ਦੂਜਿਆਂ
ਦੇ ਸਿਰਾਂ 'ਤੇ ਨਾ ਹੁੰਦੀਆਂ ਲੜਾਈਆਂ, ਆਪਣਿਆਂ ਡੌਲਿਆਂ 'ਚ ਜਾਨ ਚਾਹੀਦੀ...
ਇੱਕ ਵਾਰ ਫਿਰ ਸਿੱਖ ਜਥੇਬੰਦੀਆਂ ਉਹੀ ਗਲਤੀ ਕਰਨ ਜਾ ਰਹੀਆਂ ਹਨ, ਜਿਹੜੀ ਉਨ੍ਹਾਂ ਪਿਛਲੇ
ਸਮੇਂ ਵਿੱਚ ਅਨੇਕਾਂ ਵਾਰ ਕੀਤੀ ਹੈ। ਉਸੇ ਅਕਾਲ ਤਖਤ ਤੋਂ ਫਿਰ ਮਾਰਚ ਸ਼ੁਰੂ ਕੀਤਾ ਜਾ ਰਿਹਾ
ਹੈ, ਜਿਥੇ ਮਸੰਦਾਂ ਦਾ ਕਬਜ਼ਾ ਹੈ ਤੇ ਵਾਗਡੋਰ ਵੀ ਫਿਰ ਉਨ੍ਹਾਂ ਮਸੰਦਾਂ ਹੱਥ ਫੜਾਈ ਜਾ ਰਹੀ
ਹੈ।
ਪਿਛਲੇ ਸਮੇਂ ਵਿੱਚ ਕੌਮ ਵਲੋਂ ਅਨੇਕਾਂ ਵਾਰ ਇਨ੍ਹਾਂ ਸਾਧਾਂ ਤੇ
ਤਖਤਾਂ ਤੇ ਬੈਠੇ ਮਸੰਦਾਂ ਨੂੰ ਪਰਖਿਆ ਜਾ ਚੁੱਕਾ ਹੈ। ਫਿਰ ਵਾਰ-ਵਾਰ ਉਹੀ ਗਲਤੀ ਕਿਉਂ?
ਪੰਥਕ ਜਥਬੰਦੀਆਂ ਨੂੰ ਮੋਰਚਾ ਆਪਣੇ ਹੱਥਾਂ ਵਿੱਚ ਲੈ ਕੇ,
ਸਿਰਫ ਆਮ ਸੰਗਤ 'ਤੇ ਟੇਕ ਰੱਖ ਕੇ ਤੁਰਨਾ ਚਾਹੀਦਾ ਹੈ, ਨਹੀਂ ਤਾਂ ਮੱਕੜ, ਧੁੰਮਾ, ਰੋਡੇ,
ਡੇਰੇਦਾਰ ਸਾਧ ਤੇ ਤਖਤਾਂ ਦੇ ਪੁਜਾਰੀ ਸਾਰੀ ਮੂਵਮੈਂਟ ਨੂੰ ਤਾਰਪੀਡੋ ਕਰ ਦੇਣਗੇ।
ਇਸ ਲਈ ਹੁਣ ਤੋਂ ਹੀ ਇਸ ਸੰਘਰਸ਼ ਨੂੰ
ਇਨ੍ਹਾਂ ਮਸੰਦਾਂ ਤੇ ਡੇਰੇਦਾਰਾਂ ਤੋਂ ਦੂਰ ਰੱਖੋ।
ਸਿੱਖ ਜਥੇਬੰਦੀਆਂ ਤਖਤਾਂ ਤੇ ਬੈਠੇ
ਮਸੰਦਾਂ, ਸ਼੍ਰੋਮਣੀ ਕਮੇਟੀ ਵਿੱਚ ਬੈਠੇ ਗੋਲਕ ਚੋਰਾਂ, ਡੇਰਿਆਂ ਵਾਲੇ ਪਖੰਡੀ ਸਾਧਾਂ ਤੇ
ਵਿਕਾਊ ਸਿਆਸਤਦਾਨਾਂ ਤੋਂ ਆਸ ਛੱਡ ਕੇ, ਆਪ ਮੂਹਰੇ ਹੋ ਕੇ ਕੌਮ ਦੀ ਅਗਵਾਈ ਕਰਨ, ਨਹੀਂ ਤੇ
ਨਤੀਜਾ ਉਹੀ ਹੋਵੇਗਾ, ਜੋ ਪਿਛੇ ਹੁੰਦਾ ਆਇਆ ਹੈ।
ਪਿਛਲੇ ੧੫ ਸਾਲਾਂ ਵਿੱਚ ਹਰ ਮਸਲੇ ਤੇ ਜਦੋਂ ਵੀ ਕੌਮ ਖੜੀ ਹੋਈ ਹੈ,
ਪੰਥਕ ਜਥੇਬੰਦੀਆਂ ਨੇ ਹਮੇਸ਼ਾਂ ਅਗਵਾਈ ਤਖਤਾਂ ਦੇ ਮਸੰਦਾਂ ਤੇ ਪਖੰਡੀ ਸੰਤ ਸਮਾਜੀਆਂ ਹਵਾਲੇ
ਕਰਕੇ, ਕੌਮ ਦਾ ਨੁਕਸਾਨ ਕਰਵਾਇਆ ਹੈ। ਸਰਸੇ ਵਾਲੇ ਦੇ ਕੇਸ ਵਿੱਚ, ਆਸ਼ੂਤੋਸ਼ ਦੇ ਕੇਸ ਵਿੱਚ,
ਰਾਜੋਆਣਾ ਦੇ ਕੇਸ, ਦਿੱਲੀ ਦੇ ਕਤਲੇਆਮ ਨਾਲ ਸਬੰਧਤ ਕੇਸ ਵਿੱਚ, ਝੂਠੇ ਪੁਲਿਸ ਮੁਕਾਬਲਿਆਂ
ਦੇ ਕੇਸ ਵਿੱਚ, ਹਰ ਵਾਰ ਪੰਥਕ ਜਥੇਬੰਦੀਆਂ ਆਪਣੀ ਲੀਡਰਸ਼ਿਪ ਦੇਣ ਵਿੱਚ ਫੇਲ਼ ਹੋਈਆਂ ਹਨ।
ਬਾਦਲਕੇ ਆਪਣੇ ਇਨ੍ਹਾਂ ਏਲਚੀਆਂ ਰਾਹੀਂ, ਹਮੇਸ਼ਾਂ ਤੁਹਾਡੀ ਮੂਵਮੈਂਟ ਹਾਈਜੈਕ ਕਰਕੇ ਲੈ
ਜਾਂਦੇ ਰਹੇ ਹਨ, ਇਸ ਲਈ ਤੁਹਾਨੂੰ ਸਿਰਫ
ਸੁਚੇਤ ਹੀ ਕੀਤਾ ਜਾ ਰਿਹਾ ਹੈ।
