ਫਿਲਮ ਦੇ ਨਿਰਦੇਸ਼ਕ ਬੀਬੀ ਹਰਬੰਸ ਕੌਰ, ਸ. ਗੁਰਸੇਵਕ ਸਿੰਘ ਅਤੇ ਸ. ਸਿਮਰਨ
ਸਿੰਘ ਹਨ। ਫਿਲਮ ਵਿਚ ਕਲਾਕਾਰਾਂ ਦੀ ਭੂਮਿਕਾ ਬੀਬੀ ਪ੍ਰੀਤ ਕੌਰ, ਬੀਬੀ ਕੁਲਵੰਤ ਕੌਰ,
ਦਿਵਯਾਪ੍ਰੀਤ ਕੌਰ, ਰਵਲੀਨ ਕੌਰ, ਸੌਮਯਾਪ੍ਰੀਤ ਕੌਰ, ਸ. ਇਕਬਾਲ ਸਿੰਘ, ਸ.ਹਰਿੰਦਰਪਾਲ ਸਿੰਘ,
ਪਰਮੀਤ ਸਿੰਘ ਅਤੇ ਸ. ਗੁਰਸੇਵਕ ਸਿੰਘ ਮਦਰੱਸਾ ਨੇ ਬਾਖੂਬੀ ਨਿਭਾਈ। ਫਿਲਮ ਦੇ ਨਿਰਮਾਣ ਵਿਚ
ਗੁਰਸਿੱਖ ਫੈਮਿਲੀ ਕਲੱਬ ਫਰੀਦਾਬਾਦ ਨੂੰ ਫਰੀਦਾਬਾਦ, ਦਿੱਲੀ, ਅਬੋਹਰ, ਅਤੇ ਲੁਧਿਆਣਾ ਦੀਆਂ ਕਈ
ਧਾਰਮਕ ਸੰਸਥਾਵਾਂ ਦਾ ਵੀ ਭਰਪੂਰ ਸਹਿਯੋਗ ਪ੍ਰਾਪਤ ਹੋਇਆ। ਫਿਲਮ ਦੇ ਨਿਰਦੇਸ਼ਕ ਅਤੇ ਕਲਾਕਾਰ ਸ.
ਗੁਰਸੇਵਕ ਸਿੰਘ ਨੇ ਦਸਿਆ ਕਿ ਅੱਜ ਦੇ ਸਮੇਂ ਇਹ ਸਾਡੀ ਸਭ ਤੋਂ ਵੱਡੀ ਲੋੜ ਹੈ ਕਿ ਅਸੀਂ ਵੱਧ ਤੋਂ
ਵੱਧ ਇਲੈਕਟ੍ਰਾਨਿਕ ਮੀਡੀਆ ਦੇ ਰਾਹੀਂ ਗੁਰਮਤਿ ਗਿਆਨ ਨੂੰ ਲੋਕਾਂ ਤਕ ਪੁਜਾਈਏ ਕਿਉਂਕਿ ਅੱਜ ਸਾਡੇ
’ਤੇ ਸਭ ਤੋਂ ਵੱਧ ਹਮਲਾ ਮੀਡੀਆ ਨੂੰ ਹਥਿਆਰ ਬਣਾ ਕੇ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਫਿਲਮ ਦਾ ਮਕਸਦ ਸਿੱਖੀ ਦੇ ਵਿਹੜੇ ਚੋਂ ਮਨਮਤ ਅਤੇ
ਪਾਖੰਡਵਾਦ ਦੇ ਵਰਤਾਰੇ ਨੂੰ ਦੂਰ ਕਰਨਾ ਹੈ ਤਾਂ ਜੁ ਸਾਡੀ ਆਉਣ ਵਾਲੀ ਪਨੀਰੀ ਗੁਰਮਤਿ ਅਤੇ ਮਨਮਤਿ
ਦਾ ਫਰਕ ਜਾਣ ਸਕੇ। ਫਿਲਮ ਦੇ ਵੱਖ ਵੱਖ ਸ਼ੋ ਲੁਧਿਆਣਾ, ਦਿੱਲੀ, ਫਰੀਦਾਬਾਦ, ਚੰਡੀਗੜ੍ਹ ਆਦਿ ਦੇ
ਇਲਾਕਿਆਂ ਵਿਚ ਵੀ ਵਿਖਾਏ ਗਏ। ਗੁਰਸੇਵਕ ਸਿੰਘ ਨੇ ਕਿਹਾ ਕਿ ਅਸੀਂ ਧੰਨਵਾਦੀ ਹਾਂ ਦੇਸ਼-ਵਿਦੇਸ਼
ਵਿਚ ਬੈਠੇ ਉਨ੍ਹਾਂ ਪੰਥ ਦਰਦੀ ਵੀਰ-ਭੈਣਾਂ ਦੇ ਜਿੰਨ੍ਹਾਂ ਨੇ ਆਪਣਾ ਨਿਜ ਫਰਜ ਸਮਝ ਕੇ ਫੋਨ ਰਾਹੀਂ
ਇਹ ਸੂਚਤ ਕੀਤਾ ਕਿ ਉਨ੍ਹਾਂ ਵਲੋਂ ਇਸ ਫਿਲਮ ਨੂੰ ਡਾਉਨਲੋਡ ਕਰ ਕੇ ਆਪਣੇ ਆਪਣੇ ਇਲਾਕੇ ਵਿਚ
ਵਿਖਾਇਆ। ਉਨ੍ਹਾਂ ਦਸਿਆ ਕਿ 26 ਮਿੰਟਾਂ ਦੀ ਇਸ ਫਿਲਮ ਨੂੰ ਇੰਟਰਨੈਟ ਯੂ-ਟਿਉਬ ’ਤੇ ਫੁਲ ਐਚ.ਡੀ.
ਵਿਚ ਪਾਇਆ ਗਿਆ ਹੈ, ਤਾਂ ਜੁ ਕੋਈ ਵੀ ਇਸ ਨੂੰ ਗੁਰਮਤਿ ਪ੍ਰਚਾਰ
ਹਿਤ ਬਿਨਾਂ ਕੱਟ ਵੱਡ ਕੀਤਿਆਂ ਡਾਉਨਲੋਡ ਕਰ ਕੇ ਵਿਖਾ ਸਕੇ।
