ਸਾਂਤਾਕਲੋਮਾ,
ਸਪੇਨ – ਗੁਰਮਤਿ ਟਕਸਾਲ ਦੇ ਯੂਰਪ ਦੇ ਕਨਵੀਨਰ ਕੁਲਵਿੰਦਰ ਸਿੰਘ ਜਾਡਲਾ ਨੇ ਬਲਰਾਮਜੀ ਦਾਸ
ਟੰਡਨ ਵੱਲੋਂ ਦਰਬਾਰ ਸਾਹਿਬ ਵਿਚ ਸ਼ਹੀਦਾਂ ਦੀ ਯਾਦਗਾਰ ਸਬੰਧੀ ਦਿੱਤੇ ਬਿਆਨ ਦੀ ਭਰਪੂਰ ਨਿੰਦਾ
ਕੀਤੀ ਹੈ। ਉਨ੍ਹਾਂ ਪੁਜ਼ੋਰ ਸ਼ਬਦਾਂ ਵਿਚ ਕਿਹਾ ਕਿ ਸੀਨੀਅਰ ਭਾਜਪਾ ਆਗੂ ਬਲਰਾਮਜੀ ਦਾਸ ਟੰਡਨ ਦਾ
ਇਹ ਬਿਆਨ ਪਿਛਲੇ ਪੰਜ ਦਹਾਕਿਆਂ ਤੋਂ ਚਲੀ ਆ ਰਹੀ ਭਾਜਪਾ ਦੀ ਸਿੱਖ ਦੁਸ਼ਮਣੀ ਨੂੰ ਦੁਹਰਾਉਣ ਦਾ
ਐਲਾਣਨਾਮਾ ਹੈ।
ਉਨ੍ਹਾਂ ਕਿਹਾ ਕਿ ਭਾਜਪਾ ਆਪਣੇ ਜਨਮ ਤੋਂ ਹੀ ਸਿੱਖਾਂ ਨਾਲ
ਦੁਸ਼ਮਣੀ ਦਾ ਸ਼ਰੇਆਮ ਦਿਖਾਵਾ ਕਰਦੀ ਰਹੀ ਹੈ। ਪਹਿਲਾਂ ਪੰਜਾਬੀ ਨੂੰ ਪੰਜਾਬ ਦੀ ਬੋਲੀ ਨਾ ਮੰਨਣਾ,
ਪੰਜਾਬੀ ਸੂਬੇ ਦਾ ਵਿਰੋਧ ਕਰਨਾ, ਸਿੱਖਾਂ ਦੀ ਹਰ ਮੰਗ ਦਾ ਵਿਰੋਧ ਕਰਨਾ, ਦਰਬਾਰ ਸਾਹਿਬ ਤੇ
ਫ਼ੌਜ ਦੇ ਹਮਲੇ ਦੀ ਪੁਰਜ਼ੋਰ ਹਿਮਾਇਤ ਕਰਨਾ, ਸਿੱਖਾਂ ਦੇ ਕਾਤਲਾਂ ਦੀ ਪੁਸ਼ਤਪਨਾਹੀ ਕਰਨਾ ਭਾਜਪਾ
ਦੇ ਕਿਰਦਾਰ ਦਾ ਪ੍ਰਗਟਾਵਾ ਹੈ।
ਉਨ੍ਹਾਂ ਬੁੱਚੜ ਫ਼ੌਜੀ ਅਫ਼ਸਰ ਕੁਲਦੀਪ ਬਰਾੜ ਤੇ ਹਮਲੇ ਨੂੰ
ਵੀ ਇਕ ਸਾਜ਼ਸ਼ੀ ਡਰਾਮਾ ਕਿਹਾ ਅਤੇ ਇਸ ਨੂੰ ਭਾਰਤ ਦੀ ‘ਥਰਡ ਏਜੰਸੀ’ ਦੀ ਪਲਾਨਿੰਗ ਦਾ ਹਿੱਸਾ
ਗਰਦਾਨਿਆ। ਉਨ੍ਹਾਂ ਕਿਹਾ ਕਿ ਇਸ ਡਰਾਮੇ ਦਾ ਮੰਤਵ ਸਿੱਖਾਂ ਦੇ ਅਕਸ ਨੂੰ ਬਦਨਾਮ ਕਰਨਾ ਹੈ।
