ਮੈਲਬੋਰਨ,
(19 ਅਕਤੂਬਰ,ਪੀ.ਐਸ.ਐਨ):- ਬਾਲੀਵੁੱਡ ਦੇ ਮਹਾਂਨਾਇਕ ਮੰਨੇ ਜਾਂਦੇ
ਸੁਪਰ ਸਟਾਰ ਅਮਿਤਾਬ ਬੱਚਨ ਵਿਰੁੱਧ ਆਸਟ੍ਰੇਲੀਆ 'ਚ 1984 ਦੇ ਸਿੱਖ ਕਤਲੇਆਮ ਨੂੰ ਭੜਕਾਉਣ ਦੇ ਦੋਸ਼
'ਚ ਇੱਕ ਅਪਰਾਧਿਕ ਮਾਮਾਲ ਦਰਜ ਕਰਵਾਇਆ ਗਿਆ ਹੈ। ਅਮਰੀਕਾ ਦੇ ਸਿੱਖ ਫਾਰ ਜਸਟਿਸ ਨਾਮੀ ਸੰਸਥਾ ਵਲੋਂ
ਅਮਿਤਾਬ ਵਿਰੁੱਧ ਇੱਕ ਸ਼ਿਕਾਇਤ ਆਸਟ੍ਰੇਲੀਆ ਦੇ ਕਾਮਨਵੈਲਥ ਪਬਲਿਕ ਪ੍ਰੋਜੀਕਿਊਸ਼ਨ ਦੇ ਡਾਇਰੈਕਟਰ
ਕ੍ਰਿਸਟਾਫ਼ਰ ਕ੍ਰੇਗੀ ਦੇ ਦਫਤਰ 'ਚ ਦਰਜ ਕਰਵਾਈ ਹੈ।
ਇਥੇ ਵਰਣਨਯੋਗ ਹੈ ਕਿ ਇਹ ਸ਼ਿਕਾਇਤ ਆਸਟ੍ਰੇਲੀਆ ਦੇ ਕਰਿਮੀਨਲ ਕੋਡ ਐਕਟ 1995
ਅਧੀਨ ਦਰਜ ਹੋਈ ਹੈ, ਜਿਸ ਕਾਨੂੰਨ ਅਨੁਸਾਰ ਆਸਟ੍ਰੇਲੀਆ ਦੀਆਂ ਅਦਾਲਤਾਂ 'ਚ ਅਜਿਹੇ ਕਿਸੇ ਮਾਮਲੇ
ਨੂੰ ਲੈ ਕੇ ਕੇਸ ਚੱਲ ਸਕਦਾ ਹੈ, ਜਿਸ 'ਚ ਮਾਨਵਤਾ ਵਿਰੁੱਧ ਦੁਨੀਆ ਦੇ ਕਿਸੇ ਵੀ ਹਿੱਸੇ 'ਚ ਅਪਰਾਧ
ਹੋਇਆ ਹੋਵੇ। |