ਬੀਬੀ ਜੀ, ਹਾਲੇ ਵੀ ਤੁਹਾਨੂੰ ਆਸ ਹੈ, ਕਿ ਇਹ ਟੁੱਕੜਬੋਚ ਕੋਈ
ਅਕਲ ਵਾਲਾ ਕੰਮ ਕਰੇਗਾ? ਜਿਸ ਨੇ ਤੁਹਾਡਾ ਅਨਸ਼ਨ ਵੀ ਰੋਲ਼ ਕੇ ਰੱਖ ਦਿੱਤਾ ਸੀ, ਉਸ
ਕੋਲੋਂ ਆਸਾਂ ਕਿ ਉਹ ਕਿਰਪਾਨ ਕੱਢ ਕੇ ਕੌਮ ਦੀ ਅਗਵਾਈ ਕਰੇਗਾ, ਹੈਰਾਨੀ ਹੈ!!! ਇਨ੍ਹਾਂ
ਦੇ ਕਾਰਜਕਾਲ 'ਚ ਸਿੱਖ ਕੌਮ ਦਾ ਜਿਨਾਂ ਨੁਕਸਾਨ ਹੋਇਆ ਹੈ, ਉਸ ਸ਼ਾਇਦ ਮੁਗਲ ਕਾਲ
ਦੌਰਾਨ ਵੀ ਨਾ ਹੋਇਆ ਹੋਵੇ...
ਜਿਸ
ਤਰ੍ਹਾਂ ਤੁਹਾਡੇ ਨਾਲ ਧੋਖਾ ਕੀਤਾ ਗਿਆ ਸੀ, ਭਾਈ ਗੁਰਬਖਸ਼ ਸਿੰਘ ਦੇ ਸਿਰ ਦੀ ਬੋਲੀ
ਲੱਗ ਚੁਕੀ ਹੈ, ਉਨ੍ਹਾਂ ਨਾਲ ਚੌਵੀ ਘੰਟੇ ਨਿਰੰਤਰ ਦਿੱਖਣ ਵਾਲੇ ਬੰਦੇ ਹੀ ਹਰ ਪਲ ਦੀ
ਖਬਰ ਬਾਦਲ ਨੂੰ ਦੇ ਰਹੇ ਹਨ, ਅਤੇ ਇੰਨੇ ਦਿਨ ਬੀਤ ਜਾਣ ਤੋਂ ਬਾਅਦ ਵੀ ਕੋਈ ਕੌਮੀ
ਪ੍ਰੋਗ੍ਰਾਮ ਨਹੀਂ ਦਿੱਤਾ ਜਾ ਸਕਿਆ। ਜਿਹੜੇ ਅਖੌਤੀ ਜਥੇਦਾਰਾਂ ਅਤੇ ਸੱਪ ਸਮਾਜ ਤੋਂ
ਬੱਚ ਕੇ ਚੱਲਣ ਦੀ ਉਮੀਦ ਸੀ, ਅੱਜ ਆਨੰਦਪੁਰ ਸਾਹਿਬ 'ਚ ਉਹੀ ਮੋਹਰੀ ਸਨ।
ਸਾਨੂੰ ਭਾਈ ਸਾਹਿਬ 'ਤੇ ਕੋਈ ਸ਼ੱਕ
ਨਹੀਂ, ਪਰ ਉਨ੍ਹਾਂ ਦੇ ਚੌਗਿਰਦੇ 'ਚ ਚਾਲਬਾਜ਼
ਲੋਕ ਇੱਕਠੇ ਹੋ ਚੁੱਕੇ ਹਨ।
ਇਸੇ ਲੜੀ 'ਚ ਸੱਪ ਸਮਾਜ ਵਲੋਂ ਕੱਲ ਅਖੌਤੀ ਜਥੇਦਾਰਾਂ ਨਾਲ
ਨਾਨਕਸ਼ਾਹੀ ਕੈਲੰਡਰ ਅਤੇ ਜਿਹੜੀ ਸਿੱਖ ਰਹਿਤ ਮਰਿਆਦਾ ਨੂੰ ਉਹ ਮੰਨਦੇ ਨਹੀਂ, ਉਸ
ਵਿੱਚ ਸੋਧ ਕਰਵਾਉਣ ਲਈ ਧੋਖਾਧੜੀ ਚੱਲ ਰਹੀ ਹੈ। ਸਿੱਖ ਅਖਵਾਉਣ ਵਾਲੇ ਜਜ਼ਬਾਤੀ ਹੋ
ਕੇ, ਹਰ ਜੰਗ ਹਾਰ ਰਹੇ ਨੇ, ਕਿਉਂਕਿ ਉਨ੍ਹਾਂ ਨੂੰ ਗੁਰੂ ਸਾਹਿਬ ਨਾਲੋਂ ਅਖੌਤੀ
ਜਥੇਦਾਰਾਂ ਅਤੇ ਸੱਪ ਸਮਾਜ 'ਤੇ ਭਰੋਸਾ ਹੈ, ਜੋ ਕਿ ਆਪ ਹੀ ਵਿਕੇ ਹੋਏ ਨੇ।
ਅੱਜ ਦਾ ਜ਼ਮਾਨਾ ਸ਼ਰੀਰਕ ਲੜਾਈ ਦਾ ਨਹੀਂ, ਦਿਮਾਗੀ ਖੇਡ ਹੈ।
ਮੁਗਲਾਂ ਨੇ ਸਿੱਖਾਂ ਨੂੰ ਸ਼ਰੀਰਕ ਤੌਰ 'ਤੇ ਮਾਰਨ ਦੀ ਕੋਸ਼ਿਸ਼ ਕੀਤੀ, ਉਸ ਵਿੱਚ ਉਹ
ਸਫਲ ਨਾ ਹੋਏ, ਪਰ ਬਿਪਰ ਨੇ ਗੁਰੂ ਨਾਨਕ ਸਾਹਿਬ ਤੋਂ ਲੈਕੇ ਆਪਣੀ ਕੋਸ਼ਿਸ਼ ਜਾਰੀ ਰੱਖੀ,
ਜੋ ਕਿ ਦਸਾਂ ਗੁਰੂਆਂ ਦੇ ਸ਼ਰੀਰ ਤੌਰ 'ਤੇ ਹੋਣ ਕਰਕੇ ਸਫਲ ਨਾ ਹੋ ਸਕੀ, ਪਰ ਹੌਲੀ
ਹੌਲੀ ਉਨ੍ਹਾਂ ਨੇ ਆਪਣਾ ਕੰਮ ਜਾਰੀ ਰੱਖਿਆ, ਜਿਸ ਦਾ ਨਤੀਜ਼ਾ ਹੁਣ ਮਿਲ ਰਿਹਾ ਹੈ, ਆਪ
ਦੇਖ ਸਕਦੇ ਹੋ ਸਿੱਖਾਂ ਦਾ ਹਾਲ, ਪੂਰੀ ਤਰ੍ਹਾਂ ਨਾਲ ਬਿਪਰਵਾਦ ਨੇ ਜਕੜ ਲਿਆ ਹੈ। ਤੇ
ਅਸੀਂ ਹਰ ਗੱਲ ਕਿਰਪਾਨਾਂ ਕੱਢ ਕੇ ਕਰਦੇ ਹਾਂ, ਅਕਲ ਵਾਲੀ ਗਲ ਕੋਈ ਤਰੇ ਤਾਂ ਹੱਥ ਧੋ
ਕੇ ਪਿੱਛੇ ਪੈਂਦੇ ਹਾਂ, ਅਤੇ ਸਿਰਫ ਸਟੇਜਾਂ 'ਤੇ ਦਿੱਤੇ ਲੈਕਚਰਾਂ ਨੂੰ ਹੀ ਪ੍ਰਚਾਰ
ਸਮਝਦੇ ਹਾਂ।
ਇਸ ਸੰਘਰਸ਼ 'ਚੋਂ ਵੀ ਹਾਸਿਲ ਕੁੱਝ ਨਹੀਂ ਹੋਣਾ, ਸਿਵਾਏ ਧੋਖੇ
ਤੋਂ, ਕਿਉਂਕਿ ਸਾਨੂੰ ਆਪਣੇ ਦੁਸ਼ਮਨ ਦੀ ਪਛਾਣ ਨਹੀਂ। ਜਿਹੜੇ ਸਿੱਖਾਂ ਦੀਆਂ ਜੜਾਂ
ਵੱਢ ਰਹੇ ਨੇ, ਉਨ੍ਹਾਂ ਨੂੰ ਜਾ ਕੇ ਬੇਨਤੀਆਂ ਕਰ ਰਹੇ ਹਾਂ ਅਤੇ ਘਿਰੇ ਵੀ ਉਨ੍ਹਾਂ
'ਚ ਹੀ ਹਾਂ।
ਹੁਣ ਇਹ ਨਾ ਸਮਝਿਓ ਕਿ ਖ਼ਾਲਸਾ ਨਿਊਜ਼ ਨੈਗੇਟਿਵ ਗੱਲਾਂ ਕਰ ਰਹੀ
ਹੈ, ਨਿਰਾਸ਼ ਹੋ ਚੁਕੀ ਹੈ, ਨਹੀਂ,
ਸਾਡਾ, ਕੰਮ ਸੱਚਾਈ ਪੇਸ਼ ਕਰਨਾ ਹੈ, ਤੇ ਸਮੇਂ ਸਿਰ ਆਗਾਹ ਕਰਨਾ। ਇਹ ਸੱਚਾਈ ਬਿਆਨ ਕੀਤੀ ਹੈ। ਸਾਨੂੰ ਹਾਲੇ ਵੀ ਆਸ
ਹੈ, ਕਿ ਜਿਸ ਦਿਨ ਸਿੱਖ ਆਪਣਾ ਆਗੂ, ਆਪਣਾ ਜਥੇਦਾਰ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ
ਮੰਨਕੇ, ਗੁਰੂ ਦੀ ਸਿੱਖਿਆ ਅਨੁਸਾਰ ਚੱਲਣਗੇ, ਫਿਰ ਇਹ ਟੁਕੜਬੋਚ ਜਾਂ ਸੱਪ ਕੁੱਝ ਵੀ
ਵਿਗਾੜ ਨਹੀਂ ਸਕਣਗੇ।