ਅਨੰਦਪੁਰ ਸਾਹਿਬ, 9 ਫਰਵਰੀ (ਸੁਰਿੰਦਰ ਸਿੰਘ ਸੋਨੀ)
- ਭਾਂਵੇ ਕੌਮ ਦਾ ਦਰਦ ਰੱਖਣ ਵਾਲੇ ਗੁਰਮਤਿ ਦੇ
ਪਾਵਨ ਸਿਧਾਤਾਂ ਨੂੰ ਸੁਚੱਜੇ ਢੰਗ ਨਾਲ ਆਮ ਲੋਕਾਂ ਤੱਕ ਪਹੁੰਚਾਉਣ ਦਾ ਯਤਨ ਕਰ ਰਹੇ ਹਨ ਪਰ
ਜੇਕਰ ਕੌਮ ਦੇ ਪ੍ਰਸਿੱਧ ਰਾਗੀ ਹੀ ਗੱਪਾਂ ਗਪੋੜਾਂ ਮਾਰ ਕੇ ਗੁਰਮਤਿ ਸਿਧਾਤਾਂ ਦੀਆਂ ਧੱਜੀਆਂ
ਉਡਾਈ ਜਾਣ ਤਾਂ ਕੌਮ ਦੀ ਵਿਗੜੀ ਹਾਲਤ ਦਾ ਸੁਧਾਰ ਕਿਵੇ ਹੋਵੇਗਾ। ਇਸ ਸੁਆਲ ਦਾ ਹੱਲ ਪੰਥ
ਦਰਦੀਆਂ ਨੂੰ ਲੱਭਣਾ ਪਵੇਗਾ। ਯੂ ਟਿਊਬ ਤੇ ਪਈ ਇਕ ਰਿਕਾਰਡਿੰਗ ਅਨੁਸਾਰ ਕੌਮ ਵਿਚ ਚੰਗਾ ਅਸਰ
ਰਸੂਖ ਰੱਖਣ ਵਾਲੇ ਇਸ ਰਾਗੀ ਵਲੋ ਭਗਤ ਰਵੀਦਾਸ ਜੀ ਨਾਲ ਸਬੰਧਿਤ ਸਾਖੀ ਸੁਣਾਉਂਦਿਆਂ ਕਿਹਾ
ਗਿਆ ਕਿ ਇਕ ਵਾਰ ਇਕ ਰਾਜੇ ਦੀ ਪਤਨੀ ਭਗਤ ਰਵੀਦਾਸ ਜੀ ਨੂੰ ਲੰਗਰ ਵਿਚ ਬਿਠਾ ਕੇ ਲੰਗਰ
ਛਕਾਉਣ ਲੱਗੀ ਤਾਂ ਉਥੇ ਮੋਜੂਦ ਸਾਰੇ ਪੰਡਿਤਾਂ ਨੇ ਇਤਰਾਜ ਕੀਤਾ ਤੇ ਕਿਹਾ ਕਿ ਅਸੀ ਇਸ ਨੀਵੀਂ
ਜਾਤ ਵਾਲੇ ਨਾਲ ਬੈਠ ਕੇ ਲੰਗਰ ਨਹੀ ਛਕਣਾ। ਇਸ ਤੇ ਭਗਤ ਰਵੀਦਾਸ ਜੀ ਉਠ ਕੇ ਆਪਣੇ ਕਮਰੇ ਵਿਚ
ਆ ਗਏ। ਜਦੋ ਸਾਰੇ ਪੰਡਿਤ ਬੈਠ ਕੇ ਲੰਗਰ ਛਕਣ ਲੱਗੇ ਤਾਂ ਜਿਹੜਾ ਪੰਡਿਤ ਵੀ ਥਾਲੀ ਨੂੰ ਹੱਥ
ਪਾਵੇ ਉਸਨੂੰ ਭਗਤ ਰਵਿਦਾਸ ਨਾਲ ਬੈਠੇ ਦਿਖਾਈ ਦੇਣ। ਇਸ ਤੇ ਸਾਰੇ ਪੰਡਿਤ ਇਕੱਠੇ ਹੋ ਕੇ ਭਗਤ
ਜੀ ਕੋਲ ਗਏ ਤੇ ਮਾਫੀ ਮੰਗੀ।