ਪਿਛਲੇ ਕੁਝ
ਸਮੇਂ ਤੋਂ ਯੂਰਪ ਦੇ ਦੇਸ਼ ਮਿਲਾਨ ਦੇ ਹਵਾਈ ਅੱਡੇ ਤੇ ਦਸਤਾਰ ਦੀ ਬੇਅਦਬੀ ਤੋਂ ਬਾਅਦ,
ਹੁਣ ਇਟਲੀ ਦੇ ਇਂਟਰਨੈਸ਼ਨਲ ਏਅਰ ਪੋਰਟ ਫਿਊਨੀਛੀਨੋ ਵਿਖੇ ਵੀ ਇਹ ਵਰਤਾਰਾ ਸ਼ੁਰੂ ਹੋ ਗਿਆ ਹੈ। ਇਸ
ਸਬੰਧੀ ਜਾਣਕਾਰੀ ਦਿੰਦਿਆਂ ਭਾਈ ਸੰਦੀਪ ਸਿੰਘ ਖਾਲੜਾ, ਜੋ ਕਿ
ਗੁਰਮਤਿ ਗਿਆਨ ਮਿਸ਼ਨਰੀ ਕਾਲਜ ਦੇ ਪ੍ਰਚਾਰਕ ਪਿਛਲੇ ਤਿੰਨ ਮਹੀਨੇ ਤੋਂ ਗੁਰਦੁਆਰਾ ਸਿੰਘ ਸਭਾ
ਲਾਵੀਨੀਓ ਵਿਖੇ ਕਥਾਵਾਚਕ ਦੀ ਸੇਵਾ ਨਿਭਾਹ ਕੇ ਗਏ ਹਨ, ਨੇ ਦਸਿਆ
ਕਿ 21 ਨਵੰਬਰ ਨੂੰ ਵਾਪਸੀ ਦੌਰਾਨ ਜਦ ਸਾਰੀ ਚੈਕਿੰਗ ਹੋ ਗਈ,
ਮੇਰੇ ਹੈਂਡ ਬੈਗ ਵਾਪਿਸ ਮਿਲਨ ਤੋਂ ਬਾਅਦ ਇਕ ਵਖਰੇ ਕਮਰੇ 'ਚ ਜਾ
ਕੇ ਦਸਤਾਰ ਦੀ ਚੈਕਿੰਗ ਕੀਤੀ ਗਈ।
ਉਹਨਾਂ ਦਸਿਆ ਕਿ ਮੇਰੀ ਦਸਤਾਰ ਵਿੱਚ ਨਾ ਤਾਂ ਕੋਈ ਲੋਹੇ ਦੀ
ਪਿੰਨ ਤੇ ਨਾ ਹੀ ਕੋਈ ਸਲਾਈ ਆਦਿ ਸੀ। ਉਹਨਾਂ ਸਕਿਉਰਟੀ ਮਸ਼ੀਨਾਂ
ਪਹਿਲਾ ਹੀ ਸਭ ਕੁਝ ਚੈੱਕ ਕਰ ਲਿਆ ਸੀ, ਜਦ ਕਿ ਕੋਈ ਮਸ਼ੀਨ ਨੇ
ਅਵਾਜ ਨਹੀਂ ਦਿਤੀ। ਇਸ ਦੇ ਬਾਵਜੂਦ ਫਿਰ ਦਸਤਾਰ ਉਤਾਰ ਕੇ ਚੈੱਕ ਕਰਨ ਦਾ ਸਵਾਲ ਹੀ ਪੈਦਾ ਨਹੀਂ
ਸੀ ਹੁੰਦਾ।
ਇਸ ਸਬੰਧੀ ਸਮੂੰਹ ਯੂਰਪ ਦੇ ਸਿੱਖ ਭਾਈਚਾਰੇ ਵੱਲੋਂ ਤਕਰੀਬਨ
ਢਾਈ ਮਹੀਨੇ ਪਹਿਲਾ ਰੋਮ ਵਿਖੇ ਰੋਸ ਵਿਖਾਵਾ ਵੀ ਕੀਤਾ ਗਿਆ ਸੀ,
ਤੇ ਗਿ. ਗੁਰਬਖਸ ਸਿੰਘ ਜੀ ਗੁਲਸ਼ਨ ਜੀ ਦਾ ਬਿਆਨ ਵੀ ਅਖਬਾਰ ਵਿੱਚ
ਆਇਆ ਸੀ, ਕਿ ਉਥੋਂ ਦ ਅਧਿਕਾਰੀਆਂ ਨੇ ਭਰੋਸਾ ਵੀ ਦਿਵਾਇਆ ਹੈ,
ਕਿ ਭਵਿਖ ਵਿਚ ਅਜਿਹੀ ਘਟਨਾ ਨਹੀਂ ਵਾਪਰੇਗੀ। ਪਰ ਇਹ ਵਰਤਾਰਾ ਲਗਾਤਾਰ ਜਾਰੀ ਹੈ ਇਸ ਸਬੰਧੀ
ਇੰਡੀਆ ਦੇ ਪ੍ਰਧਾਨ ਮੰਤਰੀ, ਪੰਜਾਬ ਦੇ ਮੁਖ ਮੰਤਰੀ ਤੇ ਸ੍ਰੀ
ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਜੀ ਨੂੰ ਕਦਮ ਚੁਕਣੇ ਚਾਹੀਦੇ ਹਨ,
ਤਾਂ ਕਿ ਅਜਿਹੀ ਘਟਨਾ ਭਵਿਖ ਚ ਨਾ ਵਾਪਰੇ।