ਭਾਈ
ਲਾਲ ਸਿੰਘ ਜੀ ਦੇ ਪੈਰੋਲ 'ਤੇ ਬਾਹਰ ਆਉਣ ਦੀ ਸਮੂਚੀ ਕੌਮ ਨੂੰ ਲੱਖ ਲੱਖ ਵਧਾਈ ਹੋਵੇ।
ਪੈਰੋਲ ਕੁੱਝ ਦੇਰ ਲਈ ਹੀ ਸੀਮਤ ਹੁੰਦੀ ਹੈ, ਇਸ ਨੂੰ ਰਿਹਾਈ ਨਹੀਂ ਕਿਹਾ ਜਾ ਸਕਦਾ। ਭਾਈ
ਸਾਹਿਬ ਭਾਈ ਗੁਰਬਖਸ਼ ਸਿੰਘ ਜੀ ਦੇ ਉਹ ਬੋਲ ਅੱਜ ਵੀ ਦਾਸ ਦੇ
ਕੰਨਾਂ ਵਿੱਚ ਗੂੰਜਦੇ ਹਨ,
ਜਿਨ੍ਹਾਂ ਨੂੰ ਸੁਣ ਦਾਸ ਦੌੜਿਆ ਗਿਆ ਸੀ ਭਾਈ ਸਾਹਿਬ ਨੂੰ ਮਿਲਣ, ਕਿ "ਜਾਂ
ਸਿੰਘ ਰਿਹਾ ਹੋਣਗੇ, ਜਾਂ ਭਾਣਾ ਵਰਤੇਗਾ"।
ਇਹ ਛੇ ਸਿੰਘਾਂ ਦੀ ਗੱਲ ਮੁੱਖ ਤੌਰ 'ਤੇ ਕੀਤੀ
ਜਾਂਦੀ ਹੈ:
- ਭਾਈ ਲਖਵਿੰਦਰ
ਸਿੰਘ (ਲੱਖਾ), ਭਾਈ ਸ਼ਮਸ਼ੇਰ ਸਿੰਘ, ਭਾਈ ਗੁਰਮੀਤ ਸਿੰਘ, ਭਾਈ ਲਾਲ ਸਿੰਘ, ਭਾਈ ਵਰਿਆਮ
ਸਿੰਘ ਅਤੇ ਭਾਈ ਗੁਰਦੀਪ ਸਿੰਘ ਖਹਿਰਾ
ਇਹਨਾ ਛੇ ਸਿੰਘਾਂ ਵਿੱਚੋਂ ਭਾਈ ਲਾਲ ਸਿੰਘ ਜੀ
ਕੱਲ ਪੈਰੋਲ ਤੇ ਬਾਹਰ ਆ ਗਏ ਹਨ। ਬੁੜੈਲ ਜੇਲ ਵਾਲੇ ਸਿੰਘ ਵੀ ਜਲਦ ਪੈਰੋਲ 'ਤੇ ਬਾਹਰ ਆ
ਜਾਣਗੇ। ਜੇ ਭਾਈ ਸਾਹਿਬ ਪੈਰੋਲ 'ਤੇ ਸਿੰਘ ਬਾਹਰ ਆਉਣ ਤੋਂ ਬਾਅਦ ਭੁੱਖ ਹੜਤਾਲ ਖਤਮ ਕਰਦੇ
ਹਨ, ਤਾਂ ਫਿਰ ਸਿੰਘਾਂ ਦੀ ਰਿਹਾਈ ਵਾਲੀ ਗੱਲ ਵਿਚਾਰਨ ਯੋਗ ਹੈ।
ਇਸ ਮੋਰਚੇ ਨੂੰ ਕਿਸ ਰੂਪ ਵਿੱਚ ਜਾਰੀ ਰਖਿਆ
ਜਾਵੇਗਾ, ਇਸ ਗੱਲ ਵਲ ਧਿਆਨ ਦੇਣ ਦੀ ਲੋੜ ਹੈ।
ਛੇ ਸਿੰਘਾਂ ਦੀ ਰਿਹਾਈ ਹੋਣੀ ਚਾਹੀਦੀ ਹੈ,
ਨਾ ਕਿ ਪੈਰੋਲ 'ਤੇ ਬਾਹਰ ਆਉਣ ਦੀ ਗੱਲ ਹੈ।
ਹੁਣ ਵਿਚਾਰਨ ਯੋਗ ਗੱਲ ਤਾਂ ਇਹ ਹੈ, ਕਿ ਸਿੰਘਾਂ
ਦੀ ਰਿਹਾਈ ਲਈ ਇਹ ਮੋਰਚਾ ਕਿਸ ਰੂਪ ਵਿੱਚ 'ਤੇ ਕਿਵੇਂ ਜਾਰੀ ਰਹੇਗਾ? ਭਾਈ ਗੁਰਬਖਸ਼ ਸਿੰਘ
ਜੀ ਨੂੰ, ਤੇ ਉੱਥੇ ਦੀ ਪ੍ਰਬੰਧਕ ਕਮੇਟੀ ਨੂੰ ਕੁੱਝ ਅਜਿਹਾ ਰਸਤਾ ਲਭਣਾ ਚਾਹੀਦਾ ਹੈ, ਜਿਸ
ਨਾਲ ਮੋਰਚਾ ਸਿੰਘਾਂ ਦੀ ਰਿਹਾਈ ਤੱਕ ਜਾਰੀ ਰਹੇ।
ਟਿਪੱਣੀ:
ਭਾਈ ਦਮਨਦੀਪ ਸਿੰਘ ਨੇ ਵਾਕਈ ਸੌ ਆਨੇ ਸੱਚ
ਕਿਹਾ ਹੈ। ਸਾਨੂੰ ਪੱਕੀ ਰਿਹਾਈ ਦੀ ਗੱਲ ਕਰਨੀ ਚਾਹੀਦੀ ਹੈ, ਨਾ ਕਿ ਪੈਰੋਲ ਦੀ। ਛੇ
ਬੰਦੀ ਸਿੰਘਾਂ ਵਿੱਚੋਂ ਚਾਰ ਰਿਹਾਅ ਨਹੀਂ ਹੋ ਰਹੇ,
ਸਾਰੇ ਹੀ ਪੈਰੋਲ 'ਤੇ ਬਾਹਰ ਆ ਰਹੇ ਨੇ, ਤੇ ਪੈਰੋਲ ਕੋਈ
ਪੱਕੀ ਰਿਹਾਈ ਨਹੀਂ ਹੁੰਦੀ।
ਪੈਰੋਲ,
ਸ਼ਰਤਾਂ ਅਧੀਨ ਰਿਹਾਈ ਹੈ, ਜਿਸ ਵਿੱਚ ਕੈਦੀ ਨੂੰ ਪੂਰੀ ਕੈਦ ਖਤਮ ਕਰਨ ਤੋਂ ਪਹਿਲਾਂ,
ਨੂੰ ਕੁੱਝ ਸ਼ਰਤਾਂ ਦੇ ਅਧੀਨ ਛੱਡਿਆ ਜਾਂਦਾ ਹੈ। ਇਹ ਸ਼ਰਤਾਂ ਦਾ ਆਧਾਰ ਕਾਨੂੰਨ
ਮੁਤਾਬਿਕ ਕੁੱਝ ਵੀ ਹੋ ਸਕਦਾ ਹੈ, ਤੇ ਇਹ ਸ਼ਰਤਾਂ ਮੰਨਣ 'ਤੇ ਹੀ ਛੱਡਿਆ ਜਾਂਦਾ ਹੈ।
Parole is the
provisional release of a prisoner who agrees to certain
conditions, prior to the completion of the maximum sentence period.
Originating from the French parole ("voice", "spoken words"), the
term became associated during the Middle Ages with the release of
prisoners, who gave their word.
ਜੋ ਭਾਰਤੀ ਨਿਆਂ ਦੀ ਹਾਲਤ ਹੈ, ਉਹ ਕਿਸੇ
ਤੋਂ ਛੁਪੀ ਨਹੀਂ, ਉਹ ਸਿੱਖਾਂ ਲਈ ਹੋਰ ਅਤੇ ਬਹੁਮਤ ਲਈ ਹੋਰ ਹੈ। ਇਹ ਛੁਣਾਛੁਣਾ ਫੜਾਇਆ ਜਾ ਰਿਹਾ ਹੈ, ਤਾਂ ਕਿ ਇਹ
ਸੰਘਰਸ਼ ਖਤਮ ਕੀਤਾ ਜਾ ਸਕੇ। ਇਹ ਨਾਲਾਇਕੀ ਹੈ ਭਾਈ ਗੁਰਬਖਸ਼ ਸਿੰਘ ਦੇ ਚੌਗਿਰਦੇ ਬੈਠੇ
ਲੋਕਾਂ ਦੀ ਅਤੇ ਸੰਘਰਸ਼ ਕਮੇਟੀ ਦੀ, ਜਿਹੜੇ ਪੈਰੋਲ ਤੱਕ ਹੀ ਖੁਸ਼ ਹੋ ਕੇ ਕੱਛਾਂ ਵਜਾਉਣ ਲੱਗ ਪਏ
ਨੇ। ਇਹੀ ਤਾਂ ਚਾਲ ਹੈ ਕਿ ਪੈਰੋਲ 'ਤੇ ਬਾਹਰ ਕੱਢ ਦਿਓ, ਲੋਕਾਂ ਨੇ ਸਮਝਣਾ ਹੈ ਸਿੰਘ
ਛੱਡ ਦਿੱਤੇ, ਭੁੱਖ ਹੜਤਾਲ ਵੀ ਸਮਾਪਤ, ਤੇ ਖੱਟਿਆ ਵੀ ਕੁੱਝ ਨਹੀਂ। ਜੇ ਭਾਈ ਸਾਹਿਬ
ਨੂੰ ਬਚਾ ਵੀ ਲਿਆ, ਤੇ ਕੰਮ ਵੀ ਸਿਰੇ ਨਾ ਚੜਿਆ, ਤਾਂ ਇੰਨੇ ਦਿਨਾਂ ਦਾ ਸੰਘਰਸ਼ ਦਾ
ਕੀ ਲਾਭ? ਬੰਦੀ ਸਿੰਘਾਂ ਦੀ ਪੱਕੀ ਰਿਹਾਈ ਤੋਂ ਥੱਲੇ,
ਕੁੱਝ ਵੀ ਮਨਜ਼ੂਰ ਨਹੀਂ ਹੋਣਾ ਚਾਹੀਦਾ।
ਸੰਪਾਦਕ ਖ਼ਾਲਸਾ ਨਿਊਜ਼
