ਇੰਟਰਨੈਟ ਤੇ ਪਾਈ ਗਈ ਇੱਕ ਵੀਡੀਉ ਵਿੱਚ ਉਪਰੋਕਤ ਸੰਕੇਤ ਤਖਤ ਸ੍ਰੀ ਪਟਨਾ ਸਾਹਿਬ ਦੇ ਜਥੇਦਾਰ ਗਿਆਨੀ ਇਕਬਾਲ ਸਿੰਘ ਨੇ ਉਸ ਵੇਲੇ ਦਿੱਤੇ, ਜਦੋਂ ਉਹਨਾਂ ਨੂੰ ਡਾ. ਹਰਭਜਨ ਸਿੰਘ ਵੱਲੋ ਲਿਖੀ ਕਿਤਾਬ ‘ਸ੍ਰੀ ਦਸਮ ਗ੍ਰੰਥ ਸਾਹਿਬ ਕਰਤਾ ਸਬੰਧੀ ਵਿਵਾਦ ਦੀ ਪੁਨਰ ਸਮੀਖਿਆ’ ਕਈ ਪ੍ਰਵਾਸੀ ਸਿੱਖਾਂ ਨੇ ਗਿਆਨੀ ਇਕਬਾਲ ਸਿੰਘ ਨੂੰ ਸਵਾਲ ਪੁੱਛੇ, ਕਿਉਕਿ ਕਿਤਾਬ ਦੇ ਪੰਨਾ ਨੰਬਰ 110 ਤੇ ਗੁਰੂ ਸਾਹਿਬ ਬੜੀ ਹੀ ਭੱਦੀ ਟਿੱਪਣੀ ਕੀਤੀ ਗਈ ਹੈ, ਜਦ ਕਿ ਕਿਤਾਬ ਦੀ ਸ਼ਲਾਘਾ ਕਰਦਿਆਂ ਗਿਆਨੀ ਇਕਬਾਲ ਸਿੰਘ ਜੀ ਨੇ ਇੱਕ ਪ੍ਰਸੰਸਾ ਪੱਤਰ ਵੀ ਦਿੱਤਾ ਹੈ, ਜਿਸ ਦਾ ਹੈਡਿੰਗ ‘ਤਖਤ ਸ੍ਰੀ ਪਟਨਾ ਸਾਹਿਬ ਦੀ ਅਸੀਸ’ ਲਿਖਿਆ ਗਿਆ ਹੈ।

ਇੱਕ ਰੇਡੀਉ ਤੇ ਇੱਕ ਕਾਲਰ ਨੇ ਗਿਆਨੀ ਇਕਬਾਲ ਸਿੰਘ ਨੂੰ ਜਦੋ ਪੁੱਛਿਆ, ਕਿ ਡਾ: ਹਰਭਜਨ ਸਿੰਘ ਨੇ ਕਿਤਾਬ ਦੇ ਪੰਨਾ ਨੰਬਰ 110 'ਤੇ ਲਿਖਿਆ ਹੈ, ਕਿ ਗੁਰੂ ਸਾਹਿਬ ਨੇ ਅਨੂਪ ਕੌਰ ਨੂੰ ਕਿਹਾ ਕਿ ਜੋ ਕੁਝ ਵੀ ਹੋਇਆ ਮਜਬੂਰੀ ਵੱਸ ਹੋਇਆ ਹੈ, ਤੇ ਉਹਨਾਂ ਨੇ ਅਨੂਪ ਕੌਰ ਕੋਲੋ ਸਿਰਫ ਮੁਆਫੀ ਹੀ ਮੰਗੀ, ਸਗੋਂ ਉਸ ਨੂੰ 20 ਹਜਾਰ ਟੱਕਾ ਸਲਾਨਾ ਉਸ ਦੇ ਮੁੜ ਵਸੇਬੇ ਲਈ ਵੀ ਦਿੱਤਾ। ਗਿਆਨੀ ਇਕਬਾਲ ਸਿੰਘ ਨੇ ਕਿਹਾ ਕਿ ਉਹਨਾਂ ਨੇ ਹਾਲੇ ਕਿਤਾਬ ਪੜੀ ਹੀ ਨਹੀਂ ਹੈ, ਇਸ ਲਈ ਉਹ ਕੋਈ ਵੀ ਟਿੱਪਣੀ ਨਹੀਂ ਕਰ ਸਕਦੇ।

ਜਦੋਂ ਉਹਨਾਂ ਨੂੰ ਪੁੱਛਿਆ ਗਿਆ ਕਿ ਕੀ ਕੋਈ ਪੜੇ ਬਗੈਰ ਤਖਤ ਦਾ ਜਥੇਦਾਰ ਪ੍ਰਸੰਸਾ ਪੱਤਰ ਦੇ ਸਕਦਾ ਹੈ, ਤਾਂ ਗਿਆਨੀ ਇਕਬਾਲ ਸਿੰਘ ਨੇ ਕਿਹਾ ਕਿ ਡਾ: ਹਰਭਜਨ ਸਿੰਘ ਉਹਨਾਂ ਦੇ ਵਿਸ਼ਵਾਸ਼ ਵਾਲਾ ਵਿਅਕਤੀ ਹੈ, ਇਸ ਲਈ ਉਹਨਾਂ ਨੇ ਵਿਸ਼ਵਾਸ਼ ਕਰਕੇ ਹੀ ਪ੍ਰਸੰਸ਼ਾ ਪੱਤਰ ਦੇ ਦਿੱਤਾ ਸੀ।

ਜਦੋਂ ਉਹਨਾਂ ਨੂੰ ਪੁੱਛਿਆ ਗਿਆ ਕਿ ਕੀ ਉਹਨਾਂ ਕੋਲ ਕੋਆ ਵਿਦਵਾਨਾਂ ਦਾ ਪੈਨਲ ਹੈ, ਜਿਹੜਾ ਅਜਿਹੀਆਂ ਕਿਤਾਬਾਂ ਪੜ ਕੇ ਉਹਨਾਂ ਦੇ ਮਿਆਰ ਬਾਰੇ ਦੱਸ ਸਕੇ, ਕਿ ਇਹ ਕਿਤਾਬ ਸਿੱਖ ਪੰਥ ਦੀ ਕਸੌਟੀ 'ਤੇ ਖਰੀ ਉਤਰਦੀ ਹੈ, ਜਾਂ ਨਹੀਂ ਤਾਂ ਇਸ ਜਵਾਬ ਦੇਣ ਤੋਂ ਜਥੇਦਾਰ ਜੀ ਨੇ ਅਸਮੱਰਥਾ ਜਿਤਾਈ।