*
28 ਮਾਰਚ ਦੇ ਮੁੰਕਮਲ ਬੰਦ ਲਈ ਧੰਨਵਾਦ
* ਸਾਰੀਆਂ ਸਿੱਖ ਸੰਗਤਾਂ 29 ਮਾਰਚ ਵੀਰਵਾਰ ਨੂੰ
ਪਟਿਆਲੇ ਵੱਲ ਕੂਚ ਕਰਨ: ਸਿੱਖ ਸੰਘਰਸ਼ ਮੋਰਚਾ
ਬਠਿੰਡਾ,
28 ਮਾਰਚ (ਕਿਰਪਾਲ ਸਿੰਘ) ਭਾਈ ਬਲਵੰਤ ਸਿੰਘ ਰਾਜੋਆਣਾ ਦੀ ਬਿਨਾਂ ਸ਼ਰਤ ਰਿਹਾਈ ਲਈ ਅਰੰਭੇ ਸਘੰਰਸ਼
ਨੂੰ ਤੇਜ ਕਰਨ ਲਈ ਸਮੂਹ ਸਿੱਖ ਜਥੇਬੰਦੀਆਂ ਵਲੋਂ ਸਾਂਝੇ ਤੌਰ ’ਤੇ ਦਿੱਤੇ ਸੱਦੇ ’ਤੇ 28 ਮਾਰਚ ਦੇ
ਮੁੰਕਮਲ ਬੰਦ ਨੂੰ ਪੁਰਅਮਨ ਸਫਲ ਕਰਨ ਵਿੱਚ ਸਹਿਯੋਗ ਦੇਣ ਵਾਲੇ ਪੰਜਾਬ ਦੇ ਮਾਨਵੀ ਹੱਕਾਂ ਦੇ ਰਾਖੇ
ਤੇ ਇਨਸਾਫ ਪਸੰਦ ਲੋਕਾਂ ਦਾ ਸਿੱਖ ਸਘੰਰਸ਼ ਮੋਰਚਾ ਦੀ ਅੱਠ ਮੈਂਬਰੀ ਕਮੇਟੀ ਦੇ ਮੈਂਬਰ ਭਾਈ ਜਗਤਾਰ
ਸਿੰਘ ਜਾਚਕ, ਭਾਈ ਧਿਆਨ ਸਿੰਘ ਮੰਡ, ਭਾਈ ਗੁਰਿੰਦਰਪਾਲ ਸਿੰਘ ਧਨੌਲਾ, ਭਾਈ ਪਰਮਜੀਤ ਸਿੰਘ ਸਹੋਲੀ,
ਭਾਈ ਅਮਰੀਕ ਈਸੜੂ, ਭਾਈ ਜਸਬੀਰ ਸਿੰਘ ਖੰਡੂਰ, ਭਾਈ ਬਲਵਿੰਦਰ ਸਿੰਘ ਭੁੱਲਰ ਅਤੇ ਭਾਈ ਸੂਰਤ ਸਿੰਘ
ਖ਼ਾਲਸਾ ਨੇ 28 ਮੁੰਕਮਲ ਬੰਦ ਹੋਣ ’ਤੇ ਧੰਨਵਾਦ ਕੀਤਾ।
ਸਿੱਖ
ਸੰਘਰਸ਼ ਮੋਰਚਾ ਵੱਲੋਂ ਗਿਆਨੀ ਜਗਤਾਰ ਸਿੰਘ ਜਾਚਕ ਵਲੋਂ ਈਮੇਲ ਰਾਹੀਂ ਭੇਜੇ ਗਏ ਪ੍ਰੈੱਸ ਨੋਟ ਵਿੱਚ
ਮਾਨਵੀ ਹੱਕਾਂ ਦੇ ਸਮੂਹ ਰਾਖੇ ਤੇ ਇਨਸਾਫ ਪਸੰਦ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ 29 ਮਾਰਚ ਵੀਰਵਾਰ
ਨੂੰ ਸਵੇਰੇ 9 ਵਜੇ ਸ੍ਰੀ ਅਕਾਲ ਤਖ਼ਤ ਸਾਹਿਬ, ਅੰਮ੍ਰਿਤਸਰ; ਤਖ਼ਤ ਸ੍ਰੀ ਕੇਸ ਗੜ੍ਹ ਸਾਹਿਬ, ਸ੍ਰੀ
ਅਨੰਦਪੁਰ; ਤਖ਼ਤ ਸ੍ਰੀ ਦਮਦਮਾ ਸਾਹਿਬ, ਸਾਬੋ ਕੀ ਤਲਵੰਡੀ (ਸ੍ਰੀ ਦਮਦਮਾ ਸਾਹਿਬ) ਤੋਂ ਧੰਨ ਧੰਨ ਸ੍ਰੀ
ਗੁਰੂ ਗ੍ਰੰਥ ਸਾਹਿਬ ਜੀ ਮਹਾਰਾਜ ਦੀ ਅਗਵਾਈ ਵਿੱਚ ਨਿਕਲ ਰਹੇ ‘ਭਾਈ ਰਾਜੋਆਣਾ ਚੜ੍ਹਦੀ ਕਲਾ ਮਾਰਚ’
ਵਿੱਚ ਕੇਸਰੀ ਝੰਡੇ ਲੈ ਕੇ ਸ਼ਾਮਲ ਹੋਣ ਅਤੇ ਪਟਿਆਲੇ ਵੱਲ ਨੂੰ ਕੂਚ ਕਰਨ ਤਾਂ ਜੋ ਜ਼ਿੰਦਾ ਸ਼ਹੀਦ ਭਾਈ
ਰਾਜੋਆਣਾ ਨੂੰ ਬਿਨਾਂ ਸ਼ਰਤ ਰਿਹਾ ਕਰਵਾ ਕੇ ਪ੍ਰੋ: ਭੁੱਲਰ ਸਮੇਤ ਬਾਕੀ ਦੇ ਬੰਦੀ ਸਿੱਖ ਨੌਜਵਾਨਾਂ
ਨੂੰ ਵੀ ਜੇਲ੍ਹਾਂ ਦੀ ਕਾਲ ਕੋਠੜੀਆਂ ਚੋਂ ਬਾਹਰ ਕੱਢਿਆ ਜਾ ਸਕੇ।
ਅਖ਼ਬਾਰੀ
ਖ਼ਬਰਾਂ ਮੁਤਾਬਿਕ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਜੀ ਨੇ ਵੀ ਅਪੀਲ ਕੀਤੀ
ਹੈ ਕਿ ਪੰਥਕ ਜਥੇਬੰਦੀਆਂ ਵੱਲੋਂ ਤਿੰਨ ਤਖ਼ਤਾਂ ਤੋਂ ਜਿਹੜੇ ਮਾਰਚ ਕੱਢਣ ਦੇ ਪ੍ਰੋਗਰਾਮ ਉਲੀਕੇ ਗਏ
ਹਨ, ਉਹ ਭਾਈ ਰਾਜੋਆਣਾ ਦੀ ਫਾਂਸੀ ਰੱਦ ਕਰਾਉਣ ਲਈ ਦਬਾਅ ਜਰੂਰ ਬਣਾਈ ਰੱਖਣ, ਪਰ ਸਾਰੇ ਪ੍ਰੋਗਰਾਮ
ਸ਼ਾਤਮਈ ਢੰਗ ਨਾਲ ਨੇਪਰੇ ਚਾੜ੍ਹਣ।
