਿਲੀ ਹੈ, ਕਿ ਭਾਈ ਗੁਰਬਖਸ਼ ਸਿੰਘ ਦੀ ਸਿਹਤ ਕਾਫੀ ਚਿੰਤਾਜਨਕ ਬਣੀ ਹੋਈ ਹੈ ਅਤੇ
ਉਹਨਾਂ ਨੂੰ ਨਮੂਨੀਆ ਹੋਣ ਦਾ ਖਦਸ਼ਾ ਪ੍ਰਗਟ ਕੀਤਾ ਜਾ ਰਿਹਾ ਹੈ, ਜੋ ਚਿੰਤਾ ਦਾ ਵਿਸ਼ਾ ਹੈ।
ਉਹਨਾਂ ਦੱਸਿਆ ਕਿ ਜਥੇਦਾਰ ਅਕਾਲ ਤਖਤ ਗਿਆਨੀ ਗੁਰਬਚਨ ਸਿੰਘ ਨੇ
ਭਾਈ ਗੁਰਬਖਸ਼ ਸਿੰਘ ਦੀ ਸਿਹਤ ਤੇ ਗਹਿਰੀ ਚਿੰਤਾ ਦਾ ਪ੍ਰਗਟਾ ਕਰਦਿਆ ਕਿਹਾ ਕਿ ਉਹਨਾਂ ਨੂੰ
ਤੁਰੰਤ ਡਾਕਟਰੀ ਸਹਾਇਤਾ ਦਿੱਤੀ ਜਾਣੀ ਚਾਹੀਦੀ ਹੈ ਅਤੇ ਅਜਿਹੇ ਜੁਝਾਰੂ ਸਿੰਘਾਂ ਦੀ ਸਿੱਖ
ਕੌਮ ਨੂੰ ਬਹੁਤ ਲੋੜ ਹੈ।
ਉਹਨਾਂ ਕਿਹਾ ਕਿ ਭਾਈ ਗੁਰਬਖਸ਼ ਸਿੰਘ ਨੂੰ ਬਚਾਉਣਾ ਬਹੁਤ ਜਰੂਰੀ ਹੈ
ਅਤੇ ਬੰਦੀ ਸਿੱਖਾਂ ਨੂੰ ਹਦਾਇਤ ਕੀਤੀ ਜਾਂਦੀ ਹੈ ਉਹ ਵੀ ਸਰਕਾਰ ਵੱਲੋ ਦਿੱਤੀ ਗਈ ਪੈਰੋਲ
ਤੇ ਬਾਹਰ ਆ ਕੇ ਭਾਈ ਸਾਹਿਬ ਦੀ ਭੁੱਖ ਹੜਤਾਲ ਖਤਮ ਕਰਾਉਣ। ਉਹਨਾਂ ਦੱਸਿਆ ਕਿ ਭਲਕੇ 10
ਵਜੇ ਸ੍ਰੀ ਅਕਾਲ ਤਖਤ ਦੇ ਆਦੇਸ਼ਾਂ ਬਾਰੇ ਪ੍ਰੈਸ ਨੂੰ ਜਾਣਕਾਰੀ ਦਿੱਤੀ ਜਾਵੇਗੀ।
ਉਹਨਾਂ ਕਿਹਾ ਕਿ 26 ਦਸੰਬਰ ਨੂੰ ਹੋਣ ਵਾਲੀ ਪੰਜ ਸਿੰਘ ਸਾਹਿਬਾਨ
ਦੀ ਮੀਟਿੰਗ ਪਹਿਲੇ ਨਿਰਧਾਰਤ ਪ੍ਰੋਗਰਾਮ ਅਨੁਸਾਰ ਹੀ ਹੋਵੇਗੀ।
ਟਿਪਣੀ:
ਇਨ੍ਹਾਂ ਰਖੈਲਾਂ ਨੂੰ ਬਾਦਲ ਦੀਆਂ ਜੁੱਤੀਆਂ ਝਾੜਨ ਤੋਂ ਵਿਹਲ ਮਿਲ ਗਈ? ਫਿਰ ਕਿਹੜਾ ਇਨ੍ਹਾਂ
ਨੇ ਕੋਈ ਚੰਨ ਚਾੜ ਦੇਣਾ ਹੈ!!! - ਸੰਪਾਦਕ ਖ਼ਾਲਸਾ ਨਿਊਜ਼