Main News Page

ਸ਼ਰਧਾਲੂ ਔਰਤ ਨਾਲ ਜਬਰ-ਜਨਾਹ ਕਰਨ ਦੇ ਦੋਸ਼ ਵਿੱਚ ‘ਬਾਬਾ’ ਗ੍ਰਿਫਤਾਰ

ਗੁਰਦਾਸਪੁਰ, ਥਾਣਾ ਕਾਹਨੂੰਵਾਨ ਅਧੀਨ ਪੈਂਦੇ ਪਿੰਡ ਸੈਦਪੁਰ ਹਾਰਨੀਆਂ ਵਿਖੇ ਬਾਬੇ ਵੱਲੋਂ ਸ਼ਰਧਾਲੂ ਔਰਤ ਨੂੰ ਨਸ਼ੀਲੀ ਚੀਜ਼ ਖੁਆ ਕੇ ਉਸ ਨਾਲ ਕਥਿਤ ਤੌਰ ‘ਤੇ ਜਬਰ-ਜਿਨਾਹ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਹਾਲਾਂਕਿ ਪਹਿਲਾਂ ਪੁਲੀਸ ਮਾਮਲੇ ਨੂੰ ਟਾਲਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਲੇਕਿਨ ਸਿੱਖ ਚੇਤਨਾ ਮੰਚ ਅਤੇ ਇਲਾਕੇ ਦੀਆਂ ਸਮਾਜ ਸੇਵੀ ਸੰਸਥਾਵਾਂ ਦੇ ਦਬਾਅ ਹੇਠ ਪੁਲੀਸ ਨੂੰ ਕਥਿਤ ਬਾਬੇ ਖ਼ਿਲਾਫ਼ ਕੇਸ ਦਰਜ ਕਰਕੇ ਗ੍ਰਿਫਤਾਰ ਕਰਨਾ ਪਿਆ।

ਜਾਣਕਾਰੀ ਅਨੁਸਾਰ ਪਿੰਡ ਜੱਫਰਵਾਲ ਦੀ ਔਰਤ ਰਾਜਵਿੰਦਰ ਕੌਰ ਪਤਨੀ ਅਵਤਾਰ ਸਿੰਘ ਨੂੰ ਸਾਧ ਜਗੀਰ ਸਿੰਘ ਪੁੱਤਰ ਟਹਿਲ ਸਿੰਘ ਪਿੰਡ ਸੈਦਪੁਰ ਹਾਰਨੀ 25 ਦਸੰਬਰ 2011 ਨੂੰ ਗੁਰੂ ਘਰ ਦੇ ਦਰਸ਼ਨਾਂ ਲਈ ਹਜੂਰ ਸਾਹਿਬ ਸੰਗਤ ਲੈ ਕੇ ਗਿਆ ਸੀ। ਉਸ ਸੰਗਤ ਵਿੱਚ ਪੀੜਤ ਔਰਤ ਵੀ ਗਈ, ਪਰ ਪਖੰਡੀ ਸਾਧ ਅਤੇ ਉਸ ਦੇ ਗੰਨਮੈਨਾ ਨੇ ਅਸਲੇ ਦੀ ਮਦਦ ਨਾਲ ਉਸ ਨਾਲ ਗਏ। ਉਸ ਦੇ ਸਹੁਰੇ ਬਖਸੀਸ਼ ਸਿੰਘ ਨੂੰ ਡਰਾ ਧਮਕਾ ਕੇ ਉਥੋਂ ਕੱਢ ਦਿੱਤਾ। ਔਰਤ ਨੇ ਦੋਸ਼ ਲਾਇਆ ਕਿ ਉਕਤ ਬਾਬਾ ਉਸ ਨੂੰ ਕੋਈ ਨਸ਼ੀਲੀ ਚੀਜ਼ ਖਵਾ ਕੇ ਉਸ ਨਾਲ ਕੋਝੀਆਂ ਹਰਕਤਾਂ ਕਰਦਾ ਰਿਹਾ। ਇਸ ਤੋਂ ਬਾਅਦ ਜਦੋਂ ਕਿ ਉਹ ਬਾਬਾ 6 ਜਨਵਰੀ 2012 ਨੂੰ ਵਾਪਿਸ ਆਪਣੇ ਪਿੰਡ ਸੈਦਪੁਰ ਹਾਰਨੀ ਪਹੁੰਚਾ, ਤਾਂ ਬਾਬੇ ਨੇ ਫਿਰ ਉਸ ਨੂੰ ਨਸ਼ੇ ਦੀਆਂ ਗੋਲੀਆਂ ਦੇ ਕੇ, ਅਤੇ ਆਪ ਵੀ ਨਸ਼ੇ ਵਿੱਚ ਧੁੱਤ ਹੋ ਕੇ ਉਸ ਨਾਲ ਜਬਰ ਜਿਨਾਹ ਕਰਦਾ ਰਿਹਾ।

ਇਸ ਸਬੰਧੀ ਜਦੋਂ ਰਾਜਵਿੰਦਰ ਕੌਰ ਨੇ ਵਿਰੋਧ ਕੀਤਾ ਤਾਂ ਬਾਬੇ ਨੇ ਉਸ ਨੂੰ ਕਈ ਤਰਾਂ ਦੇ ਲਾਲਚ ਦਿੱਤੇ। ਪਰ ਜਦੋਂ ਉਹ ਨਿਡੱਰ ਹੋ ਕੇ ਵਿਰੋਧ ਉੱਤੇ ਉਤਰ ਆਈ ਤਾਂ ਬਾਬੇ ਵੱਲੋਂ ਉਸ ਨੂੰ ਡਰਾਇਆ ਧਮਕਾਇਆ ਵੀ ਗਿਆ। ਬਾਬੇ ਨੇ ਔਰਤ ਨੂੰ ਵਰਗਲਾਉਂਦਿਆਂ ਕਿਹਾ ਕਿ ਉਹ ਉਸ ਨੂੰ ਸੰਤਾਨ ਪ੍ਰਾਪਤੀ ਦਾ ਸੁੱਖ ਵੀ ਦੇਵੇਗਾ ਕਿਉਂਕਿ ਔਰਤ ਦੀ ਵਿਆਹ ਤੋਂ ਕਾਫੀ ਸਾਲ ਬਾਅਦ ਵੀ ਕੋਈ ਬੱਚਾ ਨਾ ਹੋਣ ਕਾਰਨ ਉਕਤ ਸਾਧ ਨੇ ਉਸ ਔਰਤ ਦੀ ਮਮਤਾ ਦਾ ਨਾਜਾਇਜ ਫਾਇਦਾ ਉਠਾਇਆ। ਇਸ ਸਾਧ ਦੀ ਇਸ ਅਨੈਤਿਕ ਅਤੇ ਧੱਕੇ ਜੋਰੀ ਦੀ ਹਰਕਤ ਤੋਂ ਦੁਖੀ ਹੋ ਕੇ, ਪੀੜਤ ਔਰਤ ਦੇ ਪਰਿਵਾਰ ਵੱਲੋਂ ਸਿੱਖ ਚੇਤਨਾ ਮੰਚ ਅਤੇ ਧਰਮ ਸਤਿਕਾਰ ਕਮੇਟੀ ਦੇ ਸੇਵਾਦਾਰਾਂ ਨਾਲ ਸੰਪਰਕ ਕੀਤਾ, ਤਾਂ ਸਤਿਕਾਰ ਕਮੇਟੀ, ਸਿੱਖ ਚੇਤਨਾ ਮੰਚ ਨੇ ਪੁਲਿਸ ਥਾਨਾ ਕਾਹਨੂੰਵਾਨ ਦੀ ਹਾਜ਼ਰੀ ਵਿੱਚ ਰਾਜਵਿੰਦਰ ਕੌਰ ਨੂੰ ਇਸ ਕਲਯੁੱਗੀ ਸਾਧ ਕੋਲੋਂ ਬੜੀ ਮੁਸ਼ਕਿਲ ਨਾਲ ਉਸ ਦੇ ਚੁੰਗਲ ਵਿਚੋਂ ਛੜਵਾਇਆ।