ਇਸ ਵਿੱਚ ਭਾਈ ਧੂੰਦਾ ਨੂੰ ਸਿਰਫ ਇਹ ਕਹਿੰਦੇ ਸੁਣਾਇਆ ਗਿਆ ਹੈ ਕਿ, “ਉਸੇ
ਦਰਬਾਰ ਸਾਹਿਬ ਵਿੱਚ ਕੁਝ ਐਸੀਆਂ ਰਚਨਾਵਾਂ ਪੜ੍ਹੀਆਂ ਜਾਂਦੀਆਂ ਹਨ ਜੋ ਵੇਸਵਾਵਾਂ ਨੂੰ ਵੀ ਮਾਤ
ਪਾਉਂਦੀਆਂ ਹਨ।” ਪਰ ਅਸਲੀਅਤ ਇਸ ਨਾਲੋਂ ਬਿਲਕੁਲ ਉਲਟ ਹੈ ਜਿਸਨੂੰ ਭਾਈ ਧੂੰਦਾ ਦੀ ਉਪਰੋਕਤ
ਵਿਚਾਰ ਵਾਲੀ ਅਸਲੀ ਅਤੇ ਪੂਰੀ ਵੀਡੀਓ ਨੂੰ ਧਿਆਨ ਨਾਲ ਸੁਣ ਕੇ ਪਤਾ ਕੀਤਾ ਜਾ ਸਕਦਾ ਹੈ ਖਾਸ ਤੌਰ
‘ਤੇ 10-20 ਮਿੰਟ ਦੇ ਵਿਚਕਾਰ ਵਾਲਾ ਹਿੱਸਾ ਸੁਣ ਕੇ ਅਸਲੀਅਤ ਸਾਹਮਣੇ ਆ ਜਾਂਦੀ ਹੈ।
ਇਹ ਪੰਥ-ਦੋਖੀ ਹਰ ਕੌਮੀ ਪ੍ਰਚਾਰਕ ਜੋ ਕਿ ਤੱਤ ਗੁਰਮਤਿ ਦਾ ਪ੍ਰਚਾਰ ਕਰ
ਰਿਹਾ ਹੈ ਨੂੰ ਬਦਨਾਮ ਕਰਕੇ ਪੰਥ ਵਿੱਚੋਂ ‘ਛੇਕਿਆ’ ਦਾ ਖਿਤਾਬ ਦਿਵਾਉਣ ਲਈ ਉਤਾਵਲੇ ਹਨ। ਗੁਰਮਤਿ
ਦੇ ਪ੍ਰਚਾਰਕਾਂ ਨੂੰ ਤਿਆਰ ਰਹਿਣਾ ਚਾਹੀਦਾ ਹੈ, ਇਹਨਾਂ ਦਾ ਅਗਲਾ ਨਿਸ਼ਾਨਾ ਕੋਈ ਵੀ ਹੋ ਸਕਦਾ ਹੈ।
ਪ੍ਰੋ: ਦਰਸ਼ਨ ਸਿੰਘ ਦੇ ਖਿਲਾਫ ਇਹਨਾਂ ਦੀ ਇਸੇ ਤਰ੍ਹਾਂ ਦੀ ਚਾਲ
ਕਾਮਯਾਬ ਹੋ ਚੁੱਕੀ ਹੈ, ਪਰ ਇਹਨਾਂ ਨੂੰ ਯਾਦ ਰੱਖਣਾ ਚਾਹੀਦਾ ਹੈ
ਕਿ ‘ਕਾਠ ਦੀ ਹਾਂਡੀ ਵਾਰ-ਵਾਰ ਨਹੀਂ ਚੜ੍ਹਦੀ’ । ਕੌਮ ਹੁਣ ਪਹਿਲਾਂ ਨਾਲੋਂ ਕਾਫੀ ਸੁਚੇਤ ਹੋ
ਚੁੱਕੀ ਹੈ, ਇਹ ਕੋਝੀਆਂ ਹਰਕਤਾਂ ਹੁਣ ਕਾਮਯਾਬ ਨਹੀਂ ਹੋ ਸਕਦੀਆਂ।
ਸਾਰੇ ਜਾਗਦੀ ਜ਼ਮੀਰ ਵਾਲੇ ਅਤੇ ਸੂਝਵਾਨ ਸਿੱਖਾਂ ਨੂੰ ਬੇਨਤੀ ਹੈ ਕਿ ਇਹਨਾਂ
ਦੀਆਂ ਕੌਮ-ਘਾਤਕ ਚਾਲਾਂ ਤੋਂ ਸੁਚੇਤ ਹੁੰਦੇ ਹੋਏ ਵੱਧ ਤੋਂ ਵੱਧ ਵਿਰੋਧ ਕੀਤਾ ਜਾਵੇ ਅਤੇ ਬਾਕੀ
ਭੋਲੇ-ਭਾਲੇ ਸਿੱਖਾਂ ਨੂੰ ਵੀ ਇਹਨਾਂ ਦੇ ਕੂੜ ਪ੍ਰਚਾਰ ਪ੍ਰਤੀ ਜਾਗਰੂਕ ਕਰਨ ਕੀਤਾ ਜਾਵੇ। ਪੰਥ
ਦਰਦੀ ਅਤੇ ਕੌਮ ਇਹਨਾਂ ਸ਼ਕਤੀਆਂ ਨੂੰ ਬਿਲਕੁਲ ਮੂੰਹ ਨਾ ਲਾਵੇ ਅਤੇ ਜਿੱਥੋਂ ਤੱਕ ਹੋ ਸਕੇ ਇਹਨਾਂ
ਦਾ ਸਮਾਜਿਕ ਬਾਈਕਾਟ ਕੀਤਾ ਜਾਵੇ।