ਪ੍ਰੋ. ਲਕਸ਼ਮੀ
ਕਾਂਤਾ ਚਾਵਲਾ ਨੇ ਸਖ਼ਤ ਇਤਰਾਜ਼ ਦਾ ਪ੍ਰਗਟਾਵਾ ਕੀਤਾ
ਸੋਸ਼ਲ ਨੈੱਟਵਰਕ ਸਾਈਟ ਫੇਸਬੁੱਕ
’ਤੇ ਕੁਝ ਸਿੱਖ ਧਾਰਮਿਕ ਆਗੂਆਂ ਦੇ ਨਾਂ ’ਤੇ ਕਰਵਾ ਚੌਥ ਦੇ ਵਰਤ ਬਾਰੇ
ਦਰਜ ਕੀਤੀਆਂ ਗਈਆਂ ਕੁਝ ਸਤਰਾਂ ਨੂੰ ਲੈ ਕੇ, ਸਾਬਕਾ ਭਾਜਪਾ ਮੰਤਰੀ ਪ੍ਰੋ.
ਲਕਸ਼ਮੀ ਕਾਂਤਾ ਚਾਵਲਾ ਨੇ ਸਖ਼ਤ ਇਤਰਾਜ਼ ਦਾ ਪ੍ਰਗਟਾਵਾ ਕੀਤਾ ਹੈ ਅਤੇ ਇਸ
ਸਬੰਧ ਵਿਚ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਨੂੰ ਪੱਤਰ
ਭੇਜ ਕੇ ਮਾਮਲੇ ਦੀ ਜਾਂਚ ਕਰਨ ਦੀ ਅਪੀਲ ਕੀਤੀ ਹੈ। ਦੂਜੇ ਪਾਸੇ ਅਕਾਲ ਤਖ਼ਤ
ਸਾਹਿਬ ਦੇ ਮੁੱਖ ਪੁਜਾਰੀ ਗੁਰਬਚਨ ਸਿੰਘ ਨੇ ਇਸ ਮਾਮਲੇ ਦੀ ਜਾਂਚ ਕਰਾਉਣ
ਲਈ ਆਦੇਸ਼ ਦਿੱਤੇ ਹਨ।
ਇਸ ਸੋਸ਼ਲ ਸਾਈਟ ’ਤੇ ਅਕਾਲ ਤਖ਼ਤ
ਸਾਹਿਬ ਦੇ ਲੈਟਰਪੈਡ ’ਤੇ ਕਰਵਾ ਚੌਥ ਦੇ ਵਰਤ ਖਿਲਾਫ਼ ਕੁਝ ਸਤਰਾਂ ਲਿਖੀਆਂ
ਹੋਈਆਂ ਹਨ। ਇਹ ਸਤਰਾਂ ਗੁਰਬਾਣੀ ਦੀਆਂ ਤੁਕਾਂ ’ਤੇ ਆਧਾਰਤ ਹੈ, ਜਿਸ ਵਿਚ
ਵਰਤ ਰੱਖਣ ਵਾਲੀਆਂ ਔਰਤਾਂ ਨੂੰ ਪਾਖੰਡੀ ਆਖਿਆ ਗਿਆ ਹੈ।
ਇਸ ਦੇ ਹੇਠਾਂ ਹਰਿਮੰਦਰ ਸਾਹਿਬ
ਦੇ ਗ੍ਰੰਥੀ, ਮੁੱਖ ਗ੍ਰੰਥੀ ਅਤੇ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਜੱਥੇਦਾਰ
ਦੇ ਅਹੁਦਿਆਂ ਨੂੰ ਦਰਸਾਉਂਦੀਆਂ ਮੋਹਰਾਂ ਲੱਗੀਆਂ ਹੋਈਆਂ ਹਨ। ਇਨ੍ਹਾਂ ਉਪਰ
ਕਿਸੇ ਦੇ ਵੀ ਦਸਤਖ਼ਤ ਨਹੀਂ ਹਨ। ਇਸ ਪੱਤਰ ਉਪਰ 20 ਅਕਤੂਬਰ ਦੀ ਮਿਤੀ
ਅੰਕਿਤ ਹੈ।
ਪ੍ਰੋ. ਚਾਵਲਾ ਨੇ ਆਖਿਆ ਕਿ ਇਸ
ਤਰ੍ਹਾਂ ਦੇ ਸੰਦੇਸ਼ ਨਾਲ ਸਮਾਜ ਵਿਚ ਕੁੜੱਤਣ ਪੈਦਾ ਹੋਵੇਗੀ ਅਤੇ ਕਰੋੜਾਂ
ਲੋਕਾਂ ਦੀ ਸ਼ਰਧਾ ਨੂੰ ਠੇਸ ਪੁੱਜੇਗੀ। ਉਨ੍ਹਾਂ ਸ਼੍ਰੋਮਣੀ ਕਮੇਟੀ ਦੇ
ਪ੍ਰਧਾਨ ਨੂੰ ਅਪੀਲ ਕੀਤੀ ਹੈ ਕਿ ਉਹ ਪਤਾ ਲਾਉਣ ਕਿ ਕੀ ਇਹ ਪੱਤਰ ਠੀਕ ਹੈ
ਜਾਂ ਸਿਰਫ਼ ਧਾਰਮਿਕ ਸ਼ਖ਼ਸੀਅਤਾਂ ਦੇ ਨਾਂ ਦੀ ਦੁਰਵਰਤੋਂ ਕੀਤੀ ਗਈ ਹੈ। ਉਨ੍ਹਾਂ
ਅਪੀਲ ਕੀਤੀ ਹੈ ਕਿ ਅਜਿਹਾ ਪੱਤਰ ਜਾਰੀ ਕਰਨ ਵਾਲਿਆਂ ਖਿਲਾਫ਼ ਕਾਰਵਾਈ ਕੀਤੀ
ਜਾਵੇ।
ਇਸ ਮਾਮਲੇ ਵਿਚ ਗੱਲ ਕਰਦਿਆਂ
ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਮੱਖ ਪੁਜਾਰੀ ਗੁਰਬਚਨ ਸਿੰਘ ਨੇ ਆਖਿਆ ਕਿ ਇਸ
ਮਾਮਲੇ ਦੀ ਜਾਂਚ ਕਰਵਾਈ ਜਾ ਰਹੀ ਹੈ।
ਉਨ੍ਹਾਂ ਆਖਿਆ ਕਿ ਇਹ ਕਿਸੇ ਵੱਲੋਂ
ਸ਼ਰਾਰਤ ਕੀਤੀ ਗਈ ਹੈ ਅਤੇ ਅਜਿਹੇ ਅਨਸਰਾਂ ਖਿਲਾਫ਼ ਕਾਰਵਾਈ ਕੀਤੀ ਜਾਵੇਗੀ।
ਉਨ੍ਹਾਂ ਆਖਿਆ ਕਿ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਨੂੰ ਅਜਿਹਾ ਕਰਨ ਵਾਲਿਆਂ
ਖਿਲਾਫ਼ ਪੁਲੀਸ ਕੇਸ ਦਰਜ ਕਰਾਉਣ ਲਈ ਕਹਿਣਗੇ।
ਪਰ ਸੁਆਲ ਤਾਂ ਇਹ ਹੈ ਕਿ ਸਿਖਾਂ
ਦਾ ਕਰਵਾਚੌਥ ਨਾਲ ਕੀ ਸੰਬੰਧ ਹੈ। ਇਸ ਬਾਰੇ ਜੱਥੇਦਾਰ ਕਿਉਂ ਨਹੀਂ ਸਪਸ਼ਟ
ਕਰਦੇ। ਗੁਰਬਾਣੀ ਦੇ ਇਨਕਲਾਬੀ ਸ਼ੰਦੇਸ਼ ਅਗੇ ਡਕੇ ਕਿਉਂ ਲਗਾਏ ਜਾ ਰਹੇ ਹਨ।
ਜੇ ਜੱਥੇਦਾਰਾਂ ਦਾ ਪਤਰ ਜਾਹਲੀ ਹੈ ਤਾਂ ਇਸ ਬਾਰੇ ਕਾਰਵਾਈ ਠੀਕ ਹੈ ਪਰ
ਜੱਥੇਦਾਰ ਵਰਤਾਂ ਦੇ ਗੁਰਮਤਿ ਦ੍ਰਿਸ਼ਟੀਕੋਣ ਬਾਰੇ ਕਿਉਂ ਚੁਪ ਹਨ। ਕੀ ਇਹ
ਚੁਪੀ ਇਹ ਨਹੀਂ ਦਰਸਾਉਂਦੀ ਸਿੱਖ ਹਿੰਦੂ ਸਭਿਆਚਾਰ ਅਪਨਾਉਣ।