ਅੰਮ੍ਰਿਤਸਰ,
14 ਜਨਵਰੀ: ਐਸ. ਜੀ. ਪੀ. ਸੀ. ਦੀ ਸਾਬਕਾ ਪ੍ਰਧਾਨ ਬੀਬੀ ਜਗੀਰ
ਕੌਰ, ਉਨ੍ਹਾਂ ਦੇ ਦਾਮਾਦ ਅਤੇ ਬੇਟੀ 'ਤੇ ਨਾਜਾਇਜ਼ ਸ਼ਰਾਬ ਰੱਖਣ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ।
ਇਹ ਮਾਮਲਾ ਕਪੂਰਥਲਾ ਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪੁਲਸ ਨੇ ਸ਼ਰਾਬ ਦਾ ਇਕ ਟਰੱਕ ਫੜਿਆ ਹੈ।
ਪੁਲਸ ਦਾ ਕਹਿਣਾ ਹੈ ਕਿ ਚੋਣਾਂ 'ਚ ਵੰਡਣ ਲਈ ਸ਼ਰਾਬ ਦਾ ਟਕੱਰ ਲਿਆਇਆ ਗਿਆ ਹੈ।
5 ਸੂਬਿਆਂ 'ਚ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਚੋਣ ਕਮਿਸ਼ਨ
ਨੇ ਸਖਤੀ ਦਿਖਾਈ ਹੈ। ਕਮਿਸ਼ਨ ਦੀ ਸਖਤੀ ਦਾ ਅਸਰ ਵੀ ਸਾਹਮਣੇ ਆ ਰਿਹਾ ਹੈ। ਯੂ. ਪੀ. 'ਚ ਜਿੱਥੇ
ਨੋਟਾਂ ਦੀ ਬਰਾਮਦਗੀ ਹੋਈ ਤਾਂ ਪੰਜਾਬ 'ਚ ਸ਼ਰਾਬ ਦਾ ਦਰਿਆ ਵਹਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਚੋਣ ਕਮਿਸ਼ਨ ਦੇ ਹੁਕਮਾਂ 'ਤੇ ਸੂਬਾਈ ਪੁਲਸ ਨੇ ਕਪੂਰਥਲਾ, ਅੰਮ੍ਰਿਤਸਰ, ਬਠਿੰਡਾ ਤੋਂ ਭਾਰੀ ਮਾਤਰਾ
'ਚ ਸ਼ਰਾਬ ਦੀ ਬਰਾਮਦਗੀ ਕੀਤੀ ਹੈ।
ਇਸ ਤੋਂ ਇਲਾਵਾ ਅੰਮ੍ਰਿਤਸਰ 'ਚ 294 ਪੇਟੀ ਅਤੇ ਬਠਿੰਡਾ 'ਚ
280 ਪੇਟੀ ਨਾਜਾਇਜ਼ ਸ਼ਰਾਬ ਫੜੀ ਗਈ ਹੈ। ਅੰਮ੍ਰਿਤਸਰ ਦੇ ਫਤੇਹਗੜ੍ਹ ਰੋਡ 'ਤੇ ਇਕ ਘਰ 'ਚੋਂ ਪੁਲਸ
ਨੇ 294 ਪੇਟੀ ਸ਼ਰਾਬ ਬਰਾਮਦ ਕੀਤੀ ਹੈ। ਇਹ ਘਰ ਬਲਵਿੰਦਰ ਸਿੰਘ ਤੁੰਗ ਦਾ ਹੈ। ਬਲਵਿੰਦਰ ਸਿੰਘ
ਤੁੰਗ ਅਕਾਲੀ-ਭਾਜਪਾ ਦੇ ਉਮੀਦਵਾਰ ਅਨਿਲ ਜੋਸ਼ੀ ਦਾ ਸਰਥਕ ਹੈ। ਪੁਲਸ ਦਾ ਮੰਨਣਾ ਹੈ ਕਿ ਸ਼ਰਾਬ ਦੀਆਂ
ਪੇਟੀਆਂ ਲੋਕਾਂ ਨੂੰ ਵੰਡਣ ਲਈ ਲਿਆਈਆਂ ਗਈਆਂ ਸਨ। ਇਸ ਤੋਂ ਪਤਾ ਚੱਲਦਾ ਹੈ ਕਿ ਸੂਬੇ 'ਚ ਕਿੰਨੇ
ਵੱਡੇ ਪੱਧਰ 'ਤੇ ਨਾਜਾਇਜ਼ ਸ਼ਰਾਬ ਵੰਡਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।