ਇਸ
ਵਿੱਚ ਕੋਈ ਸ਼ੱਕ ਨਹੀਂ ਕਿ ਸਿੱਖ ਜਗਤ ਵਿੱਚ ਗੁਰਬਾਣੀ ਨੂੰ ਪਿਆਰ ਨਾਲ ਪੜ੍ਹਿਆ ਗਾਇਆ ਤੇ
ਵਿਚਾਰਿਆ ਵੀ ਜਾ ਰਿਹਾ ਹੈ। ਤਕਰੀਬਨ ਹਰੇਕ ਗੁਰਦੁਆਰੇ ਵਿਚ ਹਰ ਰੋਜ਼ ਆਸਾ ਕੀ ਵਾਰ ਦਾ
ਕੀਰਤਨ ਵੀ ਹੁੰਦਾ ਹੈ, ਪਰ ਜੋ ਬਾਣੀ ਅੰਦਰ ਗੁਰੂ ਨੇ ਗੁਰਮਤਿ ਸਿਧਾਂਤ ਦ੍ਰਿੜ ਕਰਵਾਏ ਉਹਨਾਂ
ਨੂੰ ਅਸੀ ਕਿੰਨਾ ਕੁ ਮੰਨਿਆ ਹੈ ? ਆਸਾ ਕੀ ਵਾਰ ਵਿੱਚ ਹੀ ਗੁਰੂ ਨਾਨਕ ਸਾਹਿਬ ਮਹਾਰਾਜ ਜੀ
ਨੇ ਬਹੁਤ ਹੀ ਸੁੰਦਰ ਅਤੇ ਵਿਅੰਗਮਈ ਢੰਗ ਨਾਲ ਕਿਹਾ ਹੈ :-
ਜੇ ਮੋਹਾਕਾ ਘਰੁ ਮੁਹੈ ਘਰੁ ਮੁਹਿ ਪਿਤਰੀ ਦੇਇ ॥ ਅਗੈ ਵਸਤੁ
ਸਿਞਾਣੀਐ ਪਿਤਰੀ ਚੋਰ ਕਰੇਇ ॥
ਵਢੀਅਹਿ ਹਥ ਦਲਾਲ ਕੇ ਮੁਸਫੀ ਏਹ ਕਰੇਇ ॥ ਨਾਨਕ ਅਗੈ ਸੋ ਮਿਲੈ
ਜਿ ਖਟੇ ਘਾਲੇ ਦੇਇ ॥1॥
ਜੇ ਕੋਈ ਠੱਗ ਪਰਾਇਆ ਘਰ ਠੱਗੇ, ਪਰਾਏ ਘਰ ਨੂੰ ਠੱਗ ਕੇ (ਉਹ
ਪਦਾਰਥ) ਆਪਣੇ ਪਿਤਰਾਂ ਦੇ ਨਮਿਤ ਦੇਵੇ, ਤਾਂ (ਜੇ ਸੱਚ-ਮੁੱਚ ਪਿਛਲਿਆਂ ਦਾ ਦਿੱਤਾ
ਅੱਪੜਦਾ ਹੀ ਹੈ ਤਾਂ) ਪਰਲੋਕ ਵਿਚ ਉਹ ਪਦਾਰਥ ਸਿਞਾਣਿਆ ਜਾਂਦਾ ਹੈ । ਇਸ ਤਰ੍ਹਾਂ ਉਹ
ਮਨੁੱਖ ਆਪਣੇ ਪਿਤਰਾਂ ਨੂੰ (ਭੀ) ਚੋਰ ਬਣਾਂਦਾ ਹੈ (ਕਿਉਂਕਿ ਉਹਨਾਂ ਪਾਸੋਂ ਚੋਰੀ ਦਾ
ਮਾਲ ਨਿਕਲ ਆਉਂਦਾ ਹੈ) । (ਅਗੋਂ) ਪ੍ਰਭੂ ਇਹ ਨਿਆਂ ਕਰਦਾ ਹੈ ਕਿ (ਇਹ ਚੋਰੀ ਦਾ ਮਾਲ
ਅਪੜਾਣ ਵਾਲੇ ਬ੍ਰਾਹਮਣ) ਦਲਾਲ ਦੇ ਹੱਥ ਵੱਢੇ ਜਾਂਦੇ ਹਨ ।
ਹੇ ਨਾਨਕ ! (ਕਿਸੇ ਦਾ ਅਪੜਾਇਆ ਹੋਇਆ ਅੱਗੇ ਕੀਹ ਮਿਲਣਾ ਹੈ
?) ਅਗਾਂਹ ਤਾਂ ਮਨੁੱਖ ਨੂੰ ਉਹੀ ਕੁਝ ਮਿਲਦਾ ਹੈ ਜੋ ਖੱਟਦਾ ਹੈ, ਕਮਾਂਦਾ ਹੈ ਤੇ (ਹੱਥੀਂ)
ਦੇਂਦਾ ਹੈ ।1। (ਇਹ ਅਰਥ ਪ੍ਰੋ. ਸ਼ਾਹਿਬ ਸਿੰਘ ਜੀ ਨੇ
ਕੀਤੇ ਨੇ)
ਕਿਉਂਕਿ ਅੱਜਕੱਲ੍ਹ ਸਰਾਧ ਚੱਲ ਰਹੇ ਨੇ, ਅਸੀਂ ਵੀ ਸੋਚਦੇ ਹਾਂ, ਕਿ
ਕਿਤੇ ਸਾਡੇ ਬਜ਼ੁਰਗ ਭੁਖੇ ਨਾ ਰਹਿ ਜਾਣ? ਜਿਸ ਕਰਕੇ ਅਸੀਂ ਵੀ ਭੁਲੇਖੇ ਵਿੱਚ ਫਸਕੇ ਉਹ
ਬਿਪਰ ਵਾਲੇ ਕੰਮ ਕਰੀ ਜਾ ਰਹੇ ਹਾਂ। ਸਾਨੂੰ ਗੁਰਬਾਣੀ ਗੱਲ ਮੰਨਣ ਦੀ ਜਰੂਰਤ ਹੈ, ਤਾਂ ਹੀ
ਸਾਡਾ ਭਲਾ ਹੋਵੇਗਾ? ਅਸੀਂ ਸਮਾਜ ਬਾ ਸੰਸਾਰ ਦਾ ਭਲਾ ਕਰ ਸਕਾਂਗੇ। ਇਹ ਵੀਚਾਰ ਭਾਈ
ਪ੍ਰਕਾਸ਼ ਸਿੰਘ ਫਿਰੋਜ਼ਪੁਰੀ (ਗਰਮਤਿ ਪ੍ਰਚਾਰਕ) ਨੇ ਗੁਰਦਵਾਰਾ ਗੁਰੂ ਨਾਨਕ ਮਿਸ਼ਨ
ਸੈਂਟਰ ਬਰੈਂਪਟਨ (ਕਨੇਡਾ) ਵਿਖੇ ਸੰਗਤ ਨਾਲ ਸਾਂਝੇ ਕੀਤੇ ਸੰਗਤ ਭਰਪੂਰ ਲਾਹਾ ਪ੍ਰਾਪਤ
ਕੀਤਾ।
ਨੋਟ-
ਭਾਈ ਪ੍ਰਕਾਸ਼ ਸਿੰਘ ਫਿਰੋਜ਼ਪੁਰੀ ਕੈਨੇਡਾ ਵਿਖੇ ਗੁਰਮਤਿ
ਪ੍ਰਚਾਰ ਲਈ ਆਏ ਹੋਏ ਹਨ। ਕੈਨੇਡਾ ਦੀ ਸੰਗਤ ਨੂੰ ਬੇਨਤੀ ਹੈ ਕਿ ਉਹਨਾਂ ਦੇ ਵੱਧ
ਤੋਂ ਵੱਧ ਕਥਾ ਸਮਾਗਮ ਕਰਕੇ ਲਾਹਾ ਪ੍ਰਾਪਤ ਕਰੋ ਜੀ। ਜ਼ਿਆਦਾ ਜਾਣਕਾਰੀ ਲਈ ਗੁਰਦਵਾਰਾ ਗੁਰੂ
ਨਾਨਕ ਮਿਸ਼ਨ ਸੈਂਟਰ ਦੇ ਫੋਨ ਨੰ: 905-799-2682 'ਤੇ ਸੰਪਰਕ ਕਰੋ ਜੀ ।