ਹੁਸ਼ਿਆਰਪੁਰ,
26 ਜੂਨ (ਦਲਜੀਤ ਸਿੰਘ ਅਜਨੋਹਾ) : ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਪਿੰਡ ਅਜਨੋਹਾ ਦਾ
25 ਸਾਲਾ ਨੌਜਵਾਨ ਅਸਟਰੇਲੀਆ ਦੇ ਸ਼ਹਿਰ ਮੈਲਬੌਰਨ ਦਾ ਜੇਲਰ ਬਣ ਗਿਆ ਹੈ ਜਿਸ ਦੀ
ਖ਼ੁਸ਼ੀ ਕਾਰਨ ਉਨ੍ਹਾਂ ਦੇ ਘਰ ਵਿਆਹ ਵਰਗਾ ਮਾਹੌਲ ਬਣਿਆ ਹੋਇਆ ਹੈ। ਪਰਵਾਰ
ਮਠਿਆਈਆਂ ਵੰਡ ਕੇ ਖ਼ੁਸ਼ੀ ਦਾ ਇਜਹਾਰ ਕਰ ਰਿਹਾ ਹੈ। ਨੌਜਵਾਨ ਦੇ ਚਾਚੇ ਗੁਰਪ੍ਰੀਤ
ਸਿੰਘ ਤੋਂ ਪ੍ਰਾਪਤ ਜਾਣਕਾਰੀ ਮੁਤਾਬਕ 25 ਸਾਲਾਂ ਨੌਜਵਾਨ ਹਰਕੀਰਤ ਸਿੰਘ ਰਿੱਕੀ
ਦਾ ਜਨਮ ਪਿੰਡ ਅਜਨੋਹਾ ਵਿੱਚ 2 ਜਨਵਰੀ 1987 ਨੂੰ ਹੋਇਆ ਸੀ। ਇਸ ਦਾ ਪਿਤਾ
ਸੰਤੋਖ ਸਿੰਘ ਬਿਜਲੀ ਬੋਰਡ ਵਿਚ ਜੇ.ਈ ਤੇ ਮਾਤਾ ਜਸਵਿੰਦਰ ਕੌਰ ਜੋ ਪੀ ਐਨ.ਬੀ
ਬੈਂਕ ਵਿਚ ਸੇਵਾਵਾਂ ਨਿਭਾ ਰਹੇ ਹਨ।
ਇਹ ਨੌਜਵਾਨ ਬਾਰ੍ਹਵੀਂ ਜਮਾਤ ਦੀ ਪੜ੍ਹਾਈ ਕਰਨ ਤੋਂ ਬਾਅਦ 2006 ਵਿਚ ਆਸਟਰੇਲੀਆ
ਦੇ ਸ਼ਹਿਰ ਮੈਲਬੌਰਨ ਚਲਾ ਗਿਆ, ਜਿੱਥੇ ਇਸ ਨੇ ਵੱਖ-ਵੱਖ ਸੰਸਥਾਵਾਂ ਨਾਲ ਜੁੜ ਕੇ
ਕੰਮ ਕੀਤਾ। ਇਸੇ ਦੌਰਾਨ ਹਰਕੀਰਤ ਨੇ ਪੈਥਾਲੌਜੀ ਦੀ ਪੜ੍ਹਾਈ ਪੂਰੀ ਕੀਤੀ ਤੇ
ਨਾਲ ਹੀ ਉਥੋਂ ਦੀ ਸਰਕਾਰ ਵਲੋਂ ਕੱਢੀ ਇੱਸ ਨੌਕਰੀ ਦਾ ਟੈਸਟ ਦੇ ਦਿਤਾ। ਸਫ਼ਲ
ਹੋਣ 'ਤੇ ਸਰਕਾਰ ਨੇ ਇਸ ਨੌਜਵਾਨ ਨੂੰ ਕਲ ਕਮਿਸ਼ਨਰ ਜੈਨ ਸ਼ੌਫਰਡ ਤੇ ਸਕੁਐਡ
ਮੈਨੇਜਰ ਦੀ ਹਾਜ਼ਰੀ ਵਿਚ ਨਿਯੁਕਤੀ ਪੱਤਰ ਦੇ ਦਿਤਾ ਤੇ ਉਸ ਨੇ ਅਪਣੀ ਡਿਉੂਟੀ
ਸੰਭਾਲ ਲਈ।