ਕੀ ਮੈਂ ਸਿੱਖ
ਹਾਂ?
- ਵਰਿੰਦਰ ਸਿੰਘ
ਸ਼ਬਦ ਗੁਰੂ ਨੂੰ ਛੱਡਕੇ ਦੇਹਧਾਰੀਆਂ ਨੂੰ ਗੁਰੂ ਬਣਾਇਆ,
ਕੀ ਮੈਂ ਸਿੱਖ ਹਾਂ ?
ਮੜੀ
ਮਸਾਣੀ ਮੰਦਰੀਂ ਜਾ ਕੇ ਵੀ ਸਿਰ ਨਵਾਇਆ, ਕੀ ਮੈਂ ਸਿੱਖ ਹਾਂ ?
ਵੀਰਵਾਰ ਨੂੰ ਗੁਗੇ ਪੀਰ ਦੇ ਜਾ ਕੇ ਦੀਵਾ ਜਗਾਇਆ, ਕੀ ਮੈਂ ਸਿੱਖ
ਹਾਂ ?
ਹਰ ਬ੍ਰਾਹਮਣੀ ਕਰਮਕਾਂਡ ਨੂੰ ਮੈਂ ਰੱਜ ਕੇ ਨਿਭਾਇਆ, ਕੀ ਮੈਂ ਸਿੱਖ
ਹਾਂ ?
ਟੱਲੀਆਂ ਖੜਕਾਈਆਂ, ਸ਼ੰਖ ਵਜਾਏ, ਜੋਤਾਂ ਨੂੰ ਜਗਾਇਆ, ਕੀ ਮੈਂ ਸਿੱਖ
ਹਾਂ ?
ਲੰਗਰ ਲਵਾਏ, ਪਾਠ ਕਰਵਾਏ ,ਪਰ ਬਾਣੀ ਨੂੰ ਕਦੇ ਹੱਥ ਨਾ ਲਾਇਆ,
ਕੀ ਮੈਂ ਸਿੱਖ ਹਾਂ ?
ਝੂਠੀਆਂ ਕਹਾਣੀਆਂ ਸੁਣ ਕੇ ਸਿਰ ਹਿਲਾਏ, ਪਰ ਇਤਹਾਸ ਆਪਣੇ ਨੂੰ
ਭੁਲਾਇਆ, ਕੀ ਮੈਂ ਸਿੱਖ ਹਾਂ ?
ਗੁਰੂ ਦੀ ਗਲ ਨੂੰ ਮਨੰਣ ਦੀ ਥਾਂ, ਗੁਰੂ ਦੇ ਉਤੇ ਹੀ ਸਵਾਲ
ਉਠਾਇਆ, ਕੀ ਮੈਂ ਸਿੱਖ ਹਾਂ ?
ਗੁਰੂ ਗਰੰਥ ਸਾਹਿਬ ਦੇ ਬਰਾਬਰ ਰੱਖੀ ਕੂੜ ਕਿਤਾਬ ਨੂੰ ਵੀ ਸਿਰ ਝੁਕਾਇਆ,
ਕੀ ਮੈਂ ਸਿੱਖ ਹਾਂ ?
ਗੁਰੂ ਗਰੰਥ ਦੀ ਹਜੂਰੀ ਵਿਚ ਬੈਠਕੇ, ਲੋਕਾਂ ਨੂੰ ਮਿਰਜਾ ਤੇ
ਰਾਂਝਾ ਸੁਣਾਇਆ, ਕੀ ਮੈਂ ਸਿੱਖ ਹਾਂ ?
ਸੱਚੇ ਬੰਦਿਆਂ ਨੂੰ ਪੰਥ ਵਿਚੋਂ ਛੇਕਿਆ ਅਤੇ ਝੂਠਿਆਂ ਨੂੰ ਸਿਰ ਤੇ ਬਠਾਇਆ,
ਕੀ ਮੈਂ ਸਿੱਖ ਹਾਂ ?
ਕਦੇ ਸਮਾਂ ਲਗੇ ਤਾਂ ਜ਼ਰੂਰ ਸੋਚਣਾ, ਕੀ ਇਹ ਓਹੀ ਪੰਥ ਹੈ ਜਿਹੜਾ ਮੇਰੇ ਗੁਰੂ ਸੀ ਚਲਾਇਆ,
ਤੇ ਕੀ ਮੈਂ ਸਿੱਖ ਹਾਂ ?